Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 56

(१४) जीवाजीवाभिगम (३) पडिवत्ति (च.) दीवसमुद्द [४७
मणिपीढियाए उप्पिं एगे महं खुड्डए महिंदज्झए पं० अद्धट्ठमाई जोयणाई उड्ढउच्चत्तेणं अद्धकोस उव्वेधेणं अद्धकोसं विक्खंभेणं वेरूलियामयवट्टलट्ठसंठिते तहेव जाव मंगलगा झया छत्ततिच्छत्ता, तस्स णं खुड्डमहिंदज्झयस्स पच्चत्थिमेणं एत्थ णं विजयस्स देवस्स चुप्पालए नाम पहरणकोसे पं०, तत्थ णं विजयस्स देवस्स फलिहरयणपामोक्खा बहवे पहरणरयणा संनिक्खित्ता चिट्टंति उज्जलसुणिसियसुतिक्खधारा पासाईया०. तीसे णं सभाए सुहम्माए उप्पिं बहवे अट्ठट्ठमंगलगा झया छत्तातिच्छत्ता । १३९ । सभाए णं सुधम्माए उत्तरपुरच्छिमेणं एत्थ णं एगे महं सिद्धायतणे पं० अद्धतेरस जोयणाई आयामेणं छजोयणाई सकोसाइं विक्खंभेणं नव जोयणाई उड्ढउच्चत्तेणं जाव गोमाणसियावत्तव्वया जा चेव सहाए सुहम्माए वत्तव्वया सा चेव निरवसेसा भाणियव्वा तहेव दारा मुहमंडवा पेच्छाघरमंडवा झया थूभा चेइयरूक्खा महिंदज्झया णंदाओ पुक्खरिणीओ, तओ य सुधम्माए जहा पमाणं, मणगुलिया गोमाणसीया धूवघडियाओ तहेव भूमिभागे उल्लोए य जाव मणिफासे, तस्स णं सिद्धायतणस्स बहुमज्झदेसभाए एत्थ णं एगा महं मणिपेढिया पं० दो जोयणाई आयामविक्खंभेणं जोयणं बाहल्लेणं सव्वमणिमया अच्छा०, तीसेणं मणिपेढियाए उप्पिं एत्थ णं एगे महं देवच्छंदए पं० दो जोयणाई आयामविक्खंभेणं साइरेगाई दो जोयणाई उड़ढउच्चत्तेणं सव्वरयणामए अच्छे०, तत्थ णं देवच्छंदए अट्ठसतं जिणपडिमाणं जिणुस्सेहप्पमाणमेत्ताणं सण्णिक्खित्तं चिट्ठइ, तासिं णं जिणपडिमाणं अयमेयारूवे वण्णावासे पं० तं० तवणिज्जमता हत्थतला अंकामयाई णक्खाई अंतोलोहियक्खपरिसेयाई कणगमया पादा कणगामया गोप्फा कणगामतीओ जंघाओ कणगामया जाणू कणगामया ऊरू कणगामयाओ गायलट्ठीओ तवणिज्जमतीओ णाभीओ रिट्ठामतीओ रोमरातीओ तवणिज्जमया चुच्चुया तवणिज्जमता सिरिवच्छा कणगमयाओ बाहाओ कणगमईओ पासाओ कणगमनीओ गीवाओ रिट्ठामते मंसू सिलप्पवालमया उट्ठा फलिहामया दंता तवणिज्जमतीओ जीहाओ तवणिज्जमया तालुया कणगमतीओ णासाओ अंतोलोहितक्खपरिसेयाओ अंकामयाइं अच्छीणि अंतोलोहितक्खपरिसेताइं पुलगमतीओ दिट्ठीओ रिट्ठामतीओ तारगाओ रिट्ठामयाई अच्छिपत्ताइं रिट्ठामतीओ भाओ कणगामया कवोला कणगामया सवणा कणगामया णिडाला वट्टा वइरामतीओ सीसघडीओ तवणिज्जमतीओ केसंतकेसभूमीओ रिट्ठामया उवरिमुद्धजा, तासि णं जिण डिमाणं पिट्ठतो पत्तेयं २ छत्तधारपडिमाओ पं०, ताओ णं छत्तधारपडिमाओ हिमरततकुंदेंदुसप्पकासाइं सकोरेंटमल्लदामधवलाई आतपत्तातिं सलीलं ओहारेमाणीओ चिट्ठति, तासि णं जिणपडिमाणं उभओ पासि पत्तेयं २ चामरधारपडिमाओ पं०, ताओ णं चामरधारपडिमाओ चंदप्पहवइरवेरूलियनाणामणिकणगरयणविमलमहरिहतवणिज्जुअलविचित्तदंडाओ चिल्लियाओ संखंककुं ददगरयअमतमथितफेणपुंजसण्णिकासाओ सुहुमरयतदीहवालाओ धवलाओ चामराओ सलीलं ओहारेमाणीओ चिट्ठति, तासिं णं जिणपडिमाणं पुरतो दो दो नागपडिमाओ दो दो जक्खपडिमा दो भूतपडिमाओ दो दो कुंडधारपडिमाओ विणओणयाओ पायवडियाओ पंजलिउडाओ संणिक्खित्ताओ चिट्टंति सव्वरयणामतीओ अच्छाओ सहाओ हाओ घट्टाओ मट्ठाओ णीरयाओ णिप्पंकाओ जाव पडिरूवाओ, तासिं णं जिणपडिमाणं पुरतो अट्ठसतं घंटाणं अट्ठसतं चंदणकलसाणं एवं अट्ठसतं भिंगारगाणं एवं आयंसगाणं थालाणं पातीणं सुपतिट्ठकाणं मणयगुलियाणं वातकरगाणं चित्ताणं रयणकरंडगाणं हयकंठगाणं जाव उसभकंठगाणं पुप्फचंगेरीणं जाव लोमहत्थचंगेरीणं असयं पुप्फपडलगाणं अट्ठसयं तेल्लसमुग्गाणं जाव धुवकडुच्छ्रयाणं संणिक्खित्तं चिट्ठति, तस्स णं सिद्धायतणस्स णं उप्पिं बहवे अट्ठट्ठमंगलगा झया छत्तातिच्छत्ता उत्तिमागारा सोलसविहेहिं रयणेहिं उवसोभिया तं० रयणेहिं जाव रिट्ठेहिं । १४० | तस्स णं सिद्धाययणस्स उत्तरपुरच्छिमेणं एत्थ णं एगा महं उववायसभा पं० जहा सुधम्मा तव जाव गोमाणसीओ उववायसभाएवि दारा मुंहमंडवा सव्वं भूमिभागे तहेव जाव मणिफासो (सुहम्मसभावत्तव्वया भाणियव्वा जाव भूमीए फासो पा० ), तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगा महं मणिपेढिया पं० जोयणं आयामविक्खंभेणं अद्धजोयणं बाहल्लेणं सव्वमणिमती अच्छा०, तीसे णं मणिपेढियाए उप्पिं एत्थ णं एगे महं देवसयणिज्जे पं०, तस्स णं देवसयणिज्जस्स वण्णओ, उववायसभाए णं उप्पिं अट्ठट्ठमंगलगा झया छत्तातिच्छत्ता जाव उत्तिमागारा, तीसे णं उववायसभाए उत्तरपुरच्छिमेणं एत्थ णं एगे महं हरए पं०, से णं हरए अद्धतेरसजोयणाई आयामेणं छकोसाति जोयणाई विक्खंभेणं दस श्री आगमगुणमजूषा ८८९
ॐ
******