Agam 38 Chhed 05 Jitkalpa Sutra

Author(s): Jinbhadragani Kshamashraman, Punyavijay
Publisher: Babalchand Keshavlal Modi

Page 211

१९२
स्वोपज्ञभाष्ययुतं
[ गाथा जा छम्मासा णया, तत्थ वि उग्घाय तह अणुग्घाया। मीसा वि अ णेतव्या, अडोकतोए सव्वत्थ ॥२२४५॥ अहवा वी णिविगती, पुरिमेक्कासण तहेव आयाम । तत्तो चउत्थ पणगं, दस पण्णर वीस पणुवीसा ॥२२४६॥ मासो लहु गुरु चतु छच्च लहु गुरु च्छेद मूल अणवहो। पारंचिए य तत्तो, पणयादीहासण तहेव ॥२२४७॥ लहु गुरुग मीसगा वि य, तहेव एत्थं पि होन्ति णायव्वा । एवं एयं दाणं, बुद्धीए होति विष्णेयं ।।२२४८॥ एमेव य समणीणं, णवरं दुगवज्जितं तु कातव्यं । अणवट्ठो पारंची, एय दुगं पत्थि समणीणं ॥२२४९॥ अहवा पुरिसा दुविहा, समासतो होन्तिमे उ णातव्या । एगविहारी य तहा, गणवद्धविहारिणो चेव ॥२२५०॥ गच्छाहि णिग्गया जे, पडिमापडिवण्णया य जिणकप्पी। जे यावि सयंबुद्धा, इत एगविहारिणो तिविहा ।।२२५१॥ ते णिचमप्पमत्ता, जति आवजे कहंचि कम्मुदया। तक्खणमेव तु तं पट्टवेन्ति णियमा य सक्खीवा ॥२२५२॥ संघयणधितिसमग्गा, सत्ताहिट्ठियमहन्तजोगधरा । सुबहुं पि हु आवण्णा, वहन्ति णिरणुग्गहं सव्वं ॥२२५३॥ आलोयणोवयुत्ता, ते तू आलोयणाए सुझंति । तेसिं जाव तु मूलं, करेन्ति सतमेव सुझंति ॥२२५४॥ अणिगूहियबल-विरिया, जहवादीकारया य ते धीरा । उत्तमसद्धसमण्णागया य सुझंति ते णियमा ॥२२५५॥ गणपडिबद्धा दुविहा, जिणपडिरूवी य होंति थेरा य । जिणपडिरूवी दुविहा, विसुद्धपरिहारऽहालंदी ॥२२५६।। ते णिच्चमप्पमत्ता, जति आवज्जे कहंचि कम्मुदया । तक्खणमेव हु तं पट्टवेन्ति कप्पट्ठियसगासे ॥२२५७॥