Agam 38 Chhed 05 Jitkalpa Sutra

Author(s): Jinbhadragani Kshamashraman, Punyavijay
Publisher: Babalchand Keshavlal Modi

Page 221

स्वोपज्ञभाष्ययुतं
[ गाथा सच्चित्ततेण्णमेयं, साहम्मीणं तु एवमक्खातं । आभवणं दोसा या, परधम्मियतेण्णे वोच्छामि ॥२३४८॥ परधम्मिया वि दुविहा, लिंगपविट्ठा तहा गिहत्था य । तेसिं तिविहं तेण्ण, आहारे उवहि सच्चित्ते ।।२३४९॥ भिक्खूमादीसंखडि, तं लिंग काउ भुंजए लुद्धो । आभोगम्मि उ लहुगा, गुरुगा उद्धंसणे होति ॥२३५०॥ कूरणिमित्तं चेव उ, अजियंता एते एत्थ पव्वइया । अविदिण्णदाणगा खलु पवयणहीला दुरप्पत्ति ॥२३५१॥ गिहवासे वि वरागा, धुवं खु एते अदिकल्लाणा । गलओ णवर ण वलिओ, एतेसिं सत्थुणा चेव ॥२३५२॥ एवं ता आहारे, उवहीतेण्णं पुणो इहं होजा । जह कोदि भिच्छुगादी, उवस्सए मोत्तु उवगरणं ॥२३५३॥ भिक्खादिगतो तं तू , जति गिण्हति चतुलहू भवे तत्थ । गिण्हण कडण ववहार पच्छकड तह य णिव्विसए ॥२३५४॥ गिण्हणे गुरुगा छम्मास कणे छेदो होति ववहारे । पच्छाकडम्मि मुलं, णिविसयोद्दावणे चरिमं ॥२३५५। जम्हा एते दोसा, तम्हा अविदिण्णगं ण घेत्तव्यं । उवहीतेण्णं एयं, एत्तो वोच्छामि सच्चित्ते ॥२३५६॥ खुडं व खुड्डियं वा, तेणेति अवत्त पुच्छितुं गुरुगा । वत्तम्मि पत्थि पुच्छा, खेत्तं थामं च णातूणं २३५७।। लिंगपविट्ठाणेवं, एमेव तिहा अदिण्ण गिहिया" । गहणादीया दोसा, सविसे सतरा भवे तेसु ॥२३५८॥ आहारे पिट्ठादी, विरल्लियं ददु खुड्डिया गेण्हे । गेण्हती दिहा वि य, ता कुसलपरंपरा छुमणा ॥२३५९॥ तहियं होति चतुलहू, अणवठ्ठप्पो व होति आदेसा। एमेव य उवहिम्मि वि, सुत्तही वस्थमादीया ॥२३६०॥