Gurugunshat Trinshtshatrinshika Kulak

Author(s): Hemchandrasuri
Publisher: Sanghvi Ambalal Ratanchand Jain Dharmik Trust

Page 242

विउलं वत्थुविसेसं, नाणं तग्गाहिणी मई विउला। चिंतियमणुसरइ घडं, पसंगओ पज्जवसएहिं॥५॥'
(प्रवचनसारोद्धारः १४९६-१५००) 'अइसयचरणसमत्था, जंघाविजाहिँ चारणा मुणओ। जंघाइ जाइ पढमो, निस्सं काउं रविकरेवि॥६॥ एगुप्पाएण गओ, रुअगवरम्मी तओ पडिनियत्तो।
बीएणं नंदीसरमेइ इहं तइयएण पुणो॥७॥' ऊर्ध्वम् – 'पढमेण पंडगवणं, बीउप्याएण नंदणं एइ। तइउप्पाएण तओ, इह जंघाचारणो एइ॥८॥ पढमेण माणुसोत्तर-नगंमि नंदीसरं तु बीएणं। एइ तओ तइएणं, कयचेइयवंदणो इहयं॥९॥ पढमेण नंदणवणं, बीउप्पाएण पंडगवणंमि। एइ इहं तइएणं, जो विजाचारणो होइ॥१०॥'
(प्रवचनसारोद्धारः ५९७-६०१) 'आसीविसा उ दुविहा, जाइकम्मेहिँ तत्थ पढमिल्ला। सप्पाई बीया पुण, मुणिणो खलु निग्गहसमत्था॥११॥ केवलिगणपुव्वधरा-ऽरिहंतबलवासुदेवचक्कित्ति। सत्त महालद्धीओ, पाएणं सुप्पसिद्धाओ॥१२॥' 'खीरमहुसप्पिसाओ-वमाणवयणा तयासवा हुंति। कुट्ठयधन्नसुनिच्चल-सुत्तत्था कुट्टबुद्धी य॥१३॥ जो सुत्तपएण बहुं, सुअमणुधावइ पयाणुसारी सो। जो अत्थपएणऽत्थं, अणुसरइ स बीयबुद्धीओ॥१४॥'
(प्रवचनसारोद्धारः १५०२-१५०३) ‘चत्तारि अ वाराओ, चउदसपुव्वी करेइ आहारं ।
संसारंमि वसंतो, एगभवे दुन्नि वाराओ॥१५॥ अष्टाविंशतिलब्धयः
..२२७...