________________
35
ಮೃತ್ಯು ಸಮಯದಲ್ಲಿ ಪ್ರಶ್ಯಕರ್ತ: ಹೌದು, ಈ ಮಾತು ಸತ್ಯವಾಗಿದೆ. ಆದರೆ, ಪೂರ್ವಜನ್ಮದಲ್ಲಿ ಅಂಥದ್ದೇನೋ ಆಗಿರುವುದರಿಂದಾಗಿ ಈ ಜನ್ಮದೊಂದಿಗೆ ಸಂಬಂಧವಿರುತ್ತದೆ ನಿಜವೇ?
ದಾದಾಶ್ರೀ: ಬಹಳಷ್ಟು ಸಂಬಂಧವಿದೆ, ಗರಿಷ್ಠ ಮಟ್ಟದಲ್ಲಿ! ಪೂರ್ವಜನ್ಮದಲ್ಲಿ ಬೀಜವು ಬೀಳುತ್ತದೆ ಹಾಗೂ ಈಗಿನ ಜನ್ಮದಲ್ಲಿ ಫಲ ಕೊಡುತ್ತದೆ. ಆದುದರಿಂದಲೇ, ಈ ಬೀಜದಲ್ಲಿ ಅಥವಾ ಫಲದಲ್ಲಿ ವ್ಯತ್ಯಾಸವಿರುವುದಿಲ್ಲವಲ್ಲ? ಸಂಬಂಧವು ನಿಜ, ಹೌದೋ ಅಲ್ಲವೋ? ನಾವು ರಾಗಿಯ ಕಾಳನ್ನು ಬಿತ್ತಿದ್ದು ಪೂರ್ವಜನ್ಮದಲ್ಲಿ ಮತ್ತು ತೆನೆ ಬಂದಿದ್ದು ಈ ಜನ್ಮದಲ್ಲಿ, ಪುನಃ ಆ ತೆನೆಯಿಂದ ಬೀಜರೂಪದ ಕಾಳು ನೆಲದ ಮೇಲೆ ಬಿದ್ದರೆ ಅದು ಪೂರ್ವಜನ್ಮವಾಗುತ್ತದೆ ಹಾಗೂ ಅದರಿಂದ ತೆನೆ ಬರುವುದು ಮುಂದಿನ ಹೊಸ ಜನ್ಮ, ಅರ್ಥವಾಯಿತೋ ಇಲ್ಲವೋ?
ಪ್ರಶ್ಯಕರ್ತ: ಒಬ್ಬ ವ್ಯಕ್ತಿ ರಸ್ತೆಯ ಮೇಲೆ ಹೀಗೆ ನಡೆದುಕೊಂಡು ಹೋಗುತಲಿರುತ್ತಾನೆ ಹಾಗು ಬಹಳಷ್ಟು ಜನರು ಅದೇ ರಸ್ತೆಯ ಮೇಲೆ ನಡೆದುಕೊಂಡು ಹೋಗುತಲಿರುತ್ತಾರೆ, ಆದರೂ ಅಲ್ಲಿರುವ ಹಾವು ಅವನಿಗೆ ಮಾತ್ರ ತೊಂದರೆ ಕೊಡುತ್ತದೆ, ಇದಕ್ಕೆ ಕಾರಣವೇನು?
ದಾದಾಶ್ರೀ: ಹೌದು, ನಾವು ಸಹ ಅದನ್ನೇ ಹೇಳಲು ಇಚ್ಚಿಸುತ್ತಿರುವುದಲ್ಲವೇ, ಅದು ಪುನರ್ಜನ್ಮವಾಗಿದೆ ಎಂದು. ಅದರಿಂದಾಗಿ ಆ ಹಾವು ನಿಮಗೆ ಕಚ್ಚುತ್ತದೆ, ಪುನರ್ಜನ್ಮವು ಇಲ್ಲದೆ ಹೋಗಿದ್ದರೆ, ನಿಮಗೆ ಆ ಹಾವು ಕಚ್ಚುತ್ತಿರಲಿಲ್ಲ. ಪುನರ್ಜನ್ಮವಿದೆ. ಹಾಗಾಗಿ ನಿನ್ನಯ ಲೆಕ್ಕವನ್ನು ನಿನಗೆ ಪಾವತಿಸಲಾಗುತ್ತಿದೆ. ಈ ಎಲ್ಲಾ ಲೆಕ್ಕಾಚಾರವನ್ನು ಚುಕ್ತಾ ಮಾಡಲಾಗುತ್ತಿದೆ. ಯಾವ ರೀತಿಯಲ್ಲಿ ಪುಸ್ತಕದಲ್ಲಿನ ಲೆಕ್ಕಾಚಾರದ ಪಾವತಿಯನ್ನು ಮಾಡಲಾಗುತ್ತದೆ, ಅದೇ ರೀತಿ ಎಲ್ಲಾ ಲೆಕ್ಕಗಳು ಚುಕ್ತವಾಗಲಿವೆ. ಇದನ್ನು ನಮಗೆ 'ಡೆವಲಪ್ರೈಂಟ್'ನಿಂದಾಗಿ ಎಲ್ಲಾ ಲೆಕ್ಕಾಚಾರಗಳನ್ನು ಸರಿಯಾಗಿ ತಿಳಿಯಲು ಸಾಧ್ಯವಾಗುತ್ತಿದೆ. ಹಾಗಾಗಿ ನಮ್ಮಲ್ಲಿ ಬಹಳಷ್ಟು ಜನರು 'ಪುನರ್ಜನ್ಮವಿದೆ' ಎಂಬ ನಂಬಿಕೆಯನ್ನು ಹೊಂದಿದ್ದಾರೆ! ಆದರೆ ಅಲ್ಲಿ ಪುನರ್ಜನ್ಮವು ಇದ್ದೇ ಇದೆ ಎಂದು ತೋರಿಸಲು ಸಾಧ್ಯವಿಲ್ಲ. 'ಇದ್ದೇ ಇದೆ' ಎನ್ನುವುದಕ್ಕೆ ಯಾವ ಪುರಾವೆಯಿಂದಲೂ ತೋರಿಸಲು ಸಾಧ್ಯವಿಲ್ಲ. ಆದರೆ, ಸ್ವತಃ ತನಗೆ ಶ್ರದ್ದೆಯನ್ನು ಮೂಡಿಸುವಂತಹ ಈ ಎಲ್ಲಾ ದಾಖಲಾತಿಗಳಿಂದ ಪುನರ್ಜನ್ಮವು ಇದೆಯೆಂದು ಸಾಬೀತಾಗುತ್ತದೆ!
ಹೆಣ್ಣುಮಗಳು ಕೇಳುತ್ತಾಳೆ, ನನಗೆ ಯಾಕೆ ಒಳ್ಳೆಯ ಅತ್ತೆ ಸಿಗಲಿಲ್ಲ ಹಾಗೂ ನನಗೇ ಯಾಕೆ ಅಂಥ ಅತ್ತೆ ಸಿಗಬೇಕಿತ್ತು? ಹೀಗೆ ವಿಧವಿಧವಾದ ಸಂಯೋಗಗಳೆಲ್ಲಾ ಸೇರುತಲಿರುತ್ತವೆ.
