Book Title: Pushpmala Prakaran
Author(s): Hemchandrasuri, Karpurvijay, Pradyumnasuri, Kantibhai B Shah
Publisher: Shrutgyan Prasarak Sabha
View full book text
________________
રીતે પૂર્વજન્મમાં દીધેલાં દાન અને કરેલી જિનપૂજાનું ફળ જાણી અનેક દાનશાળા તથા જિનચૈત્યો કરાવી, તેમજ સાતે ક્ષેત્રોમાં પુષ્કળ ધન વાવી, પ્રવ્રજ્યા અંગીકાર કરી, પાંચમા સ્વર્ગમાં દેવપણે તે બંને ભાઈઓ ઉપન્યા. પછી ત્યાંથી પૂર્વોક્ત ક્રમે મહાવિદેહ ક્ષેત્રમાં જન્મી મોક્ષે જશે.
ધનસાર શ્રેષ્ઠીની કથા (ગાથા-૫૯) , મથુરાપુરીમાં ધનસાર શ્રેષ્ઠી વસે છે, તે ૬૬ કોડ દ્રવ્યનો સ્વામી છે. તો પણ એક કોડી માત્ર પણ ધર્મકાર્યમાં આપતો નથી. બીજા દાતાર જનોને દેખીને પણ દિલમાં ઘણો બળે છે, વધારે શું? પણ ઘરનાં માણસ પણ તે બહાર ગયો હોય ત્યારે જમે છે. તેનું કૃપણપણે એવું તો જગજાહેર થયું કે ભોજન કર્યા વગર કોઈ તેનું નામ પણ ગ્રહણ કરે નહિ. અન્યદા તેનું ભંડારેલું સમસ્ત દ્રવ્ય કોયલા રૂપ થઈ ગયું, જળ માર્ગ રહેલું બૂડી ગયું, સ્થળ માર્ગ રહેલું ચોરોએ લૂંટી લીધું અને બાકીનું દશ લક્ષ જેટલું દ્રવ્ય લહીને તે જળમાર્ગે ચાલ્યો, તો માર્ગમાં વહાણ ભાગ્યું, ત્યાંથી દેવયોગે સમુદ્રના તીરે પહોંચ્યો છતો એક અટવીમાં પડ્યો પડ્યો વિચારવા લાગ્યો કે “હા ! જાતે દ્રવ્યને ભોગવ્યું નહિ, તેમજ તે સુપાત્રમાં ખર્ચ્યુ પણ નહિ, તેથી દાન ભોગ રહિત મારા દ્રવ્યનો છેવટે દૈવયોગે વિનાશ થયો; તેમજ વળી કુટુંબનો પણ વિરહ થયો. એટલામાં તત્કાળ કેવળજ્ઞાન પ્રાપ્ત થવાથી સુર-અસુરોએ અલા એક મહર્ષિને દેખી મનમાં ખુશી થઈ તેમને વંદન કરી ધર્મદેશના સાંભળી; પછી જ્ઞાનીને દ્રવ્યવિનાશનું કારણ પૂછવા લાગ્યો. - કેવળી ભગવાને કહ્યું કે ધાતકીખડે ભરતક્ષેત્રમાં બે ભાઈઓ હતા. તેમાં વડો ભાઈ સરળ, ગંભીર અને દાનેશ્વરી હતો. તે સદાય
ला प्रकरण
