Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 58

६ ५६ ५६ ५६ ५६ ५६ ५ पूर्व पूर्व फुट
२४ जीवाजीवाभिगम ३. पांडवानी समु [0]
उage, तते णं ते आभिओगिता देवा सामाणियपरिसोववण्णेहिं देवेहिं एवं वुत्ता समाणा हट्ठतुट्ठजावहितया करतलपरिग्गहियं० सिरसावत्तं मत्थए अंजलि कट्टु एवं देवा ! तहत्ति आणाए विणएणं वयणं पडिसुणंति त्ता उत्तरपुरत्थिमं दिसिभागं अवक्कमंति त्ता वेडव्वियसमुग्धाएणं समोहणंति त्ता संखेज्जाई जोयणाई दंड सिरांति तं ० - रयणाणं जाव रिट्ठाणं, अहाबायरे पोग्गले परिसाडंति त्ता अहासुहुमे पोग्गले परियायंति त्ता दोच्चंपि वेउव्वियसमुग्धाएणं समोहणंति त्ता अट्टसहस्सं सोवणियाणं कलसाणं अट्ठसहस्सं रूप्पामयाणं कलसाणं अट्ठसहस्सं मणिमयाणं अट्ठसहस्सं सुवण्णरूप्पामयाणं अट्ठसहस्सं सुवण्णमणिमयाणं अट्ठसहस्सं रूप्पामणिमयाणं अट्ठसहस्सं सुवण्णरूप्पामणिमताणं अट्टसहस्सं भोमेज्जाणं अट्टसहस्सं भिंगारगाणं एवं आयंसगाणं थालाणं पातीणं सुपतिट्ठकाणं (मणोगुलियाणं वायकरगाणं) चित्ताणं रयण करंडगाणं पुप्फचंगेरीणं जाव लोमहत्थचंगेरीणं पुप्फपडलगाणं जाव लोमहत्थगपडलगाणं अट्ठसतं सीहासणाणं छत्ताणं चामराणं अवएडगाणं वट्टकाणं तवसिप्पाणं खोरकाणं पीणकाणं तेल्लसमुग्गकाणं अट्ठसतं धूवकडुच्छ्रयाणं विउव्वंति ते साभाविए विउव्विए य कलसे य जाव धूवकडुच्छुए य गेण्हंति त्ता विजयातो रायहाणीतो पडिनिक्खमंति त्ता ताए उक्किंट्ठाए जाव उद्धृताए दिव्वाए देवगतीए तिरियमसंखेज्जाणं दीवसमुद्दाणं मज्झंमज्झेणं वीयीवयमाणा २ जेणेव खीरोदे समुद्दे तेणेव उवागच्छंति त्ता खीरोदगं गिण्हंति त्ता जातिं तत्थ उप्पलाई जाव सतसहस्सपत्तातिं तातिं गिण्हंति त्ता जेणेव पुक्खरोदे समुद्दे तेणेव उवागच्छंति त्ता पुक्खरोदगं गेण्हंति ता जातिं तत्थ उप्पलाई जाव सतसहस्सपत्ताति तातिं गिण्हंति त्ता जेणेव समयखेत्ते जेणेव भरहेरवयातिं वासाइं जेणेव मागधवरदामपभासाइं तित्थाइं तेणेव उवागच्छंति त्ता तित्थोदगं गिण्हंति त्ता तित्थमट्टियं गेण्हंति त्ता जेणेव गंगासिंधुरत्तारत्तवतीसलिला तेणेव उवागच्छंति त्ता सरितोदगं गेण्हंति त्ता उभओ तडमट्टियं गेण्डंति त्ता जेणेव चुल्लहिमवंतसिहरिवासधरपव्वता तेणेव उवागच्छंति त्ता सव्वतूवरे य सव्वयुप्फे य सव्वगंधे य सव्वमल्ले य सव्वोसहिसिद्धत्थए य गिण्हंति त्ता जेणेव पउमद्दहपुंडरीयद्दहा तेणेव उवागच्छंति त्ता दहोदगं गेण्हंति जातिं तत्थ उप्पलाई जाव सतसहस्सपत्ताई ताई गेहंति त्ता जेणेव हेमवयहेरण्णवयाई जेणेव रोहियरोहितंससुवण्णकूलरूप्पकूलाओ तेणेव उवागच्छंति त्ता सलिलोदहगं गेण्हंति त्ता उभओ तडमट्टियं गिण्हंति त्ता जेणेव सद्दावातिमालवंतपरियागा वट्टवेतड्ढपव्वता तेणेव उवागच्छंति त्ता सव्वतूवरे य जाव सव्वोसहिसिद्धत्थए य गेण्हंति त्ता जेणेव महाहिमवंतरूप्पिवासधरपव्वत्ता तेणेव उवागच्छंति त्ता सव्वपुप्फे तं चेव जेणेव महापउमद्दहमहापुंडरीयद्दहा तेणेव उवागच्छंति त्ता जाई तत्थ उप्पलाई तं चेव जेणेव हरिवासरम्मावासे जेणेव हरकान्तहरिकंतणरकंतनारीकंताओ सलिलाओ तेणेव उवागच्छंति त्ता सलिलोदगं गेण्हंति त्ता जेणेव वियडावाइगंधावातिवट्टवेयड्ढपव्वया तेणेव उवागच्छंति सव्वपुप्फे य तं चेव जेणेव णिसहनीलवंतवासहरपव्वता तेणेव उवागच्छंति सव्वतूयरे य तहेव जेणेव तिगिच्छिदहकेसरिदहा तेणेव उवागच्छंति त्ता जाई तत्थ उप्पलाई तं चेव जेणेव पुव्वविदेहावरविदेहवासाई जेणेव सीयासीओयाओ महाणईओ जहा णईओ जेणेव सव्वचक्कवट्टिविजया जेणेव सव्वमागहवरदामपभासाइं तित्थाइं तहेव जेणेव सव्ववक्खारपव्वता सव्वतूवरे य० जेणेव सव्वंतरणदीओ सलिलोदगं गेण्हंति त्ता जेणेव मंदरे पव्वते जेणेव भद्दसालवणे तेणेव उवागच्छंति सव्वतूवरे य जाव सव्वोसहिसिद्धत्थए य गिण्हंति त्ता जेणेव णंदणवणे तेणेव उवागच्छन्ति त्ता सव्वतूवरे जाव सव्वोसहिसिद्धत्थे य सरसं च गोसीसचंदणं हिंति त्ता जेणेव सोमण सवणे तेणेव उवागच्छंति त्ता सव्वतूवरे य सव्वोसहिसिद्धत्थए य सरसगोसीसचंदणं दिव्वं च सुमणदामं गेण्हंति त्ता जेणेव पंडगवणे तेणामेव समुवागच्छंति त्ता सव्वतूवरे जाव सव्वोसहिसिद्धत्थए य सरसं च गोसीसचंदणं दिव्वं च सुमणोदामं दद्दरयमलयसुंगधिए य गंधे गेण्हंति त्ता एगतो मिलंति त्ता जंबुद्दीवस्स पुरत्थिमिल्लेणं दारेणं णिग्गच्छंति त्ता ताए उक्किट्ठाए जावदिव्वाए देवगतीए तिरियमसंखेज्जाणं दीवसमुद्दाणं मज्झमज्झेणं वीयीवयमाणा २ व विजया रायहाणी तेणेव उवागच्छंति त्ता विजयं रायहाणि अणुप्पयाहिणं करेमाणा जेणेव अभिसेयसभा जेणेव विजए देवे तेणेव उवागच्छंति ता करतलपरिग्गहितं सिरसावत्तं मत्थए अंजलि कट्टु जएणं विजएणं वद्धावेति विजयस्स देवस्स तं महत्थं महग्धं महरिहं विपुलं अभिसेयं उववेति, तते णं तं विजयदेवं चत्तारि य सामाणियसाहस्सीओ चत्तारि अग्गमहिसीओ सपरिवाराओ तिण्णि परिसाओ सत्त अणिया सत्त अणियाहिवई सोलस आयरक्खदेवसाहस्सीओ अन्ने य बहवे श्री आगमगुणमंजूषा ८९१
फुफफफफफफफफफफफफफफफ