________________
ಮೃತ್ಯು ಸಮಯದಲ್ಲಿ | ಪ್ರಶ್ಯಕರ್ತ: ನೆನಪಿಸಿ ಕೊಳ್ಳುವುದಕ್ಕಾಗಿಯೇ ಈ ಕ್ರಿಯೆಗಳನ್ನೆಲ್ಲಾ ಮಾಡಿರುವುದಲ್ಲವೇ?
ದಾದಾಶ್ರೀ: ಇಲ್ಲ. ನೆನಪಿಸಿಕೊಳ್ಳುವುದಕ್ಕಾಗಿ ಅಲ್ಲ. ಈ ನಮ್ಮ ಜನರು ಮೊದಲಿನಿಂದ ದಾನ ಧರ್ಮಗಳಿಗೆ ನಾಲ್ಕು ಆಣೆ ಕೂಡಾ ಖರ್ಚು ಮಾಡದೇ ಇರುವಂಥವರು. ಹಾಗಾಗಿ ಅವರಿಗೆ ತಿಳುವಳಿಕೆ ನೀಡಬೇಕಾಗಿ ಬಂತು ಏನೆಂದರೆ, ನಿನ್ನ ಪಿತಾಶ್ರೀಯವರ ನಿಧನವಾಗಿದೆ ಹಾಗಾಗಿ ಏನಾದರೂ ಕಾರ್ಯದಲ್ಲಿ ಖರ್ಚು ಮಾಡು, ಪೂಜೆ, ಪುನಸ್ಕಾರ ಏನಾದರು ಮಾಡಿಸು. ಅದು ನಿನ್ನ ಪಿತಾಶ್ರೀಗೆ ತಲುಪುತ್ತದೆ. ಹೀಗೆ ಲೋಕದ ಜನರು ಒತ್ತಾಯ ಮಾಡಿ ಅವನಿಗೆ ಬೈದು, ಬುದ್ದಿ ಹೇಳಿ, 'ಏನಾದರು ಮಾಡು ತಂದೆ ನಿನಗೆ ಒಳ್ಳೆಯದನ್ನು ಮಾಡುತ್ತಾರೆ! ಶ್ರಾದ್ಧ ಮಾಡಿಸು! ಏನಾದರೂ ಒಳ್ಳೆಯದನ್ನು ಮಾಡು!' ಎಂದು ಹೇಳಿ ಅವನಿಂದ ಧರ್ಮದಾನದ ಹೆಸರಿನಲ್ಲಿ ಇನ್ನೂರು-ನಾಲ್ಕುನೂರು ಖರ್ಚು ಮಾಡಿಸುತ್ತಿದ್ದರು. ಇದರಿಂದಾಗಿ ದಾನ ಧರ್ಮದ ಫಲವು ಪ್ರಾಪ್ತಿಯಾಗುತಿತ್ತು. ತಂದೆಯ ಹೆಸರಿನಲ್ಲಿ ಮಾಡುವುದರಿಂದ ಅದರ ಫಲವು ದೊರೆಯುತಿತ್ತು. ಅಲ್ಲಿ ತಂದೆಯ ಹೆಸರನ್ನು ಹೇಳದೆ ಹೋಗಿದ್ದರೆ, ಆಗ ಯಾರೂ ಕೂಡಾ ನಾಲ್ಕು ಆಣೆಯನ್ನೂ ಖರ್ಚು ಮಾಡುತ್ತಿರಲಿಲ್ಲ. ಹಾಗಾಗಿ ಇದೆಲ್ಲವೂ ಅಂಧಶ್ರದ್ದೆಯ ಮೇಲೆಯೇ ನಡೆದುಕೊಂಡು ಬರುತ್ತಿದೆ. ನಿಮಗೆ ಅರ್ಥವಾಯಿತ್ತಲ್ಲವೇ? ತಿಳಿಯಲಿಲ್ಲವೇ?
ಈ ವ್ರತ-ಉಪವಾಸ ಮಾಡುವುದೆಲ್ಲಾ ಆಯುರ್ವೇದದ ದೃಷ್ಟಿಯಿಂದಾಗಿದೆ, ಅದು ಆಯುರ್ವೇದದ ವಿಷಯವಾಗಿದೆ. ವ್ರತ-ಉಪವಾಸ ಮಾಡುವುದರಿಂದ ಏನೆಲ್ಲಾ ಲಾಭವಿದೆ ಎನ್ನುವುದರ ವಿವರಣೆಯನ್ನು ಆಯುರ್ವೇದದಲ್ಲಿ ಮಾಡಲಾಗಿದೆ. ಹಿಂದಿನವರು ಈ ರೀತಿಯಿಂದ ನಿಯೋಜಿಸಿರುವುದು ಒಳ್ಳೆಯದೇ ಆಗಿದೆ. ಈ ಮೂರ್ಖ ಮನುಷ್ಯರಿಗೂ ಕೂಡ ಲಾಭವಾಗಲಿ ಎಂದೇ, ಈ ಎಂಟನೇ ದಿನದ, ಹನ್ನೊಂದನೇ ದಿನದ, ಐದನೇ ದಿನದ ಆಚರಣೆ ಎಂದೆಲ್ಲಾ ಮಾಡಿರುವುದು ಹಾಗೂ ಅದೇ ಈ ಶ್ರಾದ್ಧವಾಗಿದೆ! ಹಾಗಾಗಿ ಈ ಶ್ರಾದ್ಧವು ಕೂಡಾ ಬಹಳ ಒಳ್ಳೆಯದಕ್ಕಾಗಿಯೇ ಕಾರ್ಯವನ್ನು ಮಾಡುವುದಾಗಿದೆ.
ಪ್ರಶ್ಯಕರ್ತ: ದಾದಾ, ಇನ್ನು ಈ ಊಟ ಹಾಕುವುದು ಇದರ ಅರ್ಥವೇನು? ಅದನ್ನು ಕೂಡಾ ಅಜ್ಞಾನವೆಂದು ಹೇಳಬಹುದೇ?
ದಾದಾಶ್ರೀ: ಹಾಗಲ್ಲ, ಅದು ಅಜ್ಞಾನವಲ್ಲ. ಅದೊಂದು ಪದ್ಧತಿ ಜನರು ರೂಢಿಸಿಕೊಂಡಿದ್ದಾರೆ, ಆ ರೀತಿಯಲ್ಲಿ ಶ್ರಾದ್ಧವನ್ನು ಮಾಡುತ್ತಾರೆ. ನಮ್ಮಲ್ಲಿ ಈ ಶ್ರಾದ್ಧವನ್ನು ಮಾಡುವುದರ ಹಿಂದೆ ಬಹು ದೊಡ್ಡ ಇತಿಹಾಸವೇ ಇದೆ. ಇದನ್ನು ನಡೆಸಿಕೊಂಡು ಬರಲು ಏನು ಕಾರಣ? ಈ ಶ್ರಾದ್ಧವು ಯಾವಾಗಲಿಂದ ಪ್ರಾರಂಭವಾಗುತ್ತದೆ? ಭಾದ್ರಪದ ಶುದ್ಧ ಹುಣ್ಣಿಮೆಯಿಂದ ಪ್ರಾರಂಭವಾಗಿ
