Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 64

(१४) जीवाजीवाभिगम (३) परियत्ति (प.) दीव समुद्र [१५]
पत्तेयं २ पउमवरवेइयापरिक्खित्ता पत्तेयं २ वणसंडपरिक्खित्ता वण्णओ दोण्हवि, तेसिं णं जमगपव्वयाणं उप्पिं बहुसमरमणिज्जे भूमिभागे पं० वण्णओ जाव आसयंति०, तेसिं णं बहुसमरमणिज्जाणं भूमिभागाणं बहुमज्झदेसभाए पत्तेयं २ पासायवडेंसगा पं०, ते णं पासायवडेंसगा बावट्ठि जोयणाइं अद्धजोयणं उड्ढउच्चत्तेणं एकत्तीसं जोयणाइं कोसं च विक्खंभेणं अब्भुग्गतमूसिता वण्णओ भूमिभागा उल्लोता दो जोयणाई मणिपेढियाओ वरसीहासणा सपरिवारा जाव जमगा चिट्ठति, से केणद्वेणं भंते ! एवं वुच्चति-जमगा पव्वता २१, गो० ! जमगेसु णं पव्वतेसु तत्थ २ देसे २ तहिं २ बहुओ खुड्डाखुडिडयाओ वावीओ जाव बिलपंतिताओ तासु खुड्डाखुडियासु जाव बिलपंतियासु बहूइं उप्पलाई जाव सतसहस्सपत्ताइं जमगप्पभाई जमगवण्णाई जमगवण्णाभाई जमगा य एत्थ दो देवा महिड्डिया जाव पलिओवमद्वितीया परिवसंति, ते णं तत्थ पत्तेयं २ चउण्हं सामाणियसाहस्सीणं जाव जमगाण पव्वयाणं जमगाण य रायधाणीणं अण्णेसिं च बहूणं वाणमंतराणं देवाण य देवीण य आहेवच्चं जाव पालेमाणा विहरंति, से तेणट्टेणं गो० ! एवं०-जमगपव्वया २, अदुत्तरं च णं गो० ! जाव णिच्चा, कहिं णं भंते! जमगाणं देवाणं जगाओ नाम रायहाणीओ पं० १, गो० ! जमगाणं पव्वयाणं उत्तरेणं तिरियमसंखेज्जे दीवसमुद्दे वीईवतित्ता अण्णंमि जंबुद्दीवे बारस जोयणसहस्स जहा विजयस् जाव महिड्डिया जमगा देवा जमगा देवा । १४९। कहिं णं भंते! उत्तरकुराए कुराए नीलवंतद्दहे णामं दहे पं० १, गो० ! जमगपव्वयाणं दाहिणेणं अट्ठचोत्तीसे जोयस चत्तारि सत्तभागा जोयणस्स अबाहाए सीताए महाणईए बहुमज्झदेसभाए एत्थ णं उत्तरकुराए कुराए नीलवंतद्दहे नामं दहे पं० उत्तरदक्खिणायए पाईणपडीणविच्छिन्ने एवं जोयणसहस्सं आयामेणं पंच जोयणसताइं विक्खंभेणं दस जोयणाई उव्वेहेणं अच्छे सण्हे रयतामतकूले चउक्कोणे समतीरे जाव पडिरूवे, उभओ पासिं दोहिय पउमवरवेइयाहिं वणसंडेहिं सव्वतो समंता संपरिक्खित्ते दोण्हवि वण्णओ, नीलवंतदहस्स णं दहस्स तत्थ २ जाव बहवे तिसोवाणपडिरूवगा पं० वण्णओ भणियव्वो जाव तोरणत्ति, तस्स णं नीलवंतद्दहस्स णं दहस्स बहुमज्झदेसभाए एत्थ णं एगे महं पउमे पं० जोयणं आयामविक्खंभेणं तं तिगुणं सविसेसं परिक्खेवेणं अद्धजोयणं बाहल्लेणं दस जोयणाई उव्वहेणं दो कोसे ऊसिते जलंतातो साति रेगाई दसद्धजोयणाइं सव्वग्गेणं पं०, तस्स णं पउमस्स अयमेयारूवे बण्णावासे पं० तं०वइरामता मूला रिट्ठामते कंदे वेरूलियामए नाले वेरूलियामता बाहिरपत्ता जंबुणयमया अब्भिंतरपत्ता तवणिज्जमया केसरा कणगामई कण्णिया नाणामणिमया पुक्खरत्थिभुया, साणं कण्णिया अद्धजोयणं आयामविक्खंभेणं तं तिगुणं सविसेसं परिक्खेवेणं कोसं बाहल्लेणं सव्वप्पणा कणगमई अच्छा सण्हा जाव पंडिरूवा तीसे णं कण्णियाए उवरिं बहुसमरमणिज्जे देसभाए पं० जाव मणीहिं०, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगे महं भवणे पं०, कोसं आयामेणं अद्धकोसं विक्खंभेणं देसूणं कोसं उड्ढउच्चत्तेणं अणेगखंभसतसंनिविद्वं जाव वण्णओ, तस्स णं भवणस्स तिदिसिं ततो दारा पं० पुरत्थिमेणं दाहिणेणं उत्तरेणं, ते णं दारा पंचधणुसयाई उहुंउच्चत्तेणं अड्डाइज्जाई धणुसताइं विक्खंभेणं तावतियं चेव पवेसेणं सेया वरकणगथूभियागा जाव वणमालाउत्ति, तस्स णं भवणस्स अंतो बहुसमरमणिज्जे भूमिभागे पं०, से जहानामए- आलिंगपुक्खरेति वा जाव मणीणं वण्णओ, तस्स णं बहुसमरमणिजस्स भूमिभागस् बहुमज्झदेसभा एत्थ मणिपेढिया पं० पंचधणुसयाई आयामविक्खंभेणं अड्डाइज्जाई धणुसताई बाहल्लेणं सव्वमणिमई, तीसे णं मणिपेढियाए उवरि एत्थ णं एगे महं देवसयणिज्जे पं० देवसयणिज्जस्स वण्णओ, से णं परमे अण्णेणं अट्ठसतेणं तद्दधुच्चत्तप्पमाणमेत्तेहिं परमेहिं सव्वतो समंता संपरिक्खित्ते, ते णं पउमा अद्धजोयणं आयामविक्खंभेणं तिगुणं सविसेसं परिक्खेवेणं कोसं बाहल्लेणं दस जोयणाई उव्वेहेणं कोसं ऊसिया जलंताओ साइरेगाई ते दस जोयणाइं सव्वग्गेणं पं०, सिं णं पउमाणं अयमेयारूवे वण्णावासे पं० तं०- वइरामया जाव णाणामणिमया पुक्खरत्थिभुगा, ताओ णं कण्णियाओ कोसं आयामविक्खंभेणं तं तिगुणं स० परि० अद्धको बाहल्लेणं सव्वकणगामईओ अच्छाओ जाव पडिरूवाओ, तासिं णं कण्णियाणं उप्पिं बहुसमरमणिज्जा भूमिभागा जाव मणीणं वण्णो गंधो फासो, तस्स णं पउमस्स अवरुत्तरेणं उत्तरपुरच्छिमेणं नीलवंतद्दहस्स कुमारस्स चउण्हं सामाणियसाहस्सीणं चत्तारि पउमसाहस्सीओ पं० एवं सव्वो परिवारो नवरि परमाण भाणितव्वो, सेणं पउमे अण्णेहिं तीहिं पउमवरपरिक्खेवेहिं सव्वतो समंता संपरिक्खित्ते, तं०- अब्भिंतरेणं मज्झिमेणं बाहिरएणं, अब्भिंतरए णं पउमपरिक्खेवे
LELELELELELELELELELELELELELELELELELELELE
आ आ आ आ आ आ आ आ
CLEVISIT