Book Title: Pushpmala Prakaran
Author(s): Hemchandrasuri, Karpurvijay, Pradyumnasuri, Kantibhai B Shah
Publisher: Shrutgyan Prasarak Sabha
View full book text
________________
પાસે ચારિત્ર લઈ સગતિ પામ્યા, અને તે ચારે પુત્રો ઉક્ત દોષોથી મરણાંત કષ્ટ પામી મરીને દુર્ગતિમાં ગયા. ત્યાંથી અનંત સંસાર ભ્રમણ કરશે તેમજ અનંત દુઃખના ભાગી થશે.
વિધવા પુત્રની કથા (ગાથા-૩૩૮) એક વિધવા માતાનો પુત્ર બાલ્યવયમાં સ્નાન કરી ભીને શરીરે વસ્ત્ર રહિત ઘર બહાર જતાં માર્ગમાં કોઈ વણિની દુકાન પાસે તલના ઢગલામાં અફળાઈ પડ્યો, તેથી ઘણા તલ તેના શરીરે ચોંટી ગયા તે લઈને ઘરે આવી પોતાની માતાને તે વાત જણાવતાં તેણીએ એ વાતમાં ટેકો આપ્યો, પણ નિષેધ કર્યો નહિ; તેથી તે નિરંતર ચોરી કરતાં શીખ્યો. છેવટે તેમાં પકડાઈ જવાથી તેને મોતની શિક્ષા થઈ તે પહેલાં પોતાની માતાને મળવા ઇચ્છા જણાવવાથી પૂરતા જાપતાથી તેને તેની માતા પાસે લઈ જવામાં આવ્યો. માતાની પાસે પોતે છરી માંગી કે તરત તે તેણીએ આપી, એટલે તે જ છરીથી તેણીનાં બંને સ્તન તેણે કાપી નાંખ્યા. લોકોએ તેનું કારણ પૂછતાં તેણે જણાવ્યું કે આ માતા મારી વેરણ થઈ છે, કેમકે જો તેણીએ મને ચોરી કરતાં નિવાર્યો હોત તો મારી આવી દશા થાત નહિ. અવળી શિખામણથી જ મારા બૂરા હાલ થયા છે.
ગુરુ-શિષ્યની કથા (ગાથા-૩૪૫) - એક વખત રાજા અને ગુરુ વચ્ચે એવો સંવાદ થયો કે વિનય ગુણ રાજપુત્રમાં અધિક છે કે સાધુઓમાં અધિક છે? ગુરુ મહારાજે કહ્યું કે તમે તમારા પાટવી કુંવરને ગંગા કઈ મુખી વહે છે?” તેની તપાસ કરી જણાવવા ફરમાવો અને હું એક તરત દીક્ષિત થયેલ શિષ્યને એવી જ રીતે ફરમાવું. ઉભયની પરીક્ષા કરવી એમ નક્કી કરીને રાજપુત્રને અને નવદીક્ષિત શિષ્યને પૃથક્ પૃથક્ એવી ફરમાશ
.. श्री पुष्पमाला प्रकरण
१७५
