Paiavinnankaha Part 01

Author(s): Kastursuri, Somchandrasuri
Publisher: Rander Road Jain Sangh

Page 146

सीलपालणंमि सच्चवईए कहा-४६ 117 पक्कन्नाइं घेत्तूण सव्वजणियधम्मसालाए गया / तत्थ तीए सञ्चवईए सह चोरेहिं भुत्तं / उवसंतखुहापिवासा ते वियारंति-' एईए न किंपि पओयणं सिज्झिस्सइ, तओ कत्थवि एणं विक्केऊण दव्वं गहियव्वं' / तओ तेसिं दुवे चोरा आवणपहमि गया, दोण्णि चोरा तं रक्खंति / सञ्चवई तत्थ थिआ वियारेइ-'एए मं किं करिस्संति ?, एआण इंगियागारेण नज्जइ अवस्सं एए कंमि दुक्खसंकडे मं खिविस्संति' तओ आवडंतिं दुहरिंछोलिं दट्टणं 'पुव्वबद्धकम्माणं एस विवागो' त्ति / जओ उत्तं अवस्सं चिय भोत्तव्वं, कयं कम्मं सुहासुहं / नाभुत्तं झिजए कम्मं, कप्पकोडिसएसु वि / / 2 / / तओ नायजिणधम्मसरूवाए मए समयपत्तं असुहं कम्मं समयाए सहियव्वं ति चित्तं सा थिरीकरेइ / जे दो थेणा चउप्पहे गया, ते आगंतूण कहिंति-एईए चंपानयरीए नायनिउणो विक्कमो नाम राया रज्जं कुणेइ / नयरीए मज्झभागे एगं महाविसालभुवणं रायमंदिरमिव अम्हेहिं दिटुं / पासायस्स अग्गओ एगा ढक्का विज्जइ, ढक्कासमीवे रायमहिसीव सव्वालंकारसज्जिया परिहियसुंदरनेवत्था पोढवयं पत्ता एगा इत्थी वट्टइ / तीए पासंमि गंतूणं पुढेंकस्स इमं भुवणं ?, का तुमं, किमटुं अग्गओ ठक्का ठविया ? / सा वएइ-एईए नयरीए रण्णो वि संमाणणिज्जा एयस्स भव्वभुवणस्स सामिणी कामलया नाम पहाणा गणिगा अहं / सयसो वेसाओ मम आहीणा वटुंति / जारिसाणं तारिसाणं एत्थ पवेसो वि न सिया, जे लक्खेसरा कोडीसरा संति-ते च्चिय पवेसं लहंति, नऽन्ने / / अन्नं च जो कोवि लक्खं दव्वं अप्पित्ता एत्थ पवेढें इच्छेइ, सो इमं महाढक्कं वाइत्ता पविसेइ / एयाए महाढक्काए सद्दो सव्वाए नयरीए सुणिज्जइ / तीए ढक्काए सद्देण जणावि जाणंति-'को वि लक्खं दव्वं अप्पिऊण कामलयावेसाए भुवणे पविट्ठो ' इइ कहित्ता वेसा पुच्छेइ-के तुम्हे ! किमत्थं एत्थ समागया ?, एवं सोच्चा अम्हेहिं कहियं-खत्तिया अम्हे, एगं अच्चतरूववई सुंदरिं विक्केउं एत्थ समागया / एवं सुणिय सा वेसा कहेइ-'जइ सा रूववई सिया, तया मुहमग्गियं धणं अप्पिअ गिहिस्सामि / तओ वयं सिग्घं एत्थ समागया / एवं सोच्चा ते सव्वे निण्णयं किञ्चा केणावि मिसेण सञ्चवइं धेत्तूण वेसाभुवणे आगया / सा कामलया सच्चवई अच्चतरूवसालिणि दट्टणं चोराणं मुहमग्गियं धणं दाऊण गिण्हित्था / चोरावि धणं लद्भूणं सव्वधणं समभागं किच्चा गहिऊण य नियनयरं गया / सच्चवइं अच्चब्भुयरूवेण सयलवेसाण उत्तमं मच्चा सा कामलया वेसा तं वेसाजोग्गभूसाविहूसिअं किञ्चा भुवणस्स उवरियलभूमिभागे ठवेइ / ___ वेसाभुवणगया अणेगकिंकरीगणसेविया लद्धसाउभोयणपाणा वि सञ्चवई वेसावित्तिं धिक्कारेइ, जओ तासु काओ वेसाओ नियसामिणीरंजणसीलाओ, काओ कामकीलाकुसलाओ, काओ परपुरिसदव्वहरणनिउणाओ, काओ छलकवडकलाछेगाओ, काओ परजणपाणहरणपवराओ, काओ मज्जपाणकरावणेण परवंचणपराओ संति। ताओ पासित्ता कहं अहं थीणं अलंकारभूअं सीलं एत्थ वेसाघरंमि रक्खिस्सं ? / सीलरक्खणत्थं पंचपरमिट्ठिपयं निञ्चं झायंती जहसत्तिं तवं कुणंती वासरे नेइत्था / 1. दुःखश्रेणिम् / /