Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 62

TQC5$$$$明明$$$$$$$$$$$$$$$$$$$$$$$$$$$听听听听听听听听听听听听听听乐5
PHOT05555555555555559 (१४) जीवाजीवाभिगम (३) परिवत्ति (च.) दीवममुह १५३] 5%%%%%%%%%%%eray
पेच्छाघरमंडवस्सवि तहेव जहा दक्खिणिल्लस्स पच्चत्थिमिल्ले दारे जाव दक्खिणिल्ला णं खंभपंती मुहमंडवस्सवि तिण्हं दाराणं अच्चणिया भणिऊणं दक्खिणिल्ला णं खंभपंती उत्तरे दारे पुरच्छिमे दारे सेसं तेणेव कमेणं जाव पुरथिमिल्ला णंदापुक्खरिणी जेणेव सभा सुधम्मा तेणेव पहारेत्थ गमणाए, तते णं तस्स विजयस्स चत्तारि सामाणियसाहस्सीओ एयप्पभितिं जाव सव्विड्ढीए जाव णाइयरवेणं जेणेव सभा सुहम्मा तेणेव उवागच्छंति, तं णं सपं सुधम्म अणुप्पयाहिणीकरेमाणे पुरथिमिल्लेणं० अणुपविसति आलोए जिणसकहाणं पणामं करेति जेणेव मणिपेढिया जेणेव माणवचेतियक्खंभे जेणेव वइरामया गोलवट्टसमुग्गका तेणेव उवागच्छति त्ता लोमहत्थयं गेण्हति त्ता वइरामए गोलवट्टसमुग्गए लोमहत्थएण पमज्जइ त्ता वइरामए गोलवट्टसमुग्गए विहाडेति त्ता जिणसकहाओ लोमहत्थएणं पमज्जति त्ता सुरभिणा गंधोदएणं तिसत्तखुत्तो जिणसकहाओ पक्खालेति त्ता सरसेणं गोसीसचंदणेणं अणुलिंपइ त्ता अग्गेहिं वरेहिं गंधेहि मल्लेहि य अच्चिणति त्ता धूवं दलयति त्ता वइरामएसु गोलवट्टसमुग्गएसु पडिणिक्खिवति त्ता माणवकं चेतियखंभं लोमहत्थएणं पमज्जति त्ता दिव्वाए उदगधाराए अब्भुक्खेइत्ता सरसेणं गोसीसचंदणेणं चच्चए दलयति त्ता पुप्फारूहणं जाव आसत्तोसत्त० कयग्गाह० धूवं दलयति त्ता जेणेव सभाए सुधम्माए बहुमज्झदेसभाए तं चेव जेणेव सीहासणे तेणेव जहा दारच्चणित्ता जेणेव देवसयणिज्जे तं चेव जेणेव खुड्डागे महिंदज्झए तं चेव जेणेव पहरणकोसे चोप्पाले तेणेव उवागच्छति त्ता पत्तेयं २ पहरणाई लोमहत्थएणं पमज्जति त्ता सरसेणं गोसीसचंदणेणं तहेव सव्वं, सेसंपि (१६०) दक्खिणदारं आदिकाउं तहेव णेयव्वं जाव पुरच्छिमिल्ला णंदापुक्खरिणी सव्वाणं सभाणं जहा सुधम्माए सभाए तहा अच्चणिया उववायसभाए णवरि देवसयणिज्जस्स अच्चणिया सेसासु सीहासणाण अच्चणिया हरयस्स जहा गंदाए पुक्खरिणीए अच्चणिया,ववसायसभाए पोत्थयरयणं लोम० दिव्वाए उदगधाराए सरसेणं गोसीसचंदणेणं अणुलिंपति अग्गेहिं वरेहिं गंधेहिं मल्लेहि य अच्चिणति त्ता सीहासणं लोमहत्थएणं पमज्जति जाव धूवं दलयति सेसं तं चेव, णंदाए जहा हरयस्स तहा, जेणेव बलिपीढं तेणेव उवागच्छति त्ता आभिओगिए देवे सद्दावेति त्ता एवं व०खिप्पामेव भो देवाणुप्पिया ! विजयाए रायहाणीए सिंघाडगेसु य तिएसुय चउक्केसुय चच्चरेसु य चतुमुहेसु य महापहपहेसु य पासाएसु य पागारेसुय अट्टालएसु य चरियासु य दारेसुय गोपुरेसु य तोरणेसु य वावीसु य पुक्खरिणीसु य जाव बिलपंतियासु य आरामेसु य उज्जाणेसु य काणणेसु य वणेसु य वणसंडेसु य वणराईसु य अच्चणियं करेह करेत्ता ममेयमाणत्तियं खिप्पामेव पच्चप्पिणह, तए णं ते आभिओगिया देवा विजएणं देवेणं एवं वुत्ता समाणा जाव हट्ठतुट्ठा विणएणं पडिसुणेति त्ता विजयाए रायहाणीए सिंघाडगेसुय जाव अच्चणियं करेत्ता जेणेव विजए देवे तेणेव उवागच्छंति त्ता एयमाणत्तियं पच्चप्पिणंति, तए णं से विजए देवे तेसिं आभिओगियाणं देवाणं अंतिए एयमहूँ सोच्चा णिसम्म हट्ठतुट्ठचित्तमाणंदियजावयहियएजेणेव णंदापुक्खरिणी तेणेव उवागच्छति त्ता पुरथिमिल्लेणं तोरणेणं जाव हत्थपायं पक्खालेति त्ता आयंते चोक्खे परमसुइभूए णंदापुक्खरिणीओ पच्चुत्तरति त्ता जेणेव सभा सुधम्मा तेणेव पहारेत्थ गमणाए, तए णं से विजए देवे चउहिं सामाणियसाहस्सीहिं जाव सोलसहिं आयरक्खदेवसाहस्सीहिं सव्विड्ढीए जाव निग्घोसनाइयरवेणं जेणेव सभा सुधम्मा तेणेव उवागच्छति त्ता सभं सुधम्म पुरथिमिल्लेणं दारेणं अणुपविसतित्ताजेणेव मणिपेढिया तेणेव उवागच्छति त्ता सीहासणवरगते पुरच्छाभिमुहे सण्णिसण्णे।१४३। तएणं तस्स विजयस्स चत्तारि सामाणियसाहस्सीओ अवरूत्तरेणं उत्तरेणं उत्तरपुरच्छिमेणं पत्तेयं २ पुव्वणत्थेसुभद्दासणेसु णिसीयंति, चत्तारि अग्गमहिसीओ पुरत्थिमेणं पत्तेयं०, तएणं० दाहिणपुरत्थिमेणं अभिंतरियाए परिसाए अट्ठ देवसाहस्सीओ पत्तेयं २ जाव णिसीयंति, एवं दक्खिणेणं मज्झिमियाए परिसाए दस देवसाहस्सीओ जाव णिसीदंति, दाहिणपञ्चत्थिमेणं बाहिरियाए
परिसाए बारस देवसाहस्सीओ पत्तेयं २ जाव णिसीदंति, पच्चत्थिमेणं सत्त अणियाहिवती पत्तेयं २ जाव णिसीयंति, तए णं० पुरत्थिमेणं दाहिणेणं पच्चत्थिमेणं ॥ 3 उत्तरेणं सोलस आयरक्खदेवसाहस्सीओ पत्तेयं २ पुव्वणत्थेसु भद्दासणेसु णिसीदंति, तं०-पुरस्थिमेणं चत्तारि साहस्सीओ जाव उत्तरेणं०, ते णं आयरक्खा
सन्नद्धबद्धवम्मियकवया उप्पीलियसरासणपट्टिया पिणद्धगेवेनविमलवरचिंधपट्टा गहियाउहपहरणा तिणयाइं तिसंधीणि वइरामयाकोडीणि धणूई अहिगिज्झं परियाइयकंडकलावा णीलपाणिणो पीय० रत्त० चाव० चारू चम्म० खग्ग० दंड० पासणीलपीयरत्तचावचारूचागारदंडपासवरधरा आयरक्खा रक्खोवगा
9955555明明听听听听听听听听听听听听听听听听听听听听听听听听听听听听听听听听听听听听听听$$
22