Book Title: Agam 25 Chhed 02 Bruhatkalpa Sutra Sthanakvasi
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
से तणेसु वा तणजेसु वा पलालेख वा पलालपुंजेसु वा अप्पंडेसु अप्पपाणेसु अप्पबीएसु अप्पहरिएसु अप्पुस्सेसु अप्पुत्तिंग-पग-दगमटिय-मक्कड़गसंताणगेसु अहे सवणमायाए नो कप्पइ निग्गंथाण वा निग्गंथीण वा तहप्पगारे उवस्सए हेमंतगिम्हासु वत्थए ॥३४॥
से तणेसु वा जाव-संताणएमु उप्पि सवणमायाए कप्पइ निग्गंथाण वा निग्गयीण वा तहप्पगारे उवस्सए हेमंतगिम्हासु वत्थए ॥३५॥
से तणेसु वा जाव संताणएम अहे रयणिमुक्कमउडेसु नो कप्पइ निग्गंथाण वा निग्गंथीण वा तहप्पगारे उवस्सए वासावासं वत्थए ॥३६॥
से तणेसु वा जाव संताणएमु वा उप्पि रयणिमुक्कमउडेसु कप्पइ निगंथाण वा निग्गंथीण वा तहप्पगारे उवस्सए वासावासं वत्थए ॥३७॥
॥ चउत्थो उद्देसो समत्तो ॥४॥
