Agam 38 Chhed 05 Jitkalpa Sutra

Author(s): Jinbhadragani Kshamashraman, Punyavijay
Publisher: Babalchand Keshavlal Modi

Page 227

२०८
स्वोपज्ञभाष्ययुतं
[ गाथा अप्पडिविरयोसण्णो, ण भावलिंगारिहोऽणवठ्ठप्पो । जो जेण जत्थ दूसति, पडिसिद्धो तत्थ सो खेत्ते॥१०॥ जत्तियमेतं कालं, तवसा उ जहण्णएण छम्मासा । संवच्छरमुक्कोसं, आसाती जो जिणादीणं ॥११॥ वासं बारस वासा, पडिसेवी कारणे तु सब्बो वि । थोवं थोवतरं वा, वहेज्ज मुच्चेज्ज वा सव्वं ॥९२।। वंदति ण यवंदिज्जति, परिहारतवं सुदुच्चरं चरति । संवासो से कप्पति, णालवणादीणि सेसाणि॥९३॥ परपक्ख सपक्खे वा, ण वि विरयो तेणगादिदोसेहिं । अप्पडि विरयो अहवा, हत्थायालादिसु पएसु ॥२४२२।। ओसन्नमाइया तू . अणुवरया दो सलिंगसहिया ऊ। अणवठ्ठप्पा ते अ, कायव्या भावलिंगेणं ॥२४२३।।खेत्ततो गतं॥ कालतो अणवट्टप्पो, अणउवरतदोसो जत्तियं कालं । सो अणवट्ठो कीरति, जत्तियमेत्तं तयं कालं ॥२४२४॥ काले त्तिा तवअणवट्ठो दुविहो, आसायणयाय हो ति पडिसेवी । एकेको वि य दुविहो, जहण्णओ चेव उक्कोसो ॥२४२५॥ तवअणवट्ठा ऽऽसायण, जहण्ण छम्मास वरिसमुकोस । के पुण आसाएंती ?, जिणमादी जा महिडीयं ॥२४२६॥ पडिसेवी अणवट्ठो, जहण्ण वरिस तु बारसुक्कोसा । किं पुण पडिसेवति तू ?, तेण्णादीया पदा सव्वे ॥२४२७॥ कारणमादिपदा तू , उवरिं वोच्छिम् अहुण परिहारं । वंदणमादी य पदा, समासयो है इमं वोच्छं ॥२४२८॥ परिहरणं परिहारो, आलावणमादि दसहि तु पदेहिं । सेहादिए वि वंदति, सो पुण ण वि वंदणिज्जो तु ॥२४२९॥