Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 12

चरियं ]
कहुप्पत्ती। स्सति जहा वागरिओ अरहया । तओ तीसे परितोसविसप्पियहिययाए 'एवमेयं जहा भणिहि'-त्ति अहिलसिओ। आहूओ से गब्भो देवो बंभलोगचुओ । समुप्पन्नो य से दोहलो जिणसाहुपूयाए, सो य विभवओ सम्माणिओ।
पुण्णदोहला य अतीतेसु नवसुमासेसु पयाया पुत्तं, सारयससि-दिणयराणुवत्तिणीहिं कंतिदित्तीहिं समालिंगियं, सुधतवरकणगकमलकेणियारसरसकेसरसवण्णं, अविसैन्नपुरवणं, 5 पसत्थलक्खणसणाहकरचरणनयणवयणं । कयजायकम्मस्स य से जंबुफललाभ-जंबुद्दीवाधिवतिकयसन्नेज्झनिमित्तं कयं नाम 'जंबु'त्ति । धाइपरिक्खित्तो य सुहेण वहिओ। कलाओ य णेण अणंतरभवपरिचिताओ दंसिअमेत्ताओ गहियाओ । पत्तजोवणो य 'साणुकोसो, पियंवओ, पुवाभासी, साहुजणसेवगो' त्ति जणेण परितोसवित्थिन्ननयणेण पसंसिजमाणो, अलंकारभूओ मगहाविसयस्स जहासुहमभिरमइ ।
10 ___ तम्मि य समए भयवं सुहम्मो गणहरो गणपरिखुडो जिणो विव भवियजणमणप्पसादजणणो रायगिहे नयरे गुणसिलए चेइए समोसरिओ। सोऊण य सुहम्मसामिणो आगमणं, परमहरिसिओ बरहिणो इव जलधरनिनादं, जंबुनामो पवहणाभिरूढो निजाओ। नाइदूरे पमुक्कवाहणो परमसंविग्गो भयवंतं तिपयाहिणं काऊण सिरसा नमिऊण आसीणो। __ तओ गणहरो(रेण) जंबुनामस्स परिसाए य पकहिओ-जीवे अजीवे य; आसवं, बंधं, 15 संवरं, निजरं, मोक्खं च अणेगपजवं । तं सोऊण भयवओ वयणवित्थरं जंबुनामो विरागमग्गमस्सिओ, समुट्टिओ परं तुढिमुबहतो, बंदिऊण गुरुं विन्नवेइ-सामि! तुब्भं अंतिए मया धम्मो सुओ, तं जाव अम्मापियरो आपुच्छामि ताव तुब्भं पायमूले अत्तणो हियमायरिस्सं । भयवया भणियं-किच्चमेयं भवियाणं।
तओ पणमिऊण पवणमारूढो, आगयमग्गेण य पट्ठिओ, पत्तो य नयरदुवारं । तं च 20 जाण®यसंबाधं पासिऊण चिंतेइ-जाव पवेसं पडिवालेमि ताव कालाइकमो हवेजों, तं सेयं मे अन्नेण नयरदुवारेण सिग्घं पविसिउं । एवं चिंतेऊण सारही पभणिओ-सोम ! परावत्तेहि रहं, अन्नेन दुवारेण पविसिस्सं । तओ सारहिणा चोइया तुरया, संपाविओ रहो जहासंदिटुं दुवारं । पस्सइ य जंबुनामो रजुपडिबद्धाणि सिला-सतग्घि-कालचक्काणि लंबमाणाणि परबलपहणणनिमित्तं । ताणि य से पस्समाणस्स चिंता जाया-'कयाइ एयाई 25 पेंडेज रहोवरिं, तओ मे विसीलस्स मयस्स दुग्गइगमणं हवेज' त्ति संकप्पिऊण सारहिं भणइ-सारहि ! पडिपहहुत्तं रहं पयट्रेहिं, गुणसिलयं चेइयं गमिस्सं गुरुसमीवे । 'तह' त्ति तेण पडिवन्नं । गओ गुरुसमीवं, पयओ विन्नवेइ-'भयवं! जावज्जीवं बंभयारी विहरिस्स' ति गिहीतबओ रहमारुहिऊण नगरमागतो, पत्तो य नियघ्भवणं ।
१ तीए परितोसवसविस० उ० ॥ २ कणिया° उ. ॥ ३ °सण्णं पस उ० । ससपुग्ववापस क० । सत्सपुन्नवन्नं पस संसं०॥ ४ परिक° ली ३ ॥ ५ ली ३ खे० विनाऽन्यत्र-जयग्गसंबाधं गो०वा० । जुगो. यसंबाधं क०सं०॥६क ३७० विनाऽन्यत्र ज ली ३ । जं गो ३॥ ७ पाडेज क ३ गो ३ उ०॥८°गलयणं का