________________
પણ લજ્જિત થવું પડે છે. મંત્રીશ્વર વસ્તુપાલ-તેજપાલે એમના જીવનમાં કુલ ૫૦૦૦ જિનાલયોના નિર્માણ કરાવ્યા અને સવા લાખ જિનબિંબ ભરાવ્યા.
એક ભાઈ તે હતો જેણે મૃત્યુની શય્યા પર પડેલા હોવા છતાં પોતાની અંતિમ ઈચ્છાના રૂપમાં જિન મંદિર બનાવવાની ભાવના પ્રગટ કરી અને એક ભાઈ તે હતો જેણે પોતાના ભાઈની ઈચ્છા પૂર્ણ કરવા માટે પોતાના દિવસરાત એક કરી દીધા. બંને ભાઈઓની શુભ ભાવના જોઈ મન કહી ઉઠે છે કે – “ભાઈ હોય તો આવો.’
પ્રભુ ભક્તિની હોડ
મહામાત્ય વસ્તુપાલ અને તેજપાલની બંધુ-જોડીએ પોતાની ધર્મપત્ની લલિતાદેવી તથા અનુપમાદેવીની સાથે સાત લાખ યાત્રિકો સહિત ગિરનારજીનો છઃરી પાલિત સંઘ કાઢ્યો. થોડા દિવસોમાં શ્રીસંઘ આબાલબ્રહ્મચારી દેવાધિદેવ શ્રી નેમિનાથ પ્રભુના ચરણારવિંદમાં પહોંચી ગયો.
પ્રવેશના દિવસે મહાદેવી અનુપમાના શરીર પર કુલ બત્રીસ લાખ સોના મહોરોના આભૂષણ શોભિત થઈ રહ્યા હતા. જિનપૂજા કરતા-કરતા અનુપમાના હૃદયમાં પ્રભુના પ્રત્યે એવી ભાવના આવી કે હું મારા સર્વ અલંકાર પ્રભુના ચરણોમાં ચઢાવી દઉં. એણે એકસાથે સર્વ અલંકાર ઉતારી જળથી શુદ્ધ કરી પ્રભુના ચરણોમાં રાખી દીધા. તે જ સમયે એક કરોડ પુષ્પોથી પરમાત્માની પૂજા કરીને બહાર નીકળેલા તેજપાલે અનુપમાની ભક્તિથી ખુશ થઈ બત્રીસ લાખ સોનામહોર ખર્ચી અનુપમાને સર્વ આભૂષણ નવા બનાવી દેવાનું વચન આપ્યું. થોડા જ સમયમાં સર્વ અલંકાર તેમણે બનાવી દીધા. એકદમ નિરાલંકાર બનેલી અનુપમાદેવી પુનઃ સાલંકાર બની શોભિત થવા લાગી.
ગિરનારની યાત્રા પૂર્ણ કરી બધા યુગાદિદેવ શ્રી આદિનાથના દર્શન ક૨વા શત્રુંજયની તરફ ચાલ્યા. ચાલતા – ચાલતા એક દિવસ બધા પાલિતાણા નગરમાં આવી પહોંચ્યા. સવારે ગિરિરાજ પર ચઢ્યા. ત્યાં નાહી-ધોઈ પૂજન સામગ્રી લઈ બધા રંગમંડપમાં આવી પહોંચ્યા. જેમ જેમ પૂજાનો સમય નજીક આવતો ગયો, મહાદેવી અનુપમા તેમના હૃદય પર કાબૂ ન રાખી શકી. “હે પ્રભુ ! હે નાથ ! એ તો બતાવ, તારાથી અધિક દુનિયામાં બીજું કોણ છે ? મારા વ્હાલા પ્રભુ ! તું જ મારા માટે સર્વસ્વ છે. મારું જે કંઈ છે એ તારું જ છે.' અનુપમા બોલતી ગઈ અને ગળાનો હાર, કાનની બુટ્ટી, બંગડી, કંગન, કડા, કુંડલ, વીંટીઓ અને સોનાનું કટિસૂત્ર વગેરે અલંકાર ઉતારી ક્ષણભરમાં તો બત્રીસ લાખ સોના મહોરોના નવા ઘરેણા પણ પ્રભુ ચરણોમાં સમર્પિત કરી દીધા.
દેવરાણીનાં ભક્તિભાવ જોઈ જેઠાણી લલિતાદેવીનું હૃદય પણ દ્રવી ઉઠ્યું. તે પણ ઘરેણા ઉતારવા લાગી. જોતજોતામાં જ તેણે પણ બત્રીસ લાખના આભૂષણ પ્રભુના ચરણોમાં સમર્પિત કરી દીધા. દેરાણી-જેઠાણીની આ આભૂષણ પૂજા જોઈ રહી હતી... ઘરની દાસી. એનું નામ હતું શોભના.
