Avashyakasutram Part_1

Author(s): Bhadrabahuswami, Malaygiri,
Publisher: Jinshasan Aradhana Trust

Page 606

कारणेण आगया, सा तं उल्लावं सोऊण मियावतीए साहेइ, मियावईवि तं सोऊण महया दुक्खेण अभिभूया, सा| चेडगस्स घूया, अतीव अद्धिति पकया, राया य आगतो पुच्छति, भणइ-किं तुझ रजेण मए वा?, अज किर चउत्थो मासो सामिस्स हिंडंतस्स भिक्खाभिग्गहो न नजइ, न वा जाणसि एत्थ विहरतं, तेण आसासिया, तह करेमि जहा। कल्ले लभइ, ताहे सुगुत्तं अमचं सद्दावेइ अंबाडेइ य, जहा-तुम आगयं सामि न याणसि ?, अज किर चउत्थो मासो हिंडतस्स, ताहे तच्चावादी सदावितो, सो पुच्छितो सयाणिएण-तुझं धम्मसत्थे सवपासंडाण आयारा आगया, ते तुमं|
साह, इमोवि अमच्चो भणितो-तुमंपि बुद्धिबलितो ता साह, ते भणति-बहवे अभिग्गहा, न नजइ कोऽभिप्पाओ, में दबजुत्तो खितजुत्तो कालजुत्तो भावजुत्तो सत्त पिंडेसणातो सत्त पाणेसणाओ, ताहे रण्णा सवत्थ संदिठ्ठा पाणेसणा
भत्तेसणाओ य, लोगेणवि परलोगकंखिणा कयातो, सामी आगतो, न य तेहिं पगारेहिं गेण्हइ, एवं ताव इयं ।। इतो य सयाणितो चंपं पहावितो, दहिवाहणं गेण्हामि, नावाकडएणं गओ एगाए रत्तीए, अचिंतिया नगरी वेढिया, तत्थ दहिवाहणो पलातो, रण्णा य जग्गहो घोसितो, एवं जग्गहे घुढे दहिवाहणस्स रण्णो धारिणी देवी तीसे धूया वसुमई, सा|
सह धूयाए एगेण रट्टिएण गहिया, राया नियचो, सो उट्टितो चिंतेइ भणइ य-एसा मे भजा, इमं च दारियं विक्केस्सं, सा दादेवी तेण माणसिएण दुक्खेण घूयादुक्खेण य एसा मे धूया न नजई किं पाविहिइत्ति अंतरा चेव कालगया, पच्छा।
तस्स रहियस्स चिंता जाया, दुटु मए भणियं-महिला ममं होहितित्ति, एयं धूयं भणामि, मा एसावि मरिहिइ, तो समें मोलंपि न होहिद, ताहे तेण अणुयत्तेण आणीया-वीहीए उडिया, धणावहेण दिहा, अणलंकियलावन्ना अवस्सं
करकवर
मा.सू.५०