________________
ಮೃತ್ಯು ಸಮಯದಲಿ |
24
ಅದರ ಮೊದಲು ಮಾಡು 'ನನ್ನ' ನೆನಪು!
ಪ್ರಶ್ಯಕರ್ತ: ದಾದಾ, ಹೀಗೆಂದು ಕೇಳಿದ್ದೇನೆ, ಯಾರು ಆತ್ಮಹತ್ಯೆ ಮಾಡಿಕೊಳ್ಳುತ್ತಾರೋ ಅವರಿಗೆ ನಂತರ ಅದೇ ರೀತಿಯಲ್ಲಿ ಏಳು ಜನ್ಮ ಉಂಟಾಗುತ್ತದೆ ಎಂದು, ಈ ಮಾತು ಸತ್ಯವೇ? ದಾದಾಶ್ರೀ : ಯಾವ ಸಂಸ್ಕಾರಕ್ಕೆ ಒಳಗಾಗಿರುವುದೋ, ಅದು ಏಳು-ಎಂಟು ಜನ್ಮಗಳ ನಂತರ ಹೋಗುತ್ತದೆ. ಆದುದರಿಂದ ಅಂತಹ ಕೆಟ್ಟ ಸಂಸ್ಕಾರಕ್ಕೆ ಬೀಳದಂತೆ ನೋಡಿಕೊಳ್ಳಬೇಕು. ಕೆಟ್ಟ ಸಂಸ್ಕಾರದಿಂದ ದೂರ ಉಳಿದುಬಿಡಬೇಕು. ಹೌದು, ಈ ಜೀವನದಲ್ಲಿ ಎಷ್ಟು ಬೇಕಾದರೂ ದುಃಖ ಬಂದರೂ ಕೂಡಾ ಸಹಿಸಿಕೊಳ್ಳಿ ಆದರೆ ಗುಂಡು ಹಾರಿಸಿಕೊಂಡು ಸಾಯಬೇಡಿ, ಆತ್ಮಹತ್ಯೆ ಮಾಡಿಕೊಳ್ಳಬೇಡಿ. ಆದ್ದರಿಂದಲೇ ವಡೋದರಾ ಪಟ್ಟಣದಲ್ಲಿ ಕೆಲವು ವರ್ಷಗಳ ಹಿಂದೆ ಎಲ್ಲರಿಗೂ ಹೇಳಲಾಗಿತ್ತು ಏನೆಂದರೆ, ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಅನ್ನಿಸಿದಾಗ ನನ್ನನ್ನು ನೆನಪು ಮಾಡಿಕೊಳ್ಳಿ ಹಾಗೂ ನನ್ನ ಬಳಿಗೆ ಬಂದು ಬಿಡಿ. ಕೆಲವು ಮನುಷ್ಯರು ಇರುತ್ತಾರಲ್ಲವೇ, ಅಪಾಯಕಾರಿ ಮನುಷ್ಯರು, ಅವರಿಗೆ ಮೊದಲೇ ಹೇಳಿರಬೇಕು. ಆಗ ಅವರು ನನ್ನ ಬಳಿಗೆ ಬಂದರೆ, ಅವರಿಗೆ ತಿಳುವಳಿಕೆ ಹೇಳಬಹುದು. ಇದರಿಂದ ಮುಂದಿನ ದಿನಗಳಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳಲು ನಿರ್ಧರಿಸಿರುವವರನ್ನು ನಿಲ್ಲಿಸಬಹುದು. 1951ರ ನಂತರ ಎಲ್ಲರಿಗೂ ಸೂಚನೆ ನೀಡಲಾಗಿತ್ತು ಅದೇನೆಂದರೆ, ಯಾರಿಗಾದರು ಆತ್ಮಹತ್ಯೆಯನ್ನು ಮಾಡಿಕೊಳ್ಳುವ ಸಂದರ್ಭ ಬಂದಾಗ ನನ್ನನ್ನು ಭೇಟಿಮಾಡಿ, ನಂತರ ಮಾಡಿಕೊಳ್ಳುವ ವಿಚಾರಮಾಡಿ. ಯಾರಾದರು ನನಗೆ ಆತ್ಮಹತ್ಯೆ ಮಾಡಿಕೊಳ್ಳುವ ಪ್ರಸಂಗ ಉಂಟಾಗಿದೆ ಎಂದು ಹೇಳಲು ಬಂದರೆ ಅವರಿಗೆ ನಾವು, ಅಕ್ಕಪಕ್ಕದ 'Circle', 'Causes'ಗಳಿಂದಾಗಿ ಆತ್ಮಹತ್ಯೆಯನ್ನು ಮಾಡಿಕೊಳ್ಳಬೇಕಾದ ಅವಶ್ಯಕತೆಯಾದರೂ ಏನಿದೆ? ಎಂದು, ಎಲ್ಲಾ ಒಳಿತು-ಕೆಡಕುಗಳನ್ನು ಅವರಿಗೆ ಅರ್ಥವಾಗುವಂತೆ ತಿಳಿಸಿಕೊಟ್ಟು, ಅವರನ್ನು ಆ ವಿಚಾರದಿಂದ ಹೊರಬರುವಂತೆ ಮಾಡಲಾಗುತ್ತಿತ್ತು.
ಆತ್ಮಹತ್ಯೆಯ ಫಲ!
ಪ್ರಶ್ಯಕರ್ತ: ಯಾರಾದರು ಆತ್ಮಹತ್ಯೆ ಮಾಡಿಕೊಂಡರೆ, ಆಗ ಅವರು ಯಾವ ಗತಿಗೆ ಹೋಗುತ್ತಾರೆ? ಭೂತ, ಪ್ರೇತಗಳಾಗುತ್ತಾರೆಯೇ?
ದಾದಾಶ್ರೀ: ಆತ್ಮಹತ್ಯೆ ಮಾಡಿಕೊಂಡರೆ ಆಗ ಪ್ರೇತವಾಗುತ್ತಾರೆ ಹಾಗೂ ಪ್ರೇತವಾಗಿ ಅಲೆದಾಡ ಬೇಕಾಗುತ್ತದೆ. ಆದುದರಿಂದ, ಆತ್ಮಹತ್ಯೆಯನ್ನು ಮಾಡಿಕೊಂಡರೆ ಇನ್ನು ಹೆಚ್ಚಿನ
