Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 59

(१४) जीवाजीवाभिगम (३) पडिवत्ति (च.) दीव समुद्द
ॐॐॐॐॐ
विजयरायधाणिवत्थव्वगा वाणमंतरा देवा य देवीओ य तेहिं साभावितेहिं उत्तरवेउव्वितेहि य वरकमला तिट्ठाणेहिं सुरभिवरवारिपडिपुण्णेहिं चंदणकयचच्चातेहिं आविद्धकंठेगुणेहिं पउमुप्पलपिधाणेहिं करतलसुकुमालकोमलपरिग्गहिएहिं अट्ठसहस्साणं सोवण्णियाणं कलसाणं जाव अट्ठसहस्साणं भोमेयाणं कलसाणं सव्वोदएहिं सव्वमट्टियाहिं सव्वतुवरेहिं सव्वपुप्फेहिं जाव सव्वोसहिसिद्धत्यएहिं सव्विइढीए सव्वजत्तीए सव्वबलेणं सव्वसमुदएणं सव्वायरेणं सव्वविभूतीए सव्वविभूसाए सव्वसंभमेणं सव्वोरोहेणं सव्वणाडएहिं सव्वपुप्फगंधमल्लालंकारविभूसाए सव्वदिव्वतुडियणिणाएणं महया २ जुत्तीए महया २ समुदएणं महता २ तुरियजमगसमगपडुप्पवादितरवेणं संखपणवपडहभेरिझल्लरिखरमुहिमुरवमुयंगदुदुहिहुडुक्कणिग्घोससंनिनादितरवेणं महता २ इंदाभिसेगेणं अभिसिंचंति, तरणं तस्स विजयस्स देवस्स महता २ इंदाभिसेगंसि वट्टमाणंसि अप्पेगतिया देवा णच्चोदगं णातिमट्टियं पविरलपप्फुसियं दिव्वं सुरभिं रयरेणुविणासणं गंधोदगवासं वासंति, अप्पेगतिया देवा णिहतरयं णट्टरयं भट्ठरयं पसंतरयं उवसंतरयं करेति अप्पे० विजयं रायहाणि सब्भिंतरबाहिरियं आसितसम्मज्जितोवलित्तं सित्तसुइसम्मट्ठरत्थं तरावणवीहियं करेंति, अप्पे० विजयं रायहाणि मंचातिमंचकलितं करेति अप्पे ० विजयं रायहाणि णाणाविहरागरंजियऊ सियजयविजयवे जयन्तीपडागातिपडागमंडितं करेंति, अप्पे० विजयं रायहाणि लाउल्लोइयमहियं करेति, अप्पे० गोसीससरसरत्तचं दणदद्दरदिण्णपं चंगु-लितलं करेंति, अप्पे० उवचियचं दणकलसं चंदणघड सुकयतोरणपडि दुवारदेसभागं करेंति, अप्पे० आसत्तो सत्तविपुलवट्ट वग्घारितमल्लदामकलावं करेंति, अप्पे० पंचवण्णसरससुरभिमुक्क पुप्फ पुंजोवयारकलितं करोति, अप्पे० काला गुरूपवरकुंदुरूक्कतुरूक्क धूवडज्झंतमघमघेतगंधुद्ध्याभिरामं सुगंधवरगंधियं गंधवट्टिभूयं करंति, अप्पे० हिरण्णवासं वासंति अप्पे० सुवण्णवासं अप्पे० एवं रयणवासं वइरवासं पुप्फवासं मल्लवासं गंधवासं चुण्णवासं वत्थवासं आहरणवासं अप्पे० हिरण्णविधिं भाइंति एवं सुवण्णविधिं रयणविधिं वतिरविधिं पुप्फविधिं मल्लविधिं
विधिं गंधविधिं वत्थविधिं भाइंति आभरणविधिं, अप्पे० दुयं णट्टविधिं उवदंसेति अप्पे० विलंबितं० अप्पे० दुतविलंबितं णाम णट्टविधिं उवदंसेति अप्पे० अंचियं० अप्पे रिभितं० अप्पे० अंचितरिभितं० अप्पे० आरभडं अप्पे० भसोलं अप्पे० आरभडभसोलं अप्पे० उप्पायणिवायपवुत्तं संकुचियपसारियं रियारियं भंतसंभंतं णाम दिव्वं णट्टविधिं उवदंसेति, अप्पे० चउव्विधं वातियं वादेति, तं० ततं विततं घणं झुसिरं, अप्पे० चउव्विधं गेयं गातंति, तं० उक्खित्तयं पवत्तयं मंदायं रोइदावसाणं, अप्पे० चउव्विधं अभिणयं अभिणयंति, तं०-दिवंतियं पाडंतियं सामन्तोवणिवातियं लोगमज्झावसाणियं, अप्पे० देवा पीणंति अप्पे० वुक्कारेंति अप्पे तंडवेंति अप्पे० लासंति अप्पे० वुक्कारेति अप्पे० अप्फोडंति अप्पे० वग्गंति अप्पे० तिवतिं छिंदंति अप्पे० अप्फोडेति वग्गंति तिवतिं छिंदेति अप्पे० देवा हतसियं करेति अप्पे० हत्थिगुलगुलाइयं करेति अप्पे० रहघणघणातियं करेति अप्पे० हयहेसियं करेति हत्थिगुलगुलाइयं करेति रहघणघणाइयं करेति अप्पे० उच्छोलेति अप्पे० पच्छोलेति अप्पे० उक्किट्ठीओ करेति अप्पे० उच्छोलिति पच्छोलिति उक्किट्ठीओ करेंति अप्पे० सीहणादं करेति अप्पे० पाददद्दरयं करेति अप्पे० भूमिचवेडं दलयंति अप्पे० सीहनादं पाददद्दरयं क० भूमिचवेडं दलयंति अप्पे० हक्कारेति अप्पे० वुक्कारेति अप्पे० थक्कारेति अप्पे० पुक्कारेति अप्पे० देवा नामाइं सावेति अप्पे० हक्कारेति वुक्कारेति थक्कारेतिपुक्कारेति णामाई सावेंति अप्पे० उप्पतंति अप्पे० णिवयंति अप्पे० परिवयंति अप्पे० उप्पयंति णिवयंति परिवयंति अप्पे० जलेति अप्पे० तवंति अप्पे० पतवंति अप्पे० जलंति तवंति पतवंति अप्पे० गज्जंति अप्पे० विज्जुयायंति अप्पे० वासंति अप्पे० गज्जति विज्जुयायंति वासंति अप्पे० देवसन्निवायं करेति अप्पे० देवुक्कलियं करेति अप्पे० देवकहकहं करेति अप्पे० देवदुहदुहं करेति अप्पे० देवसन्निवायं देवउक्कलियं देवकहकहं देवदुहदुहं करेति अप्पे० देवुज्जोयं करेति अप्पे० विज्जुयारं करेति अप्पे० चेलुक्खेवं करेति अप्पे० देवज्जोयं विज्जुतारं चेलुक्खेवं करेति अप्पे० उप्पलहत्थगता जाव सयसहस्रपत्त० घंटाहत्थगता कलसहत्थगता जाव धूवकडुच्छुयहत्थगता हट्ठतुट्ठा जाव हरिसवसविसप्पमाणहियपा विजयाए रायहाणीए सव्वतो समंता आधावेति पधावेंति, तए णं विजयं देवं चत्तारि सामाणियसाहस्सीओ चत्तारि अग्गमहिसीओ सपरिवाराओ जाव सोलस आयरक्खदेवसाहस्सीओ अण्णे य बहवे श्री आगमगुणमंजूषा ८९२०
NORO
[५० ]