Agam 14 Upang 03 Jivabhigam Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 47

属GKO卐卐卐卐
(१४) जीवाजीवाभिगम (३) पडिवत्ति (च.) दीवसमुद्द [३८]
फफफफफफ
सिंदुवारमल्लदामेति वा सेतासोएति वा सेयकणवीरेति वा सेयबंधुजीवएइ वा भवे एयारूवे सिया ?, णो तिणट्ठे समट्ठे तेसि णं सुक्किल्लाणं तणाणं मणीणं य एत्तो इतराए चेव जाव वण्णं पं०, तेसिं णं भंते! तणाण य मणीण य केरिसए गंधे पं० ?, से जहाणामए कोट्ठपुडाण वा पत्तपुडाण वा चोयपुडाण वा तगरपुडाण वा एलापुडाण वा किरिमेरुपुडाण वा चंदणपुडाण वा कुंकुमपुडाण वा उसीरपुडाण वा चंपगपुडाण वा मरूयगपुडाण वा दमणगपुडाण वा जातिपुडाण वा जूहियापुडा वा मल्लियापुडाण वा णोमालियापुडाण वा वासंतियपुडाण वा केयतिपुडाण वा कप्पूरपुडाण वा पाडलिपुडाण वा अणुवायंसि उब्भिज्जमाणाण वा णिब्भिज्जमाणा वा कोट्टेज्जमाणा वा रूविज्जमाणाण वा उक्किरिज्जमाणाण वा विकिरिज्जमाणाण वा परिभुज्जमाणाण वा परिभाएज्जमाणाण वा भंडाओ वा भंडं साहरिज्जमाणाणं ओराला मण्णा घाणमणणिव्वुतिकरा सव्वतो समंता गंधा अभिणिस्सवंति, भवेएयारूवे सिया ?, णो तिणट्ठे समट्ठे, तेसिं णं तणाणं मणीण य एत्तो इट्ठतराए चेव जाव गंधे पं०, तेसिं णं भंते! तणाण य मणीण य केरिसए फासे पं० ?, से जहाणामए- आइणेति वा रूएति वा बूरेति वा णवणीतेति वा हंसगब्भतूलीति वा सिरीसकुसुमणिचतेति वा बालकुमुदपत्तरासीति वा, भवे एतारूवे सिया ?, णो तिणट्ठे समट्ठ, तेसिं णं तणाण य मणीण य एत्तो इट्ठतराए चेव जाव फासेणं पं०, तेसिं णं तणाणं पुव्वावरदाहिणउत्तरागतेहिं वाएहिं मंदायं २ एइयाण वेइयाणं कंपियाणं खोभियाणं चालियाणं फंदियाणं घट्टियाणं उदीरियाणं केरिसए सद्दे पं० १, से जाणा - सिबिया वा संदमाणीयाए वा रहवरस्स वा सच्छत्तस्स सज्झयस्स सघंटयस्स सतोरणवरस्स सणंदिघोसस्स सखिखिणिहेमजालपेरंतपरिक्खित्तस्स हेमवयखेत्तचित्ततिणिसंकणगनिज्जुत्तदाख्यागस्स सुपिणिद्धारक (प्र० सुविसुद्धचक्क) मंडलधुरागस्स कालायससुकयणेमिजंतकम्मस्स आइण्णवरतुरगसुसंपउत्तस्स कुसलणरच्छेयसारहि सुसंपरिग्गहितस्स सरसतबत्तीसतोणपरिमंडितस्स सकंकडवडिंसगस्स सचावसरपहरणावरणहरियस्स जोहजुद्धस्स रायंगणंसि वा अंतेपुरंसि वा रम्मंसि वा मणिकोट्टिमतलंसि अभिक्खणं २ अभिघट्टिज्जमाणस्स वा णियट्टिज्जमाणस्स वा परूढवरतुरंगस्स चंडवेगाइट्ठ (द्ध) स्स ओराला मणुण्णा कण्णमणणिव्वुतिकरा सव्वतो समंता सद्दा अभिणिस्सवंति, भवे एतारूवे सिया ?, णो तिणट्ठे समट्ठे, से जहाणामए - वेयालियाए वीणाए उत्तरमंदामुच्छिताए अंके सुपइट्टियाए चंदणसारकोणपडिघट्टियाए कुसलणरणारिसंपगहिताए पदोसपच्चूसकालसमयंसि (पा० पुव्वरत्तावरत्तकालसमयंसि ) मंदं २ एइयाए वेइयाए खोभियाए उदीरयाए ओराला मणुण्णा कण्णमणणिव्वुतिकरा सव्वतो समंता सद्दा अभिणिस्सवंति, भवे एयारूवे सिया ?, णो तिणट्टे समट्ठे, से जहाणामए- किण्णराण वा किं पुरिसाण वा महोरगाण वा गंधव्वाण वा भद्दसालवणगयाण वा नंदणवणगयाण वा सोमणसवणगयाण वा पंडगवणगयाण वा हिमवंतमहंतमलयमंदरगिरिगुहासमण्णागयाण वा एगतो सहिताणं संमुहा (समुवा) गयाणं समुवविट्ठाणं संनिविट्ठाणं पमुदियपक्कीलियाणं गीयरतिगंधव्वहरिसियमणाणं गेज्जं पज्जं कत्थं गेयं पायविद्धं उक्खित्तयं पवत्तयं मंदायं रोचियावसाणं सत्तसरसमण्णागयं अट्ठरससुसंपउत्तं छद्दोसविप्पमुक्कं एक्कारसगुणालंकारं अट्ठगुणोववेयं गुंजतवंसकुहरोवगूढं रत्तं तित्थाणकरणसुद्धं मधुरं समं सुललियं सकुहरगुंजतवंसतंतीतालसुसंपउत्तं तालसमं लयसुसंपउत्तं गहसुसंपउत्तं मणोहरं मउयरिभियपयसंचारं सुरतिं सुणतिं वरचारूरूवं दिव्वं नट्टं सज्जं गेयं पगीयाणं, भवे एयारूवे सिया ?, हंता एवंभूए सिया । १२७। तस्स णं वणसंडस्स तत्थ २ दे २ तहिं २ बहवे खुड्डा खुडिडयाओ वावीओ पुक्खरिणीओ गुंजालियाओ दीहियाओ सरसीओ सरपंतिओ सरसरपंतीओ बिलपंतीओ अच्छाओ सहाओ रयतामयकूलाओ वइरामयपासाणाओ तवणिज्जमयतलाओ वेरूलियमणिफालियपडलपच्चोयडाओ णवणीयतलाओ सुवण्णसुरयणमणिवालुयाओ सुहोयारसुउत्ताराओ णाणामणितित्थसुबद्धाओ चउक्कोणाओ समतीराओ आणुपुव्वसुजायवप्पगंभीरसीयलजलाओ संछण्णपत्तभिसमुणालाओ बहुउप्पलकुमुयणलिणसुभगसों गधितपोंड रीयसयपत्तसहस्सपत्तफुल्लके सरोवइयाओ छप्पयपरिभुज्नमाणकमलाओ अच्छविमलसलिलपुरणाओ परिहत्थभमंतमच्छकच्छभ अणेगसउणमिहुणपविचरिताओ पत्तेयं २ पउमवरवेदियापरिक्खित्ताओ पत्तेयं २ वणसंडपरिक्खित्ताओ अप्पेगतियाओ आसवोदाओ अप्पे० वारूणोदाओ अप्पे० खीरोदाओ अप्पे० घयोदाओ अप्पे० खोदोदाओ अमयरससमरसो (स्सा) दाओ अप्पे० पगतीए उदग (अमय) रसेणं पं० पासाईयाओ०, DOOR श्री आगमगुणमंजूषा ८८०