Book Title: Agam 25 Chhed 02 Bruhatkalpa Sutra Sthanakvasi
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
लभेज्जा एवं से कप्पइ एगरायं वा दुरायं वा वत्थए. जे तत्थ एगरायाओ वा दुरायाओ वा-परं वसइ से संतरा छेए वा परिहारे वा ॥७॥
उवस्सयस्स अंतो वगडाए पिंडए वा लोयए वा खीरे वा दहि वा णवणीए वा सप्पिं वा तेल्ले वा फाणिए वा पूर्व वा सक्कुली वा सिहरिणी वा उक्खित्ताणि वा विक्खित्ताणि वा विइकिण्णाणि वा विप्पइण्णाणि वा नो कप्पइ निग्गंथाण वा निग्गंधीण वा अहालंदमवि वत्थए ॥८॥ ____ अह पुण एवं जाणेज्जा-(उवस्सयस्स अंतो वगडाए पिंडए वा०) नो उक्खिताई वा, नो विक्खित्ताई वा नो विडकिण्णाई वा नो विप्पकिण्णाई वा (किन्तु) रासिकडाणि वा पुंजकडाणि वा भित्तिा.डाणि वा कुलियाकडाणि वा लंछियाणि वा मुद्दियाणि वा पिहियाणि वा कप्पइ निग्गंथाण वा निग्गथीण वा हेमंतगिम्हासु वत्थए ॥९॥ __अह पुण एवं जाणेज्जा (उवस्सयस्स अंतो वगडाए पिंडए वा०) नो रासिकडाणि वा नो पुंजकडाणि वा नो भित्तिकडाणि वा नो कुलियाकडाणि वा (किन्तु)कोटाउत्ताणि वा पल्लाउत्ताणि वा मंचाउत्ताणि वा मालाउत्ताणि वा ओलित्ताणि वा विलित्ताणि वा लंछियाणि वा मुद्दियाणि वा पिहियाणि वा, कप्पइ निग्गंथाण वा निग्गं. थीण वा वासवासं वत्थए ॥१०॥
नो कप्पइ निगंथीणं अहे आगमणगिर्हसि वा वियडगिहंसि वा पंसीमूलंसि वा रुक्खमूलंसि वा अब्भावगासियंसि वा वत्थए ॥११॥
कप्पइ निग्गथाणं अहे आगमणगिर्हसि वा वियडगिहंसि वा वसीमूलंसि वा रुक्खमूलंसि वा अब्भावगासियंसि वा वत्थए ॥१२॥
एगे सागारिए पारिहारिए, दो तिन्नि चत्तारि पंच सागारिया पारिहारिया, एग तत्थ कप्पागं ठवित्ता अवसेसे निव्विसेज्जा ॥१३॥
नो कप्पइ निग्रंथाण वा निग्गंथीण वा सागारियपिंडं बहिया अनीहडं असंसटुं वा पडिग्गाहित्तए ॥१४॥
नो कप्पइ निग्गंथाण वा निग्गंथीण वा सागारियपिंडं बहिया नीहडं असंसर्ट पडिगाहित्तए । कप्पई निग्गंथाण वा निगंथीण वा सागारियपिंडं बहिया नीहडं संसर्ट पडिगाहित्तए ॥१५॥
