Sulabh Charitrani Part 02

Author(s): Vajrasenvijay
Publisher: Bhadrankar Prakashan

Page 11

सुलभचरित्राणि - २
१७०
श्राद्धाः शृणुत तद्वृत्तमभूदुद्वृत्तवैभवः । धनी विद्यापतिरिति ख्यातः पोतनपत्तने ॥५॥
अन्वयः - (हे) श्राद्धा: ! तद्वृत्तं शृणुत, पोतनपत्तने उद्वृत्तवैभवः धनी विद्यापतिः इति ख्यातः अभूत् ॥५॥
सर्वज्ञसेवकोऽप्येष निजश्रियामपि ।
संख्यातिं ज्ञातवान्नैव ज्योतिषी ज्योतिषामिव ॥ ६ ॥ अन्वयः - सर्वज्ञ - सेवकः अपि एषः निजस श्रियां संख्यातिं अपि ज्योतिषां ज्योतिषी इव नैंव ज्ञातवान् ॥६॥
तस्याजनिष्ट गृहिणी स्पृहणीयगुणोदया । जिनेशशासनाम्भोजभृङ्गी शृङ्गारसुन्दरी ॥७॥ अन्वयः - स्पृहणीय-गुणोदया जिनेश - शासन - अम्भोज-भृङ्गी शृङ्गारसुन्दरी (नाम्ना) तस्य गृहिणी अजनिष्ट ॥७॥ सप्तक्षेत्र्यां वपन्वित्तमनन्तगुणलाभधीः । प्रयत्नेन यथाकालं वृषपोषं चकार सः ॥८ ॥ अन्वयः - अनन्तगुण - लाभधीः प्रयत्नेन सप्तक्षेत्र्यां वित्तं वपन् सः यथाकालं वृषपोषं चकार ॥८॥ धनमर्जयतो नित्यमृणं तर्जयतः सताम् ।
धर्मं कल्पयतः काममघमल्पयतः परम् ॥९॥ सुखोर्मिमयमेवोच्चैरह्नां गमयतो गणम् । स्वप्ने कापि कदापि स्त्री पुरस्तस्येदमभ्यधात् ॥१०॥ युग्मम्॥ अन्वयः - धनं नित्यं अर्जयतः सतां ऋणं तर्जयतः, कामं धर्मं कल्पयतः परम् अघं अल्पयतः ॥१०॥