Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 57

(१४) जावाजावाभिगम (३) पडिवत्ति (च.) दीव समुद्द [४८]
फफफफफफ जोयणाई उव्वेहेणं अच्छे सण्हे वण्णओ जहेव णंदाणं पुक्खरिणीणं जाव तोरणवण्णओ, तस्स णं हरतस्स उत्तरपुरच्छिमेणं एत्थ णं एगा महं अभिसेयसभा पं० जहा सभा सुधम्मा तं चेव निरवसेसं जाव गोमाणसीओ भूमिभाए उल्लोए तहेव, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगा महं मणिपेढिया पं० जोयणं आयामविक्खंभेणं अद्धजोयणं बाहल्लेणं सव्वमणिमया अच्छा०, तीसे णं मणिपेढियाए उप्पिं एत्थ णं महं एगे सीहासणे पं०, सीहासणवण्णओ अपरिवारो, तत्थ णं विजयस्स देवस्स सुबहू अभिसेक्के भंडे संणिक्खित्ते चिट्ठति, अभिसेयसभाए उप्पिं अट्ठट्ठमंगलए जाव उत्तिमागारा सोलसविधेहिं रयणेहिं०, तीसेणं अभिसेयसभाए उत्तरपुरच्छिमेणं एत्थ णं एगा महं अलंकारियसभावत्तव्वया भाणियव्वा जाव गोमाणसीओ मणिपेढियाओ जहा अभिसेयसभाए उप्पिं सीहासणं स (अ) परिवारं, तत्थ णं विजयस्स देवस्स सुबहू अलंकारिए भंडे संनिक्खित्ते चिट्ठति, उत्तिमागारा अलंकारिय० उप्पिं मंगलगा झया जाव छत्ताति०, तीसेणं आलंकारियसहाए उत्तरपुरच्छिमेणं एत्थ णं एगा महं ववसातसभा पं०, अभिसेयसभावत्तव्वया जाव सीहासणं अपरिवारं, त (ए) त्थ णं विजयस्स देवस्स महं पत्थर संनिक्खित्ते चिट्ठति, तस्स णं पोत्थयरयणस्स अयमेयारूवे वण्णावासे पं० तं०-रिडामतीओ कंबियाओ तवणिज्जमए दोरे णाणामणिमए गंठी अंकमयाइं पत्ताइं वेरूलियमए लिप्पासणे तवणिज्जमती संकला रिट्ठमए छादणे रिट्ठामया मसी वइरामयी लेहणी रिट्ठामयाई अक्खराई धम्मिए सत्थे, ववसायसभाए उप्पं अट्ठमंगलगा झया छत्तातिच्छत्ता उत्तिमागारेति, तीसे णं ववसा (उववा पा०) यसभाए उत्तरपुरच्छिमेणं एगे महं बलिपेढे पं० दो जोयणाई आयामविक्खंभेणं जोयणं बाहल्लेणं सव्वरयतामए अच्छे जाव पडिरूवे, तस्स णं बलिपेढस्स उत्तरपुरच्छिमेणं एगा महं णंदापुक्खरिणी पं० जं चेव माणं हरयस्स तं चैव सव्वं । १४१ । तेणं कालेणं० विज देवे विजयाए रायहाणीए उववातसभाए देवसयणिज्जंसि देवदूसंतरिते अंगुलस्स असंखेज्जतिभागमेत्तीए बोंदीए विजयदेवत्ताए उववण्णे, तए णं से विजये देवे अहुणोववण्णमेत्तए चेव समाणे पंचविहाए पज्जत्ताए पज्जत्तीभावं गच्छति, तं० आहारपज्जत्तीए सरीर० इंदिय० आणापाणु० भासामणपज्जत्तीए, तर णं तस्स विजयस्स देवस्स पंचविहाए पज्जत्तीए पज्जत्तीभावं गयस्स इमे एयारूवे अज्झत्थिए चिंतिए पत्थिते मणोगए संकप्पे समुप्पज्जित्था किं मे पुव्वं सेयं ? किं मे पच्छा सेयं ? किं मे पुव्विं करणिज्जं ? किं मे पच्छा करणिज्जं ? किं मे पुव्विं वा पच्छा वा हिताए सुहाए खमाए णिस्सेयसाते आणुगामियत्ताए भविस्सतीतिकट्टु एवं संपेहेति, तते णं तस्स विजयस्स देवस्स सामाणियपरिसोवव- (१५९) ण्णगा देवा विजयस्स देवस्स इमं एतारूवं अज्झत्थितं समुप्पण्णं जाणित्ता जेणामेव से विजए देवे तेणामेव उवागच्छंति त्ता विजयं देवं करतलपरिग्गहियं० सिरसावत्तं मत्थए अंजलिं कट्टु जएणं विजएणं वद्धावेति त्ता एवं व० एवं खलु देवाणुप्पियाणं विजयाए रायहाणीए सिद्धायतणंसि अट्ठसतं जिणपडिमाणं जिणुस्सेहपमाणमेत्ताणं संनिक्खित्तं चिट्ठति सभाए य सुधम्माए माणवए चेतियखंभे वइराम सु गोलवट्टसमुग्गतेसु बहूओ जिणसकहाओ सन्निक्खित्ताओ चिद्वंति जाओ णं देवाणुप्पियाणं अन्नेसिं च बहूणं विजयरायहाणि वत्थव्वाणं देवाण य देवीण य अच्चणिज्जाओ वंदणिज्जाओ पूयणिज्नाओ सक्कारणिज्जाओ सम्माणणिज्जाओ कल्लाणं मंगलं देवयं चेतियं पज्जुवासणिज्जाओ एतण्णं देवाणुप्पियाणं पुव्विपि सेयं एतण्णं देवाणुप्पियाणं पच्छावि सेयं एतण्णं देवा० पुव्विं करणिज्जं एतं० पच्छा करणिज्जं एतण्णं देवा० पुव्विं वा पच्छा वा जाव आणुगामियत्ताते भविस्सतीतिकट्टु महता २ जय (जय) सदं परंजंति, तए णं से विजए देवे तेसिं सामाणियपरिसोववण्णगाणं देवाणं अंतिए एयमट्टं सोच्चा णिसम्म हट्ठतुट्ठजावहियते देवसयणिज्जाओ अब्भुट्ठेइ त्ता दिव्वं देवदूस जुयलं परिहेइ त्ता देवसयणिज्जाओ पच्चोरूहइ त्ता उपपातसभाओ पुरत्थिमेणं बारेणं णिग्गच्छइ त्ता जेणेव हरते तेणेव उवागच्छति त्ता हरयं अणुपदाहिणं करेमाणे २ पुरत्थिमेणं तोरणेणं अणुप्पविसति त्ता पुरत्थिमिल्लेणं तिसोवाणपडिरूवएणं पच्चोरूहति त्ता हरयं ओगाहति त्ता जलावगाहणं करेति ता जलमज्ज करेति जलकिड्ड करेति आयंते चोक्खे परमसूतिभूते हरतातो पच्चुत्तरति त्ता जेणामेव अभिसेयसभा तेणामेव उवागच्छति त्ता अभिसेयसभं पदाहिणं करेमाणे पुरत्थिमिल्लेणं बारेणं अणुपविसति त्ता जेणेव सए सीहासणे तेणेव उवागच्छति त्ता सीहासणवरगते पुरच्छाभिमुहे सण्णिसण्णे, तते णं तस्स विजयस्स देवस्स सामाणियपरिसोववण्णगा देवा अभिओगिते देवे सद्दावेति त्ता एवं व० खिप्पामेव भो देवाणुप्पिया ! विजयस्स देवस्स महत्थं महग्घं महरिहं विपुलं इंदाभिसेयं श्री आगमगुणमंजूषा - ८९०
ॐ
תתנננ