Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 13

(१४) जीवाजीवाभिगम ( १ ) पडिवत्ति 'दुविह'
तेउक्काइया वाउक्काइया ओराला तसा पाणा । २३। से किं तं तेउक्काइया ?, २ दुविहा पं० तं० - सुहुमते उक्काइया य बादरतेउक्काइया य । २४ । से किं तं सुहुमतेउक्काइया ?. २ जहा सुद्दुमपुढविक्काइया नवरं सरीरगा सूइकलावसंठिया एगगइया दुआगइआ परित्ता असंखेज्जा पं०, सेसं तं चेव, सेत्तं सुहुमतेउक्काइया | २५ | से किं तं बादरते उक्काइया ?, २ अणेगविहा पं० नं० - इंगाले जाले मुम्मुरे जाव सूरकंतमणिनिस्सिते, जे यावन्ने तहप्पगारा०, ते समासतो दुविहा पं० तं० पज्जत्ता य अपज्जत्ता य तेसिं णं भंते! जीवाणं कति सरीरगा पं० १, गो० ! तओ सरीरगा पं० तं० ओरालिए तेयए कम्मए सेसं तं चेव सरीरगा सूइकलावसंठिता तिन्नि लेस्सा ठिती जह० अंतोमुहुत्तं उक्को० तिन्नि राइंदियाइं तिरियमणुस्सेहिंतो उववाओ सेसं तं चेव एगगतिया उवागतिया परित्ता असंखेज्जा पं०, सेत्तं तेउक्काइया ।२६ | से किं तं वाक्काया ?, २ दुविहा पं० तं० सुहुमवाउक्काइया य बादरवाउक्काइया य, सुहुमवाउक्काइया जहा तेउक्काइया णवरं सरीरा पडागसंठिता एगगतिया दुआगतिया परित्ता असंखिज्जा. सेत्तं सुहुमवाउक्काइया । से किं तं बादरवाउक्काइया ?, २ अणेगविधा पं० तं० पाईणवाए पडीणवाए०. एवं जे यावण्णे तहप्पगारा०. ते समासतो दुविहा पं० तं०-पज्जत्ता य अपज्जत्ता य, तेसिं णं भंते ! जीवाणं कति सरीरगा पं० ?, गो० ! चत्तारि सरीरगा पं० तं० ओरालिए वेउव्विए तेयए कम्मए. सरीरगा पडागसंठिता, चत्तारि समुग्घाता-वेयणासमुग्धाए कसायसमुग्धाए मारणंतियसमुग्धाए वेडव्वियसमुग्धाए. आहारो णिव्वाघातेणं छद्दिसिं वाघायं पडुच्च सय दिसं सिय चउदिसिं सिय पंचदिसिं, उववातो देवमणुयनेरइएस णत्थि ठिती जह० अंतोमुहुत्तं उक्को० तिन्नि वाससहस्साई, सेसं तं चेव एगगतिया दुआगइया परित्ता असंखेज्जा पं० समणाउसो !, सेत्तं बायरवाऊ. सेत्तं वाउक्काइया | २७| से किं तं ओराला तसा पाणा ?. २ चउव्विहा पं० तं० - बेइंदिया तेइंदिया चउरिदिया पंचेदिया । २८। से किं तं बेइंदिया ?, २ अणेगविधा पं० तं० पुलाकिमिया जाव समुद्दलिक्खा जे यावण्णे तहप्पगारा०, ते समासतो दुविहा पं० तं० पज्जत्ता य अपज्जत्ता य, तेसिंणं भंते! जीवाणं कति सरीरगा पं० १, गो० ! तओ सरीरगा पं० तं०-ओरालिए तेयए कम्मए, तेसिं णं भंते! जीवाणं केमहालिया सरीरओगाहणा पं० ?, जह० अंगुलासंखेज्जभागं उक्को० बारस जोयणाई छेवट्ठसंघयणी हुंडसंठिता चत्तारि कसाया चत्तारि सण्णाओ तिण्णि लेसाओ दो इंदिया, तओ समुग्धाता - वेयणा० कसाय० मारणंतिय०, नो सन्नी असन्नी णपुंसकवेदगा पंच पज्जत्तीओ पंच अपज्जत्तीओ सम्मद्दिट्ठीवि मिच्छादिट्ठीवि नो सम्मामिच्छादिट्ठी णो चक्खुदंसणी अचक्खुदंसणी णो ओहिदंसणी नो केवलदंसणी, ते णं भंते ! जीवा कि णाणी अण्णाणी ?, गो० ! णाणीवि अण्णाणीवि, जे णाणी ते नियमा दुण्णाणी, तं०आभिणिबोहियणाणी य सुयणाणी य, जे अन्नाणी ते नियमा दुअण्णाणी - मतिअण्णाणी य सुयअण्णाणी य, नो मणजोगी वइजोगी कायजोगी सागारोवउत्त अणागारोवउत्तावि आहारो नियमा छद्दिसिं उववातो तिरियमणुस्सेसु नेरइयदेव असंखज्जवासाउयवज्जेसु ठिती जह० अंतोमुहुत्तं उक्को० बारस संवच्छराणि समोहतावि मरंति असमोहतावि मरंति, कहिं गच्छति ?, नेरइयदेव असंखेज्जवासाउअवज्जेसु गच्छंति, दुगतिया दुआगतिया परित्ता असंखेज्जा, सेत्तं बेइंदिया | २९| से किं तं तेइंदिया ?, २ अणेगविधा पं० तं० ओवइया रोहिणीया हत्थिसोंडा० जे यावण्णे तहप्पगारा०, ते समासतो दुविहा पं० तं० पज्जत्ता य अपज्जता, तहेव जहा बेइंदियाणं, नवरं सरीरोगाहणा उक्को० तिन्नि गाउयाई तिन्नि इंदिया ठिई जह० अंतोमुहुत्तं उक्को० एगूणपण्णराइंदिया सेसं तहेव दुगतिया दुआगतिया, परित्ता असंखेज्ना पं०, से तं तेइंदिया । ३० । से किं तं चउरिदिया ?, २ अणेगविधा पं० तंo - अंधिया पुत्तिया जाव गोमयकीडा जे यावण्णे तहप्पगारा०, ते समासतो दुविहा पं० तं०-पज्जत्ता य अपज्जत्ता य, तेसिं णं भंते! जीवाणं कति सरीरगा पं० ?, गो० ! तओ सरीरगा पं० तं चेव, णवरं सरीरोगाहणा उक्को० चत्तारि गाउयाइं, इंदिया • चत्तारि चक्खुदंसणी अचक्खुदंसणी ठिती उक्को० छम्मासा, सेसं जहा बेइंदियाणं जाव असंखेज्जा पं०. से तं चउरिंदिया । ३१ । से किं तं पंचेदिया ? २ चउव्विहा पं० तं०-णेरतिया तिरिक्खजोणिया मणुस्सा देवा । ३२ । से किं तं नेरइया ?, २ सत्तविहा पं० तं० रयणप्पभापुढवीनेरइया जाव असत्तमपुढवीनेरइया, ते समासओ दुविहा पं० तं० पज्जत्ता य अपज्जत्ता य, तेसिं णं भंते! जीवाणं कति सरीरगा पं० १, गो० ! तओ सरीरया पं० तं० - वेउव्विए तेयए कम्मए, तेसिं णं भंते! जीवाणं केमहालिया सरीरोगाहणा पं० ?, गो० ! दुविहा सरीरोगाहणा पं० तं० - भवधारणिज्जा य उत्तरवेउव्विया य, तत्थ णं जा सा भवधारणिज्ना सा जह० KO श्री आगमगुणमंजूषा ८४६