Death Before During and After Kannada

Author(s): Dada Bhagwan
Publisher: Dada Bhagwan Aradhana Trust

Page 8

ಯಾವ ಲೋಕಾಭಿಪ್ರಾಯಗಳಿವೆಯೋ, ಅದು ಶ್ರಾದ್ಧವಾಗಿರಬಹುದು, ಅವಶೇಷಗಳು, ಬ್ರಾಹ್ಮಣರಿಗೆ ಭೋಜನ, ದಾನ, ಗರುಡಪುರಾಣ ಮತ್ತು ಇನ್ನಿತರೇ ಆಚರಣೆಗಳಲ್ಲಿನ ಸತ್ಯತೆ ಎಷ್ಟಿದೆ? ಮರಣ ಹೊಂದಿರುವವರಿಗೆ ಏನೇನು ತಲುಪುತ್ತದೆ? ಇವೆಲ್ಲವನ್ನೂ ಮಾಡಬೇಕೋ ಬೇಡವೋ? ಮೃತ್ಯುವಿನ ನಂತರದ ಗತಿ, ಸ್ಥಿತಿ ಹಾಗು ಇನ್ನು ಅನೇಕ ವಿಚಾರಗಳ ಬಗ್ಗೆ ಇಲ್ಲಿ ಸ್ಪಷ್ಟವಾಗಿ ತಿಳಿಯಬಹುದಾಗಿದೆ.
ಭಯಭೀತಿಗೆ ಒಳಪಡಿಸುವಂತಹ ಮೃತ್ಯುವಿನ ರಹಸ್ಯವನ್ನು ತೆರೆದಿಡುವುದರಿಂದ ಮನುಷ್ಯನಿಗೆ, ಜೀವಿತಕಾಲದಲ್ಲಿನ ವ್ಯವಹಾರಗಳಲ್ಲಿ ಅಂತಹ ಪರಿಸ್ಥಿತಿ ಎದುರಾದಾಗ ಈ ತಿಳುವಳಿಕೆಯು ಅವನಿಗೆ ಖಂಡಿತವಾಗಿ ಸಾಂತ್ವನವನ್ನು ನೀಡುತ್ತದೆ.
'ಜ್ಞಾನಿ ಪುರುಷರು' ಮಾತ್ರ ಈ ದೇಹದಿಂದ, ದೇಹದ ಎಲ್ಲಾ ಅವಸ್ಥೆಗಳಿಂದ, ಹುಟ್ಟಿನಿಂದ ಹಾಗೂ ಮೃತ್ಯುವಿನಿಂದ ಸಂಪೂರ್ಣ ಪ್ರತ್ಯೇಕವಾಗಿ ಇದ್ದು, ನಿರಂತರವಾಗಿ ಇವೆಲ್ಲದರ ಜ್ಞಾತಾ-ದೃಷ್ಟಾ (ನೋಡುವವ-ತಿಳಿಯುವವರಾಗಿ) ಇರುತ್ತಾರೆ. ಅಲ್ಲದೆ, ಅವರು ಆಜನ್ಮ-ಅಮರ ಆತ್ಮನ ಅನುಭವದ ದೃಷ್ಟಿಯಿಂದ ವ್ಯವಹರಿಸುತ್ತಾರೆ! ಜೀವನದ ಪೂರ್ವದಲ್ಲಿ, ಜೀವನದ ನಂತರದಲ್ಲಿ ಹಾಗೂ ದೇಹದ ಅಂತಿಮ ಅವಸ್ಥೆಯಲ್ಲಿ, ಅಜನ್ಮವೂ-ಅಮರವೂ ಆಗಿರುವಂತಹ ಆತ್ಮದ ವಾಸ್ತವಿಕತೆ ಏನಿದೆ? ಎನ್ನುವುದನ್ನು, ಜ್ಞಾನಿ ಪುರುಷರು ಜ್ಞಾನದ ದೃಷ್ಟಿಯಿಂದ ತಿಳಿದು, ಅದನ್ನು ವ್ಯಕ್ತಪಡಿಸುತ್ತಾರೆ.
ಆತ್ಮವಂತೂ ಸದಾ ಕಾಲವು ಜನನ-ಮರಣದಿಂದ ಹೊರಗೆಯೇ ಉಳಿದಿರುವುದಾಗಿದೆ, ಅದಂತೂ ಕೇವಲಜ್ಞಾನ ಸ್ವರೂಪವೇ ಆಗಿದೆ. ಕೇವಲ ಜ್ಞಾತಾ-ದೃಷ್ಟವೇ ಆಗಿದೆ. ಜನನಮರಣವು ಆತ್ಮಕ್ಕೆ ಅಲ್ಲವೇ ಅಲ್ಲ! ಆದರೆ, ಬುದ್ಧಿಜ್ಞಾನದಿಂದ ಜನನ-ಮರಣದ ಪರಂಪರೆಯು ನಡೆಯುತ್ತಲೇ ಇರುತ್ತದೆ, ಎನ್ನುವುದು ಜನರ ಅನುಭವವಾಗಿದೆ. ಹಾಗಾಗಿ ಸ್ವಾಭಾವಿಕವಾಗಿ ಪ್ರಶ್ನೆ ಉದ್ಭವಿಸುತ್ತದೆ, ಈ ಜನ್ಮ-ಮರಣವು ಯಾವ ರೀತಿಯಿಂದ ನಡೆಯುತ್ತದೆ? ಎಂದು. ಮೃತ್ಯು ಸಮಯದಲ್ಲಿ ಆತ್ಮದ ಜೊತೆ-ಜೊತೆಯಲ್ಲಿ ಯಾವ ಯಾವ ವಸ್ತುಗಳು ಸೇರಿಕೊಂಡಿರುತ್ತವೆ, ನಂತರ ಅವುಗಗಳೆಲ್ಲಾ ಏನಾಗುತ್ತವೆ? ಪುನರ್ಜನ್ಮ ಯಾರಿಗಾಗುತ್ತದೆ? ಯಾವ ರೀತಿಯಲ್ಲಿ ಆಗುತ್ತದೆ? ಬರುವವರು-ಹೋಗುವವರು ಯಾರು? ಕರ್ತನಿಂದಾಗಿ ಕಾರಣ ಹಾಗೂ ಕಾರಣದಿಂದಾಗಿ ಕಾರ್ಯದ ಪರಂಪರೆಯನ್ನು ಯಾವ ರೀತಿಯಿಂದ ರಚಿಸಲಾಗಿದೆ? ಅದನ್ನು ಯಾವ ರೀತಿಯಿಂದ ಸ್ಥಗಿತಗೊಳಿಸಬಹುದು? ಆಯುಷ್ಯದ ಬಂಧನವು ಯಾವ ರೀತಿಯಿಂದ ಕಟ್ಟಿಕೊಳ್ಳುತ್ತದೆ? ಆಯುಷ್ಯವು ಯಾವುದರ ಆಧಾರದಿಂದಾಗಿದೆ? ಇಂತಹ ಹಲವಾರು ಸನಾತನ ಪ್ರಶ್ನೆಗಳಿಗೆ ನಿಖರವಾದ, ಸಮಾಧಾನಕರವಾದ ವೈಜ್ಞಾನಿಕ ತಿಳುವಳಿಕೆಯನ್ನು ಜ್ಞಾನಿ ಪುರುಷರ ವಿನಃ ಬೇರೆ ಯಾರಾದರೂ ನೀಡಲು ಶಕ್ಯರಿರುವರೇ?