Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 11

वसुदेवहिंडी
[ कहुप्पत्ती ]
तस्थ ताव 'सुहम्मसामिणा जंबुनामस्स पढमाणुओगे तित्थयर चक्कवट्टि-दसारवंसपरूवणागयं वसुदेवचरियं कहियं' ति तस्सेव पभवो कहेयवो, तप्पभवस्स य पभवस्स त्ति । जंबुसामिचरियं
[ जंबुसामि -
5 अत्थि मगहाजणवओ धणधन्नसमिद्धदाणसद्धियगहवइकुलबहुलगाम सतसन्निमहिओ, छायापुप्फफलभोज्जतरुगणसमग्गवणसंडमंडिओ, कमलकुमुद्रकुवलयसोहिततलागपुक्खरिणिवप्पसाहीणकमलानिलओ ।
तत्थ मगहाजणवए रायगिहं नाम नयरं दूरावगाढवित्थयसलिलखातोवगूढदढतरतुंगपराणीयभयदपागारपरिगयं, बहुविहनयणाभिरामजलभारगरुयजलहरगमणविघातकरभ10 वणभरियं, अणेगैवापरिमाणपर्वैयं (?), दिवाचारपर्भेवं, भंडसंगहविणिओगखैमं, सुसील - माहणसमणसुसयर्णैअतिहिपूर्यैनिरयवाणियजणोववेयं, रहतुरयजणोघजणियरेणुगं, मयगलमातंगदाणपाणियपसमियवित्थिन्नरायमग्गं ।
तत्थ रायगिहे नयरे सेणिओ नाम राया, 'पयासुद्दे सुहं' ति ववसिओ, पडिहयपडिवक्खपणयसामंतमउडमणिजुइरंजियसुपसत्थचरणकमलो, 'सीह - समुह-ससि - सूर- धणदाण 15 सत्त-गंभीर-कंति-दित्ति - विहवेहिं तुल्लो' त्ति लोकमुहसतविमलविभाज्जभाणकित्ती । तैस्स य रायणो पट्टमहादेवी चिल्लणा नाम । ताणं पुत्तो कोणिओ नाम ।
तत्थ य * मगहापुरे पुवपुरिससमज्जियधणपगब्भो, विणयविज्जवियक्खणो, दयापरो, सच्चसंधो, दायवेकबुद्धी, अरहंतसासणरओ उसभदत्तो नाम ईन्भो । तस्स य निरुवयफलिहमणिविमलसभावा, सीलालंकारधारिणी धारिणी नाम भारिया । सा 20 कयाइ सयणगया सुत्त- जागरा पंच सुमिणे पासित्ता पडिबुद्धा, तं जहा- विधूमं हुयवहं १, पउमसरं वियसियकमलकुमुदकुवलयउज्जलं २, फलभारनमियं च सालिवणं ३, गयं च गलितजलबलाहकपंडुरं सैमूसियच उविसाणं ४, जंबूफलाणि य वण्णरसगंधोववेयाणि ५ त्ति । जहा दिट्ठा य णाए उसभदत्तस्स निवेइया । तेण वि भणिया - पहाणो ते पुत्तो भवि
॥
६ °णसुअति ली ३ । 'जाति' उ० ॥
१ ली ३ गो ३ विनाऽन्यन्त्र — तस्सेसो प° मो० सं० । तस्स सो प° क० । तस्सेसे प° उ० ॥ २ गवाह ली० य० ॥ ३ खं० विनाऽन्यत्र - व्वय दिव्वाचार क० उ० | 'स्वयदिवावार ली ३ गो ३ मो० सं० ॥ ४ भवभंड° ली ३ क० मो० ॥ ५ खमसुसी क० मो० ७ °या° डे० उ० ॥ ८ लोगसुह° उ० विना ॥ ९ 'इव्वमा मोसं० विना ॥ १० उ० विनाऽन्यत्र - तस्स य राइणो वेलणा पट्टमहादेवी । ताणं पुसो कोणिओ नाम राया क ३ । तस्स य चेल्लणाए देवीए पुत्तो कोणिओ नाम राया ली ३ गो ३ ॥ ११ इब्भपुत्तो उ० विना ॥ १२ समूसियं चउ° मो० । सत्तसमूसियचड° डे० संसं० ॥
**
मगधापुरं राजगृहमित्यर्थः । तथाहि सुत्तनिपाते - "पावं च भोगनगरं वेसालिं मागधं पुरं । ” ५-१-३८. अत्थ संखित्तपदवण्णना- "मागधं पुरं मगधपुरं - राजगहं ।” इति ॥