Book Title: Pushpmala Prakaran
Author(s): Hemchandrasuri, Karpurvijay, Pradyumnasuri, Kantibhai B Shah
Publisher: Shrutgyan Prasarak Sabha
View full book text
________________
જણાવી. તપાસ કરી ચોરને પકડી તેને શૂળીએ ચડાવ્યો. વેશ્યાને બહુ પશ્ચાત્તાપ થયો. તેથી શૂળી સમીપે જઇ ચોરને નવકારમંત્ર સંભળાવ્યો. તે ત્યાંથી શુભધ્યાને મરી રાજાનો જ પુત્ર થયો. તે નવકારના માહાત્મ્યથી અનુક્રમે રાજ્યઋદ્ધિ પામી દીક્ષા લઈ બહુ સુખી થયો.
હૂંડિક યક્ષની કથા (ગાથા-૪૩૮)
તે હુંડિંક પ્રથમ ચોરી કરી મથુરામાં રહેતો હતો. એકદા કોટવાળે પકડી રાજાના હુકમથી તેને શૂળીએ દીધો. તે વખતે બહુ તૃષાથી પીડિત થયેલા તેણે નજદીકમાં જ જતા જિનદત્ત શ્રાવકને કહ્યું કે, “તમે બહુ દયાળુ છો, તેથી મને જળ આપો.’ ત્યારે શ્રાવકે કહ્યું કે, હું જળ લાવી આપું, ત્યાં સુધી તું નવકારમંત્ર ગણ્યા કર! ચોરે પણ તેમજ કર્યું. એટલામાં જિનદત્ત પાણી લઇને આવ્યો. ચોરને સહાય દેનાર જાણીને તેને પકડી રાજાએ તેને પણ શૂળીએ દેવાનો હુકમ દીધો. તેવામાં પેલો ચોર પણ શુભધ્યાને મરી યક્ષપણે ઉત્પન્ન થયો, અવધિજ્ઞાનથી પોતાના ઉપકારીને સહાય કરવા જલદી આવી સહુને ત્રાસ પમાડી કહ્યું કે તમે આ મહાપુરુષને ઓળખતા નથી ? તેને તમે જલદી છોડી દ્યો, નહિ તો સઉને ચૂરી નાંખીશ. આમ થવાથી તત્કાળ તે યક્ષને પ્રસન્ન કરવા જિનદત્તને ખમાવી રાજાએ વિસર્જન કર્યો. યક્ષે પણ જિનદત્તની ભારે સ્તુતિ કરી. એ સર્વ પ્રભાવ નવકારમંત્રનો જાણવો. નવકારમંત્રના પ્રભાવથી સર્વત્ર કલ્યાણ થાય છે.
ક્ષપકની કથા (ગાથા-૪૬૫)
કુસુમપુરમાં અગ્નિશિખ નામનો ક્ષપકસાધુ ચાતુર્માસ માટે
१८१
- श्री पुष्पमाला प्रकरण
