________________
परिशिष्ट १२
सन्धान पद
पहला अध्ययन ६६. जे लोग अब्भाइक्खइ, से अत्ताणं अन्भाइक्खइ।
जे अत्ताणं अब्भाइक्खइ, से लोगं अब्भाइक्खइ । ६७. जे दीहलोगसत्थस्स खेयण्णे, से असत्थस्स खेयण्णे ।
जे असत्थस्स खेयण्णे, से दीहलोगसत्थस्स खेयण्णे । ९३. जे गुणे से आवट्टे, जे आवट्टे से गुणे । १४७. जे अज्झत्थं जाणइ, से बहिया जाणइ ।
जे बहिया जाणइ, से अज्झत्थं जाणइ । दूसरा अध्ययन
१. जे गुणे स मूलट्ठाणे, जे मूलट्ठाणे से गुणे । ७१. अणोहंतरा एते, नो य ओहं तरित्तए ।
अतीरंगमा एते, नो य तीरं गमित्तए ।
अपारंगमा एते, नो य पारं गमित्तए । ५८. जेण सिया तेण नो सिया । १२९. जहा अंतो तहा बाहिं, जहा बाहिं तहा अंतो। १७३. जे अणण्णदंसी, से अणण्णारामे ।
____जे अणण्णारामे, से अणण्णदंसी। १७४. जहा पुण्णस्स कत्थइ, तहा तुच्छस्स कत्थइ ।
जहा तुच्छस्स कत्थइ, तहा पुण्णस्स कत्थइ । तीसरा अध्ययन १७. जे पज्जवजात-सत्थस्स खेयण्णे, से असत्थस्स खेयण्णे ।
जे असत्थस्स खेयण्णे, से पज्जवजात-सत्यस्स खेयण्णे । ६३. जं जाणेज्जा उच्चालइयं, तं जाणेज्जा दूरालइयं ।
जं जाणेज्जा दूरालइयं, तं जाणेज्जा उच्चालइयं ।
७४. जे एगं जाणइ, से सव्वं जाणइ।
जे सव्वं जाणइ, से एगं जाणइ । ७६. जे एग नामे, से बहुं नामे ।
जे बहुं नामे, से एगं नामे । ७९. एगं विगिंचमाणे पुढो विगिचइ।
पुढो विगिंचमाणे एगं विगिंचइ । चौथा अध्ययन १८. चिट्ठ कूरेहिं कम्मेहि, चिट्ठ परिचिट्ठति ।
अचिट्ठ कूरेहिं कम्मेहिं, णो चिट्ठ परिचिट्ठति । १९. एगे वयंति अदुवा वि णाणी, __णाणी वयंति अदुवा वि एगे। पांचवां अध्ययन ९. संसयं परिजाणतो, संसारे परिण्णाते भवति ।
संसयं अपरिजाणतो, संसारे अपरिण्णाते भवति । ४२. जे पुन्बुढाई, णो पच्छा-णिवाई,
जे पुन्बुट्ठाई, पच्छा-णिवाई,
जे णो पुवुट्ठाई, णो पच्छा-णिवाई । ५७. जं सम्म ति पासहा, तं मोणं ति पासहा । ____ जं मोणं ति पासहा, तं सम्म ति पासहा । ८५. पुव्वं दंडा पच्छा फासा, पुव्वं फासा पच्छा दंडा। १०४. जे आया से विण्णाया, जे विण्णाया से आया।
जेण विजाणति से आया।
Jain Education international
For Private & Personal Use Only
www.jainelibrary.org
