________________
_45
ಮತ್ತು ಸಮಯದಲ್ಲಿ ಹಣೆಬರಹವನ್ನು ಬರೆದಿದ್ದಾನೆ ಎಂದು. ಇದೆಲ್ಲಾ ವಿಕಲ್ಪದಿಂದ ಸರಿಯಾಗಿದೆ. ಆದರೆ ವಾಸ್ತವಿಕವಾಗಿ ತಿಳಿಯ ಬೇಕಿದ್ದರೆ, ಅದು ಸರಿಯಲ್ಲ.
ಇಲ್ಲಿನ ಕಾನೂನು ಏನೆಂದರೆ, ಯಾರು ತನ್ನದಲ್ಲದಿರುವುದನ್ನು ಎಳೆದುಕೊಳ್ಳುತ್ತಾರೋ, ಅಂಥವರಿಗೆ ಎರಡು ಕಾಲಿನಿಂದ ನಾಲ್ಕು ಕಾಲಿನ ಗತಿಯು ಬರುತ್ತದೆ. ಆದರೆ ಅದೂ ಸಹ ಶಾಶ್ವತವಾಗೇನೂ ಅಲ್ಲ. ಹೆಚ್ಚೆಂದರೆ ಇನ್ನೂರು ವರ್ಷಗಳು, ಅದೂ ಕೂಡಾ, ಏಳು-ಎಂಟು ಅವತಾರಗಳು ಜಾನುವಾರು ಗತಿಗೆ ಹೋಗುತ್ತಾರೆ, ಹಾಗೂ ಕಡಿಮೆಯೆಂದರೆ ಐದೇ ನಿಮಿಷದಲ್ಲಿ ಜಾನುವಾರು ಗತಿಗೆ ಹೋಗಿ ಮತ್ತೆ ಮನುಷ್ಯ ಗತಿಗೆ ಬರುವುದೂ ಇದೆ. ಅಲ್ಲದೆ ಎಷ್ಟೊಂದು ಜೀವಗಳು ಅಲ್ಲಿಯೇ ಒಂದೇ ನಿಮಿಷದಲ್ಲಿ ಹದಿನೇಳು ಅವತಾರಗಳನ್ನು ಬದಲಾಯಿಸುತ್ತವೆ. ಹಾಗಾಗಿ ಜಾನುವಾರು ಗತಿಗೆ ಹೋದರೆಂದರೆ ನೂರು-ಇನ್ನೂರು ವರ್ಷಗಳಷ್ಟು ಆಯುಷ್ಯವು ಇರಬೇಕೆಂದೇನೂ ಖಚಿತವಿಲ್ಲ.
ಇದು ಅರ್ಥವಾಗುವುದು ಲಕ್ಷಣಗಳ ಮೇಲೆ!
ಪ್ರಶ್ಯಕರ್ತ: ಈ ಜಾನುವಾರು ಯೋನಿಯಲ್ಲಿ ಹೋಗಿರುವ ಸಾಕ್ಷಿ ಏನಾದರು ಇದೆಯೇ ಅದರ ಬಗ್ಗೆ ಸ್ವಲ್ಪ ತಿಳಿಸಿ, ಅದನ್ನು ಸೈಂಟಿಫಿಕ್ ರೀತಿಯಿಂದ ಹೇಗೆ ಒಪ್ಪಿಕೊಳ್ಳುವುದು?
ದಾದಾಶ್ರೀ: ಇಲ್ಲಿ ಯಾರಾದರು ಸಿಟ್ಟಿನಿಂದ ಗುರ್..., ಗುರ್್ರ.... ಎನ್ನುತ್ತಿರುವ ವ್ಯಕ್ತಿಯನ್ನು ಭೇಟಿಯಾಗಿದ್ದೀರಾ ನೀವು? 'ಯಾಕೆ ಗುರ್ ಗುರ್ ಎನ್ನುವಿರಿ' ಎಂದು ಅವರನ್ನು ನೀವು ಕೇಳುವಿರಲ್ಲವೇ? ಅವರು ನಾಯಿಯ ಗತಿಯಿಂದ ಬಂದಿರುವವರಾಗಿರುತ್ತಾರೆ. ಕೆಲವರು ಮಂಗಗಳ ಹಾಗೆ ಚೇಷ್ಟೆ ಮಾಡುವಂಥವರು ಇರುತ್ತಾರೆ! ಅಲ್ಲಿಂದ ಅವರು ಬಂದಿರುತ್ತಾರೆ. ಕೆಲವರು ಬೆಕ್ಕಿನ ಹಾಗೆ ಬೇಟೆಗಾಗಿ ಕಾದುಕುಳಿತಿರುವ ರೀತಿಯಲ್ಲಿ ಕುಳಿತಿರುತ್ತಾರೆ ಹಾಗೂ ನಿಮ್ಮಿಂದ ಕಸಿದುಕೊಂಡು ಹೋಗುವುದಕ್ಕಾಗಿ, ಅಪಹರಿಸಿಕೊಂಡು ಹೋಗುವುದಕ್ಕಾಗಿ ಇರುತ್ತಾರೆ, ಇಂಥವರು ಬೆಕ್ಕಿನ ಜನ್ಮದಿಂದ ಬಂದಿರುತ್ತಾರೆ. ಇದರಿಂದಾಗಿ ಎಲ್ಲಿಂದ ಬಂದಿದ್ದಾರೆಂದು ಗುರುತಿಸಬಹುದಾಗಿದೆ ಹಾಗು ಎಲ್ಲಿಗೆ ಹೋಗುತ್ತಾರೆ ಎಂದೂ ಸಹ ಗುರುತಿಸಬಹುದು ಮತ್ತು ಇದು ಕೂಡಾ ಖಾಯಂ ಅನ್ನುವುದೇನು ಅಲ್ಲ. ಈ ಜನರು ಹೇಗೆಂದರೆ, ಅವರಿಗೆ ಪಾಪ (ಕೆಡಕು) ಮಾಡಲು ಕೂಡಾ ಸರಿಯಾಗಿ ಬರುವುದಿಲ್ಲ.
ಕಲಿಯುಗದಲ್ಲಿನ ಜನರಿಗೆ ಸರಿಯಾಗಿ ಪಾಪ ಮಾಡಲು ಸಹ ಬರುವುದಿಲ್ಲ. ಆದರೂ ಮಾಡುವುದೆಲ್ಲಾ ಪಾಪವೇ! ಹಾಗಾಗಿ ಅವರ ಪಾಪದ ಫಲವು ಹೇಗಿರುತ್ತದೆ? ಅದು ಹೆಚ್ಚೆಂದರೆ ಐವತ್ತು-ನೂರು ವರ್ಷಗಳು ಜಾನುವಾರು ಗತಿಗೆ ಹೋಗಿ ಮತ್ತೆ ಇಲ್ಲಿಗೆ ವಾಪಾಸು
