Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 79

(१४) जीवाजीवाभिगम (३) पडिवत्ति (च.) दीव समुह
(७०]
5555555555555Foote
$
$
$$
$
$
पप्फुल्लसल्लइविमुक्कलकण्णिया रसरसवसुविबुद्धकोरेट दामपिडिततरस्स निद्धगुणते यदीवियनिरू वयविसिट्ठसुंदरतरस्स सुजायदहिमहियद्दिवसगहियनवणीयपडु वणावियमुक्क डिढयउद्दावसज्जवीसं दियस्स अहियं पीवरसुरहिगंधमणहरमहुरपरिणामदरिसणिज्जस्स पत्थनिम्मलसुहोवभोगस्स सरयकालंमि होज्ज गोधतवरस्स मंडए. भवे एतारूवे सिया ?. णो तिणढे समढे, गो० ! घतोदस्स णं समुदस्स एत्तो इठ्ठतरे जावई अस्साएणं पं० कंतसुकंता य एत्थ दो देवा महिड्ढीया जाव परिवसंति सेसं तं चेव जाव तारागणकोडाकोडीओ. घतोदयं णं समुई खोदवरे णामं दीवे वट्टे वलयागार जाव चिट्ठति तहेव जाव अट्ठो, खोतवरे णं दीवे तत्थ २ देसे तहिं २ खुड्डा० वावीओजाव खोदोदगपडिहत्थाओ उप्पातपव्वयता सव्ववेरूलियामया जाव पडिरूवा. सुप्पभमहप्पभा य एत्थ दो देवा महिड्ढीया जाव परिवसंति, से एतेण० सव्वं जोतिसं तं चेव जाव तारा०, खोयवरण्णं दीवं खोदोदे नाम समुद्दे वलया० जाव संखेनाइं जोयणसतस० परिक्खेवेणं जाव अट्टे, गो० ! खोदोदस्स णं समुदस्स उदए से० जहा आसलमांसलपसत्थवीसंतनिद्धसुकुमालभूमिभागे सुच्छिन्ने सुकठ्ठलट्ठविसिट्ठनिरूवहयाजीयवावीतसुकासजपयत्तनिउणपरिकम्मअणुपालियसुवुड्ढिवुड्ढाणं सुजाताणं लवणतणदोसवज्जियाणं णयायपरिवडिढयाणं निम्मातसुंदराणं रसेणं परिणयमउपीणपोरभंगुरसुजायमधुररसपुप्फविरइयाणं उवद्दवविवज्जियाणं सीयपरिफोसियाणं अभिण्णवतवग्गाणं अपालिताणं तिभायणिच्छोडियवाडिगाणं अवणीतमूलाणं गंठियपरिसोहिताणं कुसलणरकप्पियाणं उव्वणं जाव पोडियाणं बलवगणरजत्तन्तपरिगालितमेत्ताणं खोयरसे होज्जा
वत्थपरिभूए चाउज्जातगसुवासिते अहियपत्थलहुके वण्णोववेते तहेव, भवे एयारूवे सिया ?, णो तिणद्वे समढे, खोयरसस्स णं समुद्दस्स उदए एत्तो इट्टतरए चेव । मजाव आसाएणं पं० पुण्णभद्दमाणिभद्दा (पुण्णपुण्णभद्दा) य इत्थ दुवे देवा जाव परिवसंति, सेसं तहेव जोइसं संखेनं चंदा०।१८३। खोदोदण्णं समुई गंदीसरवरे,
णामं दीवे वट्टे वलयागारसंठिते तहेव जाव परिक्खेवो, पउमवर वणसंडपरि० दारा दारंतरप्पदेसे जीवा तहेव, सेकेणद्वेणं भंते !०, गो० ! देसे २ बहुओ खुड्डा० वावीओ जाव बिलपंतियाओ खोदोदगपहिहत्थाओ उप्पायपव्वयगा सव्ववइरामया अच्छा जाव पडिरूवा, अदुत्तरं च णं गो० ! णंदीसरदीवचक्कवालविक्खंभबहुमज्झदेसभागे एत्थ णं चउदिसिं चत्तारि अंजणगपव्वता पं०, ते णं अंजणपव्वयगा चतुरसीतिजोयणसहस्साई उड्ढंउच्चतेणं एगमेगंजोयणसहस्सं उव्वेहेणं मूले साइरेगाइं दस जोयणसहस्साई धरणियले दस जोयणसहस्साई आयामविक्खंभेणं ततोऽणंतरं च णं माताए २ पदेसपरिहाणीए परिहायमाणा २ उवरिं एगमेगं जोयणसहस्सं आयामविक्खंभेणं मूले एक्कतीसं जोयणसहस्साई छच्च तेवीस जोयणसते किंचिविसेसाहिए परिक्खेवेणं धरणियले
एक्कतीसं जोयणसहस्साइं छच्च तेवीसे जोयणसते देसूणे परिक्खेवेणं सिहरतले तिण्णि जोयणसहस्साई एक्वं च बावढं जोयणसतं किंचिविसेसाहियं परिक्खेवेणं मपं० मूले विच्छिण्णा मज्झे संखित्ता उप्पिं तणुया गोपुच्छसंठाणसंठिता सव्वंजणामया अच्छा जाव पत्तेयं २ पउमवरवेदियापरि० पत्तेयं वणसंडपरिक्खित्ता,
वण्णओ, तेसिंणं अंजणपव्वयाणं उवरि पत्तेयं २ बहुसमरमणिज्जो भूमिभागोपं०, सेजहाणामए-आलिंगपुक्खरेति वा जाव आसयंति०, तेसिंणं बहुसमरमणिज्जाणं भूमिभागाणं बहुमज्झदेसभाए पत्तेयं २ सिद्धायतणा एकमेकं जोयणसतं आयामेणं पण्णासं जोयणाई विक्खंभेणं बावत्तरि जोयणाई उड्ढंउच्चत्तेणं अणेगखंभसतसंनिविट्ठा वण्णओ, तेसिं णं सिद्धायतणाणं पत्तेयं २ चउद्दिसिं चत्तारि दारा पं० तं०-देवदारे असुरद्दारे णागद्दारे सुवण्णहारे, तत्थ णं चत्तारि देवा महिड्ढीया जाव पलिओवमद्वितीया परिवसंति, तं०-देवे असुरे णागे सुवण्णे, ते णं दारा सोलस जोयणाई उड्ढंउच्चत्तेणं अट्ठ जोयणाई विक्खंभेणं तावतियं चेव पवेसेणं सेता वरकणग० वन्नओ जाव वणमाला, तेसिंणं दाराणं चउद्दिसिं चत्तारिं मुहुमंडवा पं०, ते णं मुहमंडवा एगमेगं जोयणसतं आयामेणं पंचासं जोयणाई
विक्खंभेणं साइरेगाइं सोलस जोयणाई उड्ढंउच्चत्तेणं वण्णओ, तेसिंणं मुहमंडवाणं चउदि (तिदि) सिं चत्तारि (तिण्णि) दारा पं०, ते णं दारा सोलस जोयणाई र उड्ढंउच्चत्तेणं अट्ठ जोयणाइं विक्खंभेणं तावतियं चेव पवेसेणं सेसं तं चेव जाव वणमालाओ, एवं पेच्छाघरमंडवावि, तं चेव पमाणं जं मुहमंडवाणं, दारावि तहेव,, Ho
$##55555555555 #श्री आगमगुणमंजूषा - ९१२555555555555555555555SFOOR
OPCs听听听听听听听听听听听听听听听听听听听听听听听听听听听听听听听听听乐明明明明明明明明乐乐乐乐乐乐
התכתכתבת כתב תצוב תכתבת הבובוכהכתכתבתכהנתתבה