Book Title: Pushpmala Prakaran
Author(s): Hemchandrasuri, Karpurvijay, Pradyumnasuri, Kantibhai B Shah
Publisher: Shrutgyan Prasarak Sabha
View full book text
________________
રાજા પ્રમુખ સર્વ કોઈને રંજિત કરી દીધા. તેથી સિંહરથને રાજ સોંપી પુંડરીક નૃપે દીક્ષા લીધી. સિંહરથ પણ વિનયગુણથી પ્રૌઢ પ્રતિષ્ઠા પામી અંતે દીક્ષા ગ્રહી સર્વાર્થસિદ્ધિ વિમાનમાં દેવ થયો. ત્યાંથી ચ્યવી મહાવિદેહક્ષેત્રમાં અવતરી મોક્ષે જશે.
ધનદરાજપુત્રની કથા (ગાથા-૪૩૨) ધનદ નૃપતિની રાણી પદ્માવતીથી ઉત્પન્ન થયે ભુવનતિલક નામનો પુત્ર મહા સૌભાગ્યશાળી હતો. યશોમતી નામની રાજકન્યાને પરણવા જતાં માર્ગમાં રોગાક્રાન્ત થવાથી અનેક ઉપચાર કરતાં છતાં તે સાજો નહિ થયો. એટલામાં ત્યાં કેવળજ્ઞાની પધાર્યા. વિનયપૂર્વક તેમની પાસે રોગનું કારણ સાંભળતાં જાતિસ્મરણજ્ઞાન પામી વૈરાગ્યથી તે દીક્ષિત થયો. પછી પૂર્વે પોતે કરેલી સાધુ-વિરાધના સંભારી સંભારી સાધુઓની અનેકવિધ ભક્તિ કરતો છતો, દેવતાએ અનેક રીતે ચલાવવા યત કર્યો છતાં, સ્વપ્રતિજ્ઞામાં દઢ રહી, વિશુદ્ધ અધ્યવસાયથી કેવળજ્ઞાન પામી મોક્ષગતિ પામ્યો.
- સુભદ્રા સાધ્વીની કથા (ગાથા-૪૨૫) - એક સાર્થવાહની સુભદ્રા નામે ભાર્યા સંતાન વગરની હોવાથી તે દુઃખથી દીક્ષિત થઈ. ત્યાર બાદ મહા આકરો તપ કરવા લાગી, પરંતુ ગૃહસ્થનાં બાળકો ઉપાશ્રયે આવે છે તેને અનેક રીતે ઉત્સંગ (ખોળા) આદિકમાં સ્થાપી લાડ લડાવે છે. સાધ્વીઓએ વાર્યા છતાં તેથી નિવર્તતી નથી. છેવટે જુદા ઉપાશ્રયમાં રહી, તેવી જ પ્રવૃત્તિથી કાળનિર્ગમન કરી છેવટે તે પાપને આલોચ્યા નિંદ્યા વગર અનશન કરી દેવાંગના થઈ. જો તે કાર્યથી ઓસરી કેવળ શાસ્ત્રનીતિથી જ વર્તી હોત તો તે સાધ્વી મોક્ષે જઈ શકત. આ વાત સાધુજનોને
श्री पुष्पमाला प्रकरण
