Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 99

RO 5 5 5 5 5 55555555555
(१४) जीवाजीवाभिगम सव्वजीव पडिवत्ती (५) (६) [30]
तं०- आभिणिबोहियणाणी सुयणाणी ओहिनाणी मणपज्जवणाणी केवलनाणी अण्णाणी, आभिणिबोहियणाणी णं भंते ! आभिणिबोहियणाणित्ति कालओ केवचिरं होइ ?, गो० ! जह० अन्तोमुहुत्तं उक्को० छावट्ठि सागरोवमाइं साइरेगाई, एवं सुयणाणीवि ओहिणाणीवि, मणपज्जवणाणी णं भंते !० १, जह० एक्वं समयं उक्को० देसूणा पुव्वकोडी, केवलनाणी णं भंते !० १, सादीए अपज्जवसिए, अन्नाणिणो तिविहा पं० तं०- अणाइए वा अपज्जवसिए अणाइए वा सपज्जवसिए साइए वा सपज्जवसिए, तत्थ साइए सपज्जवसिए जह० अंतो० उक्को० अणतं कालं अवड्डुं पुग्गलपरियट्टं देसूणं, अंतरं- आभिणिबोहियणाणिस्स जह० अंतो० उक्को० अणतं कालं अव पुग्गलपरियट्टं देसूणं, एवं सुय० अंतरं ओहि० मणपज्जव०, केवलनाणिणो णत्थि अंतरं, अन्नाणि० साइसपज्जवसियस्स जह० अंतो० उक्को० छावट्ठि सागरोवमाई साइरेगाई, अप्पाबहुगं- सव्वत्थोवा मण० ओहि० असंखे० आभि० सुय० विसेसा० सट्ठाणं दोवि तुल्ला केवलिणो अनंतगुणा अण्णाणी अनंतगुणा, अहवा छव्विहा सव्वजीवा पं० तं०- एगिदिया बेंदिया तेंदियाचउरिदियां पंचेंदिया अणिदिया, संचिट्टणांतरा जहा हेट्ठा, अप्पाबहुगं- सव्वत्थोवा पंचेदिया चउरिंदिया विसेसा० तेइं० विसे० बेई० विसे० अणिंदिया अणंतगुणा एगिंदिया अनंतगुणा । २६४ । अहवा छव्विहा सव्वजीवा पं० तं०- ओरालियसरीरी वेउव्विय० आहार० तेयग० कम्म० असरीरी, ओरालियसरीरी णं भंते !० कालओ केवचिरं होइ ?, जह० खुड्डागं भवग्गहणं दुसमऊणं उक्को० असंखिज्नं कालं नाव आंगुलस्स असंखेज्जतिभागं, वेउव्वियसरीरी जह० एक्कं समयं उक्को० तेत्तीसं सागरोवमाइं अंतोमुहुत्तमब्भहियाई, आहारगसरीरी जह० उक्को० अंतो०, यसरी दुवि अणादीए वा अपज्जवसिए अणादीए वा सपज्जवसिते, एवं कम्मगसरीरीवि, असरीरी सातीए अपज्जवसिते, अंतरं ओरालियसरीरस्स जह० एक्कं समयं उक्को० तेत्तीसं सागरोवमाइं अंतोमुहुत्तमब्भहियाई, वेउव्वियसरीरस्स जह० अंतो० उक्को० अनंतं कालं वणस्सतिकालो, आहारगसरीरस्स जह० अंतो० उक्को० अणतं कालं जाव अवड्डुं पोग्गलपरियट्टं देसूणं, तेय० कम्मसरीरस्स य दुण्हवि णत्थि अंतरं, अप्पाबहुगं- सव्वत्थोवा आहारगसरीरी वेउव्वियसरीरी असंखे० ओरालियसरीरी असंखे० असरीरी अणंतगुणा तेयाकम्मसरीरी दोवि तुल्ला अणंतगुणा । सेत्तं छव्विहा सव्वजीवा ★ ★ ★ । २६५ ॥ सर्वजीवप्रतिपत्ति: ५ ॥ ★★★ तत्थ णं जे ते एवमाहंसु सत्तविधा सव्वजीवा पं० ते एवमाहंसु तं०- पुढवी० आउ० तेउ० वाउ० वणस्सति० तस० अकाइया, संचिट्ठणंतरा जहा हेट्ठा, अप्पाबहुगं- सव्वत्थोवा तसकाइया तेउ० असंखेज्जगुणा पुढवीकाइया विसे० आउ० विसे० वाउ० विसेसा० सिद्धाअणंतगुणा वणस्सइकाइया अनंतगुणा । २६६ | अहवा सत्तविहा सव्वजीवा पं० तं०- कण्हलेस्सा नील० काउ० तेउ० पम्ह० सुक्क० अलेस्सा, कण्हलेसे णं भंते! कण्हलेसेत्ति कालओ केवचिरं होइ ?, गो० ! ज० अंतो० उक्को० तेत्तीसं सागरोवमाइं अंतोमुहुत्तमब्भहियाई, णीललेस्से णं० ?, जह० अंतो० उक्को० दस सागरोवमाइं पलिओवमस्स असंखेज्जतिभाग अब्भहियाई, काउलेस्से णं भंते!, जह० अंतो० उक्को० तिन्नि सागरोवमाइं पलिओवमस्स असंखेज्जतिभागमब्भहियाई, तेउलेस्से णं भंते !०, जह० अंतो० उक्को० दोण्णि सागरोवमाइं पलिओवमस्स असंखेज्जइभागमब्भहियाई, पम्हलेसे णं भंते !०, जह० अंतो० उक्को० दस सागरोवमाइं अंतोमुहुत्तमब्भहियाई, सुक्कलेसे णं भंते !० १, जह० अंतो० उक्को० तित्तीसं सागरोवमाइं अंतोमुहुत्तमब्भहियाइं, अलेस्से णं भंते !०, सादीए अपज्जवसिते, कण्हलेसस्स णं भंते ! अंतरं कालओ केवचिरं होति ?, जह० अंतो० उक्को० तेत्तीस सागरोवमाई अंतोमुहुत्तम०, एवं नीललेसस्सवि काउलेसस्सवि, तेउलेसस्स णं भंते ! अंतरं का० १, जह० अंतो० उक्को० वणस्सतिकालो, एवं पम्हलेसस्सवि सुक्कलेसस्सवि दोण्हवि एवमंतरं, अलेसस्स णं भंते ! अंतरं कालओ० ?, गो० ! सादीयस्स अपज्जवसियस्स णत्थि अंतरं, एतेसिं णं भंते! जीवाणं कण्हलेसाणं नील० काउले ० तेउ० पम्ह० सुक्क० अलेसाण य कयरे १०, गो० ? सव्वत्थोवा सुक्कलेस्सा पम्ह० संखेज्जगुणा तेउ० असंखेज्जगुणा अलेस्सा अनंत० काउ० अतगुणा नील० विसे० कण्ह० विसे । सेत्तं सत्तविहा सव्वजीवा ★★★ । २६७ || सर्वजीवप्रतिपत्तिः ६ ॥ ★★★ तत्थ णं जे ते एवमाहंसु अट्ठविहा सव्वजीवा पं० ते णं एवमाहंसु, तं०- आभिणिबोहियनाणी सुय० ओहि० मण० केवल० मतिअन्नाणी सुयअण्णाणी विभंगअण्णाणी, आभिणिबोहियणाणी णं भंते !
ॐॐॐॐॐॐॐॐ श्री आगमगुणमंजूषा ९३२
फ्र