Agam 38 Chhed 05 Jitkalpa Sutra

Author(s): Jinbhadragani Kshamashraman, Punyavijay
Publisher: Babalchand Keshavlal Modi

Page 202

७१ ]
जीतकल्पसूत्रम् । ण तेसिं जायते विग्धं, जा मासा दस अट्ट य । ण वेयणा ण वाऽऽयंको, ण वायणे उवद्दवा ।।२१३४॥ अट्ठारसमु पुण्णेसुं, होज्जा एते उवद्दया । ऊणिए ऊणिए यावि, गणे मेरा इमा भवे ॥२१३५॥ जत्तिएण गणो ऊणो, तत्तिए तत्थ पक्खिवे । एग दुवे अणेगा वा, एस कप्पे तु ऊणिए ॥२१३६॥ एते अणूणिए कप्पे, उपसंपज्जति जो तहिं । एगे दुवे अणेगे वा, तेसिं कप्पो इमो भवे ॥२१३७॥ अच्छंति ता उदिक्खंता, जाव पुण्णा तु ते णव । पच्छा पडिवज्जंति, जं कप्पं तेसि अंतिए ॥२१३८॥ पमाण कप्पद्वितो तत्थ, ववहारं ववहरित्तए । अणुपरिहारियाणं पि, पमाणं होति सेव तु ॥२१३९॥ आलोयण कप्पठिए, पञ्चक्खाणं तहेव वंदणयं । तं च वहते ते तू, उज्जाणी एव मण्णंति ॥२१४०॥ अणुपरिहारी गोवालगव्यगावीण णिच्चमुज्जुत्ता। परिहारियाण मग्गतो, हिडिती णिचमुज्जुत्ता ॥२१४१।। पडिपुच्छं वायणं चेव, मोत्तणं णत्थि संकहा । आलावो अत्तणिद्देसो, परिहारियस्स कारणे ॥२१४२॥ परिहारियाण उ तवो, वासामुक्कोस मज्झिम जहण्णो। बारसम दसम अट्ठम, दसमऽट्ठम छह सिसिरेसु ॥२१४३॥ अट्ठम छ? चउत्थं, गिम्हे उक्कोस मज्झिम जहण्णो। आयंबिलपारणगं, अभिगहिताएसणाए तु ॥२१४४|| अणुपरिहारीया पुण, णिचं पारिति ते उ आयामे । कप्पट्टिए वि ते चिय, आणिति अभिग्गहीताहिं ॥२१४५॥ परिहारिय पत्तेयं, अणुपरिहारीण तह य कप्पठिए । पंचण्ह वि तेसिं तू, संभोगेको मुणेतन्यो ॥२१४६॥