________________
શોભનાનું શરીર પણ એક લાખ સોના મહોરના મૂલ્યવાળા ઘરેણાથી શોભિત હતું. પ્રભુ ભક્તિની
આ અદ્ભુત છટા જોઈ તેનું હૃદય પણ પીગળી ગયું અને તે બોલી - અરે શેઠાણીજી ! જો આપને ઘરેણાની નથી પડી તો મારે પણ નથી જોઈતા આ ઘરેણા.’ એવું કહેતા તેણે પણ તેના બધા આભૂષણ પ્રભુના ચરણોમાં સમર્પિત કરી દીધા.
મંદિરના એક ખૂણામાં ઊભા રહી આ ભક્તિને જોઈ રહ્યા હતા ધાઈદેવ શ્રાવક જે દેવગિરિથી યાત્રા કરવા આવ્યા હતા. અલંકારપૂજાની આ સ્પર્ધા જોઈ તેમનાથી પણ રહેવાયું નહીં. એમની પાસે હીરા, મોતી, માણેક, પરવાળા તથા સોનાના ફૂલ વગેરે જે કંઈ પણ હતું તેનાથી પ્રભુની આંગી રચી અને નવ લાખ ચંપાના ફૂલોથી પ્રભુની પુષ્પપૂજા કરી.
વાહ ! અનુપમા ! વાહ ! શાબાશ ! ધન્ય છે તને ! તું ઘરેણા ઉતારી પણ શકે છે અને બીજાના ઉતરાવી પણ શકે છે. વાહ ! લલિતાદેવી ! વાહ ! દેરાણીના કદમો ૫૨ ચાલી તે પણ કમાલ કરી દીધું ! અને દાસી શોભના ! તારા હૃદયને પણ નમસ્કાર છે ! તારું આ સમર્પણ ક્યારેય ભૂલાશે નહીં.
ન
ઓ મહામાત્ય વસ્તુપાલ અને તેજપાલ ! આપ પણ ધન્ય છો ! પ્રિયતમાઓએ લાખોના ઘરેણાં ન્યોછાવર કરી દીધા છતાં પણ તેમને ન વઢ્યા, ન ફટકાર્યા, ન ધમકાવ્યા ! અરે, ઉપરથી આનંદિત થઈ પ્રભુ ભક્તિની અનુમોદના કરી. જો દિલમાં પ્રભુ ન વસ્યા હોય તો આવી ઉદારતા આવે ક્યાંથી ? વંદન છે આપની ઉદારતાને ! નમન છે આપના ભક્તિભર્યા હૃદયને !
અનુપમા, લલિતા અને શોભનાએ જેટલી કિંમતના અલંકાર ભગવાનને ચઢાવ્યા, તેનાથી અધિક કિંમતના ઘરેણાં વસ્તુપાલ મંત્રીએ બધાને ફરીથી બનાવી આપ્યા.
બાપથી બેટો સવાયો
પરમાત્મા મહાવીર સ્વામીના પરમ ભક્ત મગધ સમ્રાટ શ્રેણિક હતા. તે પરમાત્માની અનેકગણી ઉપસ્થિતિમાં જેટલી અમારી પ્રવર્તન ન કરાવી શક્યા એનાથી પણ અનેકગણી વધારે અમારી પ્રવર્તન ૫૨માત્માની સર્વથા અનુપસ્થિતિમાં અઢાર-અઢાર દેશોમાં કરાવવાનો સફળ પુરૂષાર્થ કરવા વાળા એવા કુમારપાળ રાજા હતા તેમના એક માત્ર પુત્ર હતા - નૃપદેવસિંહ.
ફળના આધાર પર જે રીતે બીજનું નિર્માણ કરવામાં આવે છે, તે જ રીતે પિતાના સંસ્કાર જોઈ પુત્રના સંસ્કારોનો નિર્ણય કરવામાં આવે છે. આ વાત નૃપદેવસિંહના જીવનથી પ્રત્યક્ષ ઝલકાય છે. પિતાની જેમ નૃપદેવસિંહ પણ જીવદયાના વિષયમાં કટ્ટર હતા. એમના પિતાની પ્રભુભક્તિ ગજબની હતી. તો એમની પ્રભુભક્તિમાં પણ કોઈ કમી ન હતી. બધા લોકો નૃપદેવસિંહને જિનશાસન પ્રભાવકની નજરથી જોતા હતા.
5
