Agam 38 Chhed 05 Jitkalpa Sutra

Author(s): Jinbhadragani Kshamashraman, Punyavijay
Publisher: Babalchand Keshavlal Modi

Page 223

२०४
स्वोपज्ञभाष्ययुतं
[ गाथा हत्थेण व पाएण व, अणवठ्ठप्पो तु होति उग्गिणे । पडियम्मि होति भयणा, उद्दवणे होति पारंची ॥२३७४॥ वितियपय खुड्ड विणयं, गाहेन्ते अहव बोहिगादीमु । सावयभये व घोरे, देज्जाही हत्थतालं तु ॥२३७५।। विणयग्गाहण खुड्डे, कण्णामोड-खडहा-चवेडादी। सावेक्खो हत्थतालं, दलाइ मम्माणि रक्खंतो ॥२३७६॥ परपरियावणकरणं, चोदेइ असायबंधहेउ त्ति । तं कह तस्साणुण्णा, तुब्मेहिं कया ? इमं सुणसु ॥२३७७॥ काम परपरितावो, असातहेतू जिणेहिं पण्णत्तो। आयपरहियकरो तू, इच्छिज्जइ दुस्सीले स खलु ॥२३७८॥ सिप्पं उणियहा, वाघाते सहति लोइया गुरुणो। ते इहलोगफलाणं, महुरविवागेस उवमा तु ॥२३७९॥ अहवा वि रोगितस्सा, ओसह चाडूहि दिजए पुव्वं । पच्छा ताडेतुं पी, देहहितहाए दिज्जति से ॥२३८०॥ इय भवरोगत्तस्स वि, अणुकूलेणं तु सारणा पुव्वं । पच्छा पडिकूलेण वि, परलोयहियह कायया ॥२३८१॥ इहपरलोगे य फलं, विणीतविणयो अणुत्तरं लभति । संविग्गाइगुणेहिं, इमेहिं जुत्तो महाभागी ॥२३८२॥ संविग्गो मद्दविओ, अमुदी अणुयत्तओ विसेसण्णू । उज्जुत्तमपरितंतो, इच्छियमत्थं लभइ साहू ॥२३८३॥ बोहिभयसावयादिसु, गणस्स गणिणो व अच्चए पत्ते । इच्छंति हत्थयालं, कालाइवरं व सज्ज वा ॥२३८४॥ एरिसए आगाढे, बोहियमादीसु जीयसंदेहे । जं जस्स तु सामत्थं, सो तु ण हावेति एत्थं तु ॥२३८५।। कुणमाणो वि हु कडणं, कयकरणो णेव दोसमभेति । अप्पेण बहुं इच्छति, विसुद्धमालंबणो समणो ॥२३८६॥