Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 66

WORD%5555555555555M
(१४) जीवाजीवाभिगम (३) पडिवत्ति (च.) दीवसमुद्द
[७]
历历历听听听听听听听听听听听听恩
Pणं बहुसमरमणिज्जस्स भूमिभागस्स बहुमज्झदेसभाए सीहासणं सपरिवारं भाणियव्वं, तत्थ णं जे से पच्चत्थिमिल्ले साले एत्थ णं पासायवडेंसए पं० तं चेव
पमाणं सीहासणं सपरिवारं भाणियव्वं, तत्थ णं जे से उत्तरिल्ले साले एत्थ णं एगे महं पासायवडेंसए पं० तं चेव पमाणं सीहासणं सपरिवारं, तत्थ णं जे से उवरिमविडिमे एत्थ णं एगे महं सिद्धायतणे कोसं आयामेणं अद्धकोसं विक्खंभेणं देसूर्ण कोसं उड्ढउच्चत्तेणं अणेगखंभसतसन्निविट्ठ वण्णओ तिदिसिं तओ दारा पंचधणुसइता अड्ढाइज्जधणुसयविक्खंभा मणिपेढिया पंचधणुसतिया देवच्छंदओ पंचधणुसतविक्खंभो सातिरेगपंचधणुसउच्चत्ते, तत्थ णं देवच्छंदए अट्ठसयं जिणपडिमाणं जिणुस्सेधप्पमाणाणं, एवं सव्वा सिद्धायतणवत्तव्वया भाणियव्वा जाव धूवकडुच्छुया उत्तिमागारा सोलसविधेहिं रयणेहिं उवेए चेव, जंबू णं सुदंसणा मूले बारसहिं पउमवरवेदियाहिं सव्वतो समंता संपरिक्खित्ता, ताओणं पउमवरवेतियाओ अद्धजोयणं उड्ढंउच्चत्तेणं पंचधणुसताई विक्खंभेणं वण्णओ जंबूसुदंसणा अण्णेणं अट्ठसतेणं जंबूणं तयद्धच्चत्तप्पमाणमेत्तेणं सव्वतो समंता संपरिक्खित्ता, ताओ णं जंबूओ चत्तारि जोयणाई उड्ढंउच्चत्तेणं कोसं चोव्वेघेणं जोयणं खंधो कोस विक्खंभेणं तिण्णि जोयणाई विडिमा बहुमज्झदेसभाए चत्तारि जोयणाइं विक्खंभेणं सातिरेगाई चत्तारि जोयणाइं सव्वग्गेणं वइरामयमूला सो चेव चेतियरूक्खवण्णओ, जंबूए णं सुदंसणाए अवरूत्तरेणं उत्तरेणं उत्तरपुरस्थिमेणं एत्थ णं अणाढियस्स चउण्हं सामाणियसाहस्सीणं चत्तारि जंबूसाहस्सीओ पं०, जंबूएणं सुदंसणाए पुरत्थिमेणं एत्य णं अणाढियस्स देवस्स चउण्हं अग्गमहिसीणं चत्तारि जंबूओ५०, एवं परिवारो सव्वोणायव्वो जंबूए जाव आयरक्खाणं, जंबू णं सुदंसणा तीहिं जोयणसतेहिं वणसंडेहिं सव्वतो समंता संपरिक्खित्ता तं०-पढमेणं दोच्चेणं तच्चेणं, जंबूए सुदंसणाए पुरत्थिमेणं पढमं वणसंडं पण्णासं जोयणाई ओगाहित्ता एत्य णं एगे महं भवणे पं०, पुरथिमिल्ले भवणसरिसे भाणियव्वे जाव सयणिज्जे, एवं दाहिणेणं पच्चत्थिमेणं उत्तरेण, जंबूएणं सुदंसणाए उत्तरपुरस्थिमेणं पढम वणसंडं पण्णासं जोयणाई ओगाहित्ता चत्तारि णंदापुक्खरिणीओ पं० २०-पउमा पउमप्पभा चेव, कुमुदा कुमुयप्पभा, ताओ णं णंदाओ पुक्खरिणीओ कोसं आयामेणं अद्धकोसं विक्खंभेणं पंचधणुसयाई उव्वेहेणं अच्छाओसण्हाओलण्हाओ घट्ठाओ मट्ठाओ णिप्पंकाओणीरयाओ जाव पडिरूवाओ वण्णओ भाणियव्वो जाव तोरणत्ति, तासिं णं णंदापुक्खरिणीणं बहुमज्झदेसभाए एत्थ णं पासायवडेंसए पं० कोसप्पमाणे अद्धकोसं विक्खंभो सो चेव सो वण्णओ सीहासणं सपरिवार, एवं दक्खिणपुरत्थिमेणं पण्णासं जोयणा० चत्तारि णंदापुक्खरिणीओ उप्पलगुम्मा नलिणा उप्पला उप्पलुज्जला तं चेव पमाणं तहेव पासायवडेंसगा तप्पमाणा, एवं दक्षिणपच्चत्थिमेणवि पण्णासंजोयणाणं परं-भिंगा भिगणिभा चेव, अंजणा कज्जलप्पभा, सेसं तं चेव, जंबूएणं सुदंसणाए उत्तरपुरत्थिमे पढम वणसंडं पण्णासं जोयणाई ओगाहित्ता एत्थ णं चत्तारि णंदाओ पुक्खरिणीओ पं० तं०-सिरिकता सिरिमहिया सिरिचंदा चेव तह य सिरिणिलया। तं चेव पमाणं तहेव पासायवडिंसओ, जंबूएणं सुदंसणाए पुरत्थिमिल्लस्स भवणस्स उत्तरेणं उत्तरपुरत्थिमेणं पासायवडेंसगस्स दाहिणेणं एत्थ णं एगे महं कूडे पं० अट्ठ जोयणाई उड्ढउच्चत्तेणं मूले बारस जोयणाई विक्खंभेणं मज्झे अट्ठ जोयणाई आयामविक्खंभेणं उवरि चत्तारि जोयणाई आयामविक्खंभेणं
मूले सातिरेगाई सत्ततीसं जोयणाइं परिक्खेवेणं मज्झे सातिरेगाई पणुवीसं जोयणाइं परिक्खेवेणं उवरिं सातिरेगाइं बारस जोयणाई परिक्खेवेणं मूले विच्छिन्ने ॐ मज्झे संखित्ते उप्पिं तणुए गोपुच्छसंठाणसंठिए सव्वजंबूणयामए अच्छे जाव पडिरूवे, सेणं एगाए परमवरवेइयाए एगेणं वणसंडेणं सव्वतो समंता संपरिक्खित्ते
दोण्हवि वण्णओ, तस्स णं कूडस्स उवरिं बहुसमरमणिज्जे भूमिभागे पं० जाव आसयंति०, तस्स णं बहुसमरमणिज्जस्स भूमिभागस्स बहुमज्झदेसभाए एगं सिद्धायतणं कोसप्पमाणं सव्वा सिद्धायतणवत्तव्वया, जंबूए णं सुदंसणाए पुरत्थिमस्स भवणस्स दाहिणेणं दाहिणपुरथिमिल्लस्स पासायवडेंसगस्स उत्तरेणं एत्थणं एगे महं कूडे पं० तं चेव पमाणं सिद्धायतणं च, जंबूएणं सुदंसणाए दाहिणिल्लस्सभवणस्स पुरत्थिमेणं दाहिणपुरत्थिमस्स पासायवडेंसगस्स पच्चत्थिमेणं
एत्थ णं एगे महं कूडे पं०, दाहिणस्स भवणस्स पुरतो दाहिणपच्चत्थिमिल्लस्स पासायवडिंसगस्स पुरत्थिमेणं एत्थ णं एगे महं कूडे० जंबूतो पच्चत्थिमिल्लस्स। श भवणस्स दाहिणेणं दाहिणपच्चत्थिमिल्लस्स पासायवडेंसगस्स उत्तरेणं एत्थ णं एगे महं कूडे पं० तं चेव पमाणं सिद्धायतणं च, जंबूए पच्चत्थिमे णं भवणस्स..
CC虽明明明明明明明明明明明明明明明明明明明明明明明明明明明明明明明明明明明明明明明明明明明明明明明OK
GO$明明明明明明明明明明明听明明明明明明明明明明明明明明明明听听听听听听乐明垢乐明明明明明明明明明步QQ