________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
લાગી. પણ હું ફટાક દઈને પથ્થર પર અક્કડ ઊભો રહી ગયો. દેવીને ઊંચકીને મારી પાછળ ઊભી રાખી. ઝંઝાવાત સમ એ આખલો અમારી તરફ ધસ્યો. એની આંખોમાંથી અંગારા ઝરતા હતા.. અડફેટમાં આવે એને લાત મારીને એનાં ચીંથરેચીંથરાં ઉડાડી નાખવા એના મગજની નસેનસ તણાતી હતી. એના મોંમાંથી લાળ ટપકતી હતી. પથ્થર પાસે આવીને એ સહેજ વાર ઊભો રહ્યો. આગળના પગની ખરીથી ખરરર માટી ખોદી અને શિગડાં ઊંચાં કરી ધારદાર બાણની જેમ એકાએક ઊછળ્યો! મેં ક્ષણભર આકાશ સામે મીટ માંડી. વિમલેશ્વર યક્ષ અને ચકેશ્વરી દેવી શ્રી સિદ્ધચક્રને લઈને ઊભાં હતાં. મેં મસ્તક નમાવ્યું.
શ્રી સિદ્ધ તદ્દઉં નમા”િ બોલ્યો અને મયણાને પાછળ ધકેલી દઈ બીજી જ ક્ષણે મેં મારા હાથની મજબૂત પકડમાં આખલાનાં શિંગડાં જ કડી લીધાં! મયણાએ “ઓ સ્વામીનાથ.” એવી ચીસ પાડી તે સંભળાઈ, પછી શું શું થયું તે મને સ્પષ્ટ યાદ નથી. પરંતુ મને ઉલાળી મારવા જેમ જેમ એ પહેલવાન આખલો જોરદાર ઝીંક મારતો હતો તેમ તેમ બંને હાથની પકડ એનાં શિંગડાંને જોરદાર ભીંસમાં લેતી હતી. મને લાગ્યું કે મારું શરીર જાણે અગ્નિમાં શેકાઈને રથચક્રના લોહની જેમ તપી ગયું છે! પછી મયણા ક્યાં હતી, લલિતા ક્યાં હતી... એની મને સહેજે ખબર ન હતી.
હું જાગ્યો ત્યારે મેદાનમાં પડ્યો હતો. મારું મસ્તક મયણાના ખોળામાં હતું. બાજુમાં સુભાષકાકા અને બધા જ ૭૦૦ સાથીદારો ઊભા હતા. આખલાના માલિકના હાથમાં આખલાની રાશ હતી. થોડી વાર પહેલાં લાલઘૂમ ડોળા ફાડીને ઊછળતો આખલો અત્યારે થાકીને હાંફતો હતો. એના મોંમાંથી ફીણ નીકળતું હતું.
મેં આંખો ખોલીને જોયું. મયણા એકીટસે મને જોઈ રહી હતી. એના મુખ પર હાસ્યની લહેર ચમકતી હતી.
મને એકાએક રાજસભા યાદ આવી! મને વિચાર આવ્યો કે એકાએક મારા દેહમાં આટલી વિરાટ શક્તિ ક્યાંથી આવી? અને બીજી જ ક્ષણે એ
ક્યાં ચાલી ગઈ? હું તરત બેઠો થયો. મને ક્યાં વાગ્યું છે એ જોવા મારા શરીરને તપાસ્યું. દેહ પર એક નાનો ઉઝરડો પણ ન હતો. હું ઊભો થયો. પાસે ઊભેલા આખલા પર એક ચમચમાવીને થપાટ મારી. એનાં રૂંવાડાં ભયથી થથરી ઊઠ્યાં! પૂંછડાને સંકોરતો મારી પાસેથી ભાગ્યો.
મયણ
૨૪૩
For Private And Personal Use Only
