Book Title: Pushpmala Prakaran
Author(s): Hemchandrasuri, Karpurvijay, Pradyumnasuri, Kantibhai B Shah
Publisher: Shrutgyan Prasarak Sabha
View full book text
________________
લાગ્યો. નહીં બોલતી એવી તેણીને બોલાવવા માટે તેણીનું મુખ ઊંચું કરે છે તેવામાં પહેલેથી જ જાણે (તે પૂતળીનું) અણલાગેલું મોકળું (છૂટું) માથું ભૂમિ ઉપર પડ્યું. દુર્ગધ છૂટી. રાજા મુખ મચકોડતો “આ શું ” એમ ચિંતવે છે, એવામાં બુદ્ધિસુંદરી પ્રકટ થઈને કહેવા લાગી કે, “જેવી આ તેવી જ હું, દેખાવમાં રમણીક છતાં અંદર વિષ્ટાથી ભરેલી છું.” ઈત્યાદિક કહેવા છતાં રાજા સમજ્યો નહિ, ત્યારે સહસા ગોખથી પડતું મૂકીને તે ભૂમિ ઉપર પડી. તેથી રાજા લજ્જિત થઈ ત્યાં આવીને ઉપચાર કરી તેણીને બહેન કહીને બોલાવી તેણીની ક્ષમા માગી. તેણીના વચનથી પરસ્ત્રીગમન નહિ કરવાનો નિયમ અંગીકાર કર્યો. લોકોમાં ભારે યશ ગવાયો અને અવસરે તે બુદ્ધિસુંદરી દીક્ષા ગ્રહણ કરી સ્વર્ગે ગઈ.
પુરોહિતની પુત્રી ગુણસુંદરીને શ્રાવસ્તીમાં વિપ્રપુત્રની સાથે પરણાવી. સાકેતપુરના કોઈ બીજા વિપ્રપુત્રે ચોરપલ્લીમાંથી ભિલ્લોની ધાડ લાવીને સ્વરૂપવંત હોવાથી તેણીને પલ્લીમાં આણી. કામભોગ માટે જ્યારે તેણીને પ્રાર્થના કરી ત્યારે તેણીએ ચૂર્ણયોગથી પોતાના દેહમાં અતિસાર (ઉપરા ઉપર દસ્ત થાય તેવો રોગ) પેદા કર્યો. અનેક ઉપચાર કર્યા છતાં તે નહિ મટવાથી તેમજ તેણીનું શરીર અશુચિથી ખરડાયેલું જોઈને તે નિર્વેદ (વૈરાગ્ય) પામ્યો. ત્યારે તેનો તેવો શુભ ભાવ જાણીને તેણીએ પ્રતિબોધ આપ્યો. પછી તે વિખે તેણીને શ્રાવસ્તીમાં તેણીની પિતાના ઘરે મૂકી. અન્યદા તે વિપ્રને સર્પ કરડ્યો ત્યારે ઉપચારથી તેને સજ્જ કરી જિનધર્મ અને પરસ્ત્રીગમન નહિ કરવાનો નિયમ પ્રાપ્ત કરાવ્યો. ગુણસુંદરી પોતે પણ વૈરાગ્યથી પ્રવજ્યા અંગીકાર કરી સ્વર્ગે ગઇ..
એવી રીતે એ ચારે સતીઓ શીલના પ્રભાવથી સ્વર્ગસુખ ભોગવી ચંપાપુરીમાં મહેભ્યના ઘરે જુદી જુદી અવતરી. રૂપ
१५८
- श्री पुष्पमाला प्रकरण
