Paryushana Kalpsutram

Author(s): Kesharmuni, Buddhisagar Gani
Publisher: Jinduttsuri Gyanbhandar

Page 426

www.kobasrth.org
सुविहितशिरःशेखर-प्राचीनाचार्यपुरन्दरसङ्कलिता प्राकृतपद्यमया
कालकाचाये-कथा
हयपडिणीयपयावो, तित्थुन्नइकारओ कलानिलओ । जयउ जयाणंदयरो, जुगपवरो कालगायरिओ॥१॥ मगहेसु धरावासे, पुरे पुराऽऽसी निवो वयरसीहो। सुरसुंदरत्ति भजा, गुणजुत्तो कालो पुत्तो ॥ २ ॥ धूआ सरस्सई से, कलाकलावेण सरस्सईतुल्ला । कुमरो सुरसमरूवो, कीलइ विविहाहिं कीलाहिं ॥ ३ ॥
अह अन्नदिणे कुमरो, विणिग्गओ वाहवाहणनिमित्तं । चूअवणम्मि गुणधर-गुरूवएसं सुणइ एवं ॥४॥ "यथा चतुर्भिः कनकं परीक्ष्यते,निघर्षण-च्छेदन-ताप-ताडनैः। धर्मस्तथाऽयं विदुषा परीक्ष्यते,श्रुतेन शीलेन तपोदयागुणैः।।" ___ इच्चाइ सोउ कुमरो, पञ्चइओ सरस्सईइ संजुत्तो। लहुकम्माणं जेणं, थेवेण वि होइ वेरग्गं ॥ ६ ॥ अह सो गुणनिवहजुओ, पढिअसुओ पत्तपवरसूरिपओ । गाम-पुर-पट्टणेसुं, विहरइ इअ भासिरो धर्म ॥७॥ दयासमो न हु धम्मो, सुक्खं संतोससरिसय नस्थि । सच्चसरिसं न सोअं, न भूसणं सीलपरितुल्लं ॥ ८॥ अह उजेणि पत्तो, सूरिवरो गुरुअ गच्छपरिअरिओ । बाहिं उज्जाणठिओ, ठावइ धम्मम्मि बहुलोअं॥९॥ अन्नदिणि नमिअ सूरिं, सरस्सई जाव जाइ निअठाणे। ता गद्दहिविजेणं, दप्पणभूवेण अवहरिआ ॥ १० ।। सेणेणं जह चडिआ, हीरिजंती असा सई तेणं । विलवइ करुषं एवं, हारावपरेसु लोएसु ॥ ११ ॥ हा!! भाय ! सुगुरु ! सुअधर !,