________________
22
ಮೃತ್ಯು ಸಮಯದಲಿ | ಭಾದ್ರಪದ ಪೂರ್ಣ ಅಮಾವಾಸ್ಯೆಯವರೆಗೆ ಶ್ರಾದ್ಧದ ಋತುವೆಂದು ಕರೆಯಲಾಗಿದೆ. ಹದಿನಾರು ದಿನದ ಶ್ರಾದ್ಧವಾಗಿದೆ! ಈ ಶ್ರಾದ್ಧವನ್ನು ಯಾಕಾಗಿ ಜನರು ನಿರ್ಮಿಸಿದರು? ಅವರೆಲ್ಲಾ ಬಹು ಬುದ್ದಿವಂತ ಜನರು! ಹಾಗಾಗಿ ಅದರ ಒಳಿತನ್ನು ತಿಳಿದು ಶ್ರಾದ್ಧ ಎಂದು ಮಾಡಲು ಪ್ರಾರಂಭಿಸಿದರು. ಇದೆಲ್ಲಾ ವೈಜ್ಞಾನಿಕವೇ ಆಗಿದೆ. ಈ ನಮ್ಮ ಹಿಂದೂಸ್ಥಾನದಲ್ಲಿ ಬಹಳ ವರ್ಷಗಳ ಹಿಂದೆ ಹಳ್ಳಿಗಳಲ್ಲಿ ಪ್ರತಿಯೊಂದು ಮನೆಯಲ್ಲಿ ಯಾರಾದರೊಬ್ಬರು ಹಾಸಿಗೆ ಹಿಡಿದಿರುತ್ತಿದ್ದರು, ಮಲೇರಿಯದಿಂದ ನರಳುತ್ತಾ ಹಾಸಿಗೆ ಹಿಡಿದಿರುವವರು ಒಬ್ಬರು-ಇಬ್ಬರು ಇದ್ದೇಇರುತ್ತಿದ್ದರು. ಅದು ಯಾವ ತಿಂಗಳಲ್ಲಿ? ಎಂದು ಕೇಳಿದರೆ, ಅದು ಈ ಭಾದ್ರಪಧದ ತಿಂಗಳು. ಆ ಸಮಯದಲ್ಲಿ ನಮ್ಮ ಹಳ್ಳಿಗಳಿಗೆ ಹೋದರೆ ಪ್ರತಿಯೊಂದು ಮನೆಯ ಹೊರಗೆ ಒಂದಾದರೂ ಹಾಸಿಗೆ ಬಿದ್ದಿರುತ್ತಿತ್ತು ಹಾಗೂ ಅದರಮೇಲೆ ಕಂಬಳಿಯನ್ನು ಸುತ್ತಿಕೊಂಡು ಮಲಗಿರುತ್ತಿದ್ದರು. ಜ್ವರದ ತಾಪ ಇರುತ್ತಿತ್ತು, ಮಲೇರಿಯ ಜ್ವರದ ಎಲ್ಲಾ ಲಕ್ಷಣಗಳು ಕಂಡು ಬರುತ್ತಿತ್ತು. ಭಾದ್ರಪಧದ ತಿಂಗಳಲ್ಲಿ ಸೊಳ್ಳೆಗಳು ಬಹಳವಾಗಿ ಇರುತ್ತವೆ. ಹಾಗಾಗಿ ಎಲ್ಲಾ ಕಡೆ ಮಲೇರಿಯ ಹರಡಿಬಿಡುತ್ತದೆ, ಮಲೇರಿಯ ಎಂದರೆ ಪಿತ್ತ ಜ್ವರವಾಗಿದೆ. ಇದು ವಾಯು ಅಥವಾ ಕಫದ ಜ್ವರವಲ್ಲ. ಪಿತ್ತ ಜ್ವರವೆಂದರೆ, ದೇಹದಲ್ಲಿ ಬಹಳಷ್ಟು ಪಿತ್ತ ಹೆಚ್ಚಾಗಿರುತ್ತದೆ. ಅದರ ಜೊತೆಗೆ, ಮಳೆಗಾಲದ ದಿನಗಳು ಹಾಗೂ ಈ ಸೊಳ್ಳೆಗಳ ಕಾಟ. ಯಾರಿಗೆ ಪಿತ್ತವು ಹೆಚ್ಚಾಗಿರುವುದೋ ಅವರನ್ನೇ ಸೊಳ್ಳೆಗಳು ಕಡಿಯುವುದು. ಅದಕ್ಕಾಗಿ ಏನನ್ನಾದರು ಕಂಡುಹುಡುಕಲೇ ಬೇಕಾಗಿತ್ತು ಹಾಗೂ ಹಿಂದೂಸ್ಥಾನದಲ್ಲಿನ ಜನರಿಗೆ ಏನಾದರೊಂದು ಮಾರ್ಗವನ್ನು ಮಾಡಲೇ ಬೇಕಾಗಿತ್ತು. ಇಲ್ಲವಾಗಿದ್ದರೆ ಇಲ್ಲಿನ ಜನಸಂಖ್ಯೆ ಅರ್ಧಕ್ಕೆ ಇಳಿದುಬಿಡುತಿತ್ತು. ಆದರೆ, ಈಗ ಸೊಳ್ಳೆಗಳು ಕಡಿಮೆಯಾಗಿವೆ, ಇಲ್ಲದಿದ್ದರೆ ಜನರು ಜೀವಿಸಲು ಸಾಧ್ಯವಾಗುತ್ತಿರಲಿಲ್ಲ. ಹಾಗಾಗಿ, ಈ ಪಿತ್ತದ ಜ್ವರವನ್ನು ಶಮನ ಮಾಡುವುದಕ್ಕಾಗಿ, ಗುಣಪಡಿಸುವ ಕ್ರಿಯೆಯನ್ನು ಪತ್ತೆಹಚ್ಚಲಾಯಿತು. ಈ ಜನರು ಹಾಲಿನಿಂದ ತಯಾರಿಸಿದ ತಿನಿಸು, ಪಾಯಸ, ಹಾಲು ಹಾಗೂ ಸಕ್ಕರೆಯನ್ನು ತಿಂದರೆ, ಪಿತ್ತವು ಶಮನವಾಗುವುದಲ್ಲದೆ ಮಲೇರಿಯ ರೋಗವು ಇಳಿಮುಖವಾಗುತ್ತದೆ ಎಂದು ಪತ್ತೆಹಚ್ಚಲಾಯಿತು. ಆಗಿನ ಕಾಲದಲ್ಲಿ ಜನರ ಮನೆಯಲ್ಲಿ ಹಾಲು ಹೆಚ್ಚಾಗಿ ಇದ್ದರೂ, ಪಾಯಸ ಅಥವಾ ಹಾಲಿನ ತಿಂಡಿ ತಿನಿಸು ಏನು ಮಾಡುತ್ತಲೂ ಇರಲಿಲ್ಲ ಹಾಗೂ ತಿನ್ನುತ್ತಲೂ ಇರಲಿಲ್ಲ! ಬಹಳ normal ಅಲ್ಲವೇ (!) ಹಾಗಿದ್ದಾಗ, ಏನು ಮಾಡುವುದು ನೀವೇ ಯೋಚಿಸಿ? ಅಂಥವರಿಗೆ ಈ ಹಾಲಿನ ತಿನಿಸುಗಳನ್ನು ದಿನಾಲೂ ತಿನ್ನಿಸುವುದು ಹೇಗೆ?
ಇದ್ಯಾವುದೂ ಯಾವ ತಂದೆಗೂ ಒಂದು ಚೂರೂ ತಲುಪುವುದಿಲ್ಲ. ಆದರೆ, ಇದು ಆಗಿನ ಜನರು ಕಂಡುಕೊಂಡ ರೀತಿಯಾಗಿದೆ, ಇಲ್ಲದಿದ್ದರೆ ಈ ಹಿಂದೂಸ್ಥಾನದ ಜನರು ನಾಲ್ಕು ಆಣೆ
