________________
ಮೃತ್ಯು ಸಮಯದಲ್ಲಿ ಒಂದು ಸಲ ಈ ಮೊದಲು ನಿಮ್ಮಿಂದ ದುಃಖವನ್ನು ಕೊಡಲಾಗಿರುತ್ತದೆ, ಅದರ ಪ್ರತಿಕ್ರಮಣವನ್ನು ನೀವು ಮಾಡಬೇಕು. ಸಂಖ್ಯಾತ ಹಾಗೂ ಅಸಂಖ್ಯಾತ ಜನ್ಮಗಳಲ್ಲಿ ಯಾವ ರಾಗ-ದ್ವೇಷಗಳನ್ನು, ವಿಷಯ, ಕಷಾಯದಿಂದ ದೋಷಗಳನ್ನು ಮಾಡಲಾಗಿತ್ತೋ, ಅವುಗಳಿಗೆ ಕ್ಷಮೆಯಾಚಿಸಬೇಕು. ಹೀಗೆ ದಿನವೂ ಒಬ್ಬೊಬ ವ್ಯಕ್ತಿಯ ಬಗ್ಗೆ, ಹಾಗೆಯೇ ಮನೆಯಲ್ಲಿರುವ ಪ್ರತಿಯೊಬ್ಬ ವ್ಯಕ್ತಿಯ ಬಗ್ಗೆ ಪ್ರತಿಕ್ರಮಣ ಮಾಡಬೇಕು. ನಂತರ ಅಕ್ಕಪಕ್ಕದವರನ್ನು, ನೆರೆ-ಹೊರೆಯವರನ್ನು ಎಲ್ಲರನ್ನೂ ಗಣನೆಗೆ ತೆಗೆದುಕೊಂಡು, ಉಪಯೋಗ ಪೂರ್ವಕವಾಗಿ ಈ ಕೆಲಸವನ್ನು ಮಾಡಬೇಕು. ನೀವು ಹೀಗೆ ಮಾಡಿದಾಗ, ಭಾರವು ಕಡಿಮೆಯಾಗುತ್ತದೆ. ಹೀಗೆ ಮಾಡದೇ ಹೋದರೆ, ತನ್ನಷ್ಟಕ್ಕೆ ಹಗುರವಾಗಲು ಸಾಧ್ಯವಿಲ್ಲ.
ನಾವು ಇಡೀ ಜಗತ್ತಿನೊಂದಿಗೆ ಈ ರೀತಿಯಲ್ಲಿ ನಿವಾರಣೆಯನ್ನು ಮಾಡಿಕೊಂಡಿದ್ದೇವೆ. ಹೀಗೆ ಮೊದಲು ನಿವಾರಣೆಯನ್ನು ಮಾಡಿಕೊಂಡ ಬಳಿಕವೇ ನಮಗೆ ಆ ದೋಷಗಳಿಂದ ಬಿಡಿಸಿಕೊಳ್ಳಲು ಸಾಧ್ಯವಾಯಿತು. ಎಲ್ಲಿಯವರೆಗೆ ನಮ್ಮ ದೋಷಗಳು ನಿಮ್ಮ ಮನಸ್ಸಿನಲ್ಲಿ ಇರುತ್ತವೆ, ಅಲ್ಲಿಯವರೆಗೆ ನಮಗೆ ನೆಮ್ಮದಿಯಾಗಿರಲು ಬಿಡುವುದಿಲ್ಲ! ಹಾಗಾಗಿ ನಾವು ಹೇಗೆ ಪ್ರತಿಕ್ರಮಣ ಮಾಡುತ್ತೇವೆಂದರೆ, ಆಗಿಂದಾಗಲೇ ಎಲ್ಲವೂ ಅಳಿದುಹೋಗುವುದು.
ಮೃತ್ಯು ಹೊಂದಿದವರ ಪ್ರತಿಕ್ರಮಣ!
ಪ್ರಶ್ಯಕರ್ತ: ಯಾರಿಂದ ಕ್ಷಮೆ ಕೇಳಬೇಕಿರುತ್ತದೆಯೋ ಆ ವ್ಯಕ್ತಿಯ ದೇಹಾಂತವಾಗಿಬಿಟ್ಟಿದ್ದರೆ, ಆಗ ಯಾವ ರೀತಿಯಲ್ಲಿ ಪ್ರತಿಕ್ರಮಣ ಮಾಡಬೇಕು?
ದಾದಾಶ್ರೀ: ದೇಹಾಂತವಾಗಿದ್ದರೆ, ಆಗಲೂ ನಮ್ಮಲ್ಲಿ ಅವರ ಭಾವಚಿತ್ರ ಇರುತ್ತದೆ, ಅವರ ಮುಖ ನೆನಪಿರುತ್ತದೆ, ಅವರನ್ನು ನೆನಪಿಸಿಕೊಂಡು ಮಾಡಬಹುದು. ಮುಖ ನೆನಪಿಗೆ ಬಾರದೆ ಹೋದರೆ, ಅವರ ಹೆಸರು ತಿಳಿದಿರುತ್ತದೆ ಆಗ ಅವರ ಹೆಸರಿನಲ್ಲಿ ಮಾಡಬಹುದು, ಇದೆಲ್ಲಾ ಅವರಿಗೆ ಹೋಗಿ ತಲುಪುತ್ತದೆ.
ಪ್ರಶ್ನೆಕರ್ತ: ಮರಣ ಹೊಂದಿದ ವ್ಯಕ್ತಿಗಾಗಿ ಪ್ರತಿಕ್ರಮಣವನ್ನು ಯಾವ ರೀತಿಯಲ್ಲಿ ಮಾಡಬೇಕು? ದಾದಾಶ್ರೀ: ಮನಸ್ಸು-ವಚನ-ಕಾಯ, ಭಾವಕರ್ಮ-ದ್ರವ್ಯಕರ್ಮ-ನೊಕರ್ಮ, ಮೃತರ ಹೆಸರು ಹಾಗೂ ಅವರ ಹೆಸರಿನ ಎಲ್ಲಾ ಮಾಯೆಯಿಂದ ಭಿನ್ನವಾಗಿರುವ ಅವರ ಶುದ್ಧಾತ್ಮನನ್ನು ಜ್ಞಾಪಿಸಿಕೊಂಡು, 'ಇಂತಹ ದೋಷವು ಆಗಿತ್ತು' ಎಂದು ನೆನಪು (ಆಲೋಚನೆ) ಮಾಡಿಕೊಂಡು, ಆ ದೋಷಕ್ಕಾಗಿ ನನಗೆ ಈಗ ಪಶ್ಚಾತ್ತಾಪವಾಗುತ್ತಿದೆ ಹಾಗೂ ಅದಕ್ಕಾಗಿ ನನ್ನನ್ನು ಕ್ಷಮಿಸಿ,
