________________
ಮತ್ತು ಸಮಯದಲ್ಲಿ ಎಂದು. ಹಾಗೂ ನಮ್ಮಲ್ಲಿಯೂ ಕೂಡ ಗೀತೆಯ ಪಠಣ ಮಾಡಿಸುತ್ತಾರೆ, ಅಥವಾ ಯಾವುದಾದರು ಒಳ್ಳೆಯ ವಿಚಾರಗಳನ್ನು ಆಲಿಸುವಂತೆ ಮಾಡುತ್ತಾರೆ, ಇವೆಲ್ಲವುಗಳಿಂದ ಕೊನೆ ಘಳಿಗೆಯಲ್ಲಿ ಅವರಿಗೆ ಏನಾದರೂ ಪರಿಣಾಮ ಬೀರುವುದು ನಿಜವೇ?
ದಾದಾಶ್ರೀ: ಏನೂ ಬದಲಾವಣೆ ಆಗುವುದಿಲ್ಲ. ನೀವು ವ್ಯವಹಾರದಲ್ಲಿ ಹನ್ನೆರಡು ತಿಂಗಳಿನವರೆಗೂ ಲೆಕ್ಕ ಪುಸ್ತಕ ಬರೆದು ಮತ್ತೆ ಕೇವಲ ಧನೇರಸ್ (ದೀಪಾವಳಿಯ ಹದಿಮೂರನೆಯ) ದಿನದ ಲಾಭ-ನಷ್ಟವನ್ನು ಲೆಕ್ಕ ಮಾಡಿದರೆ ನಡೆಯುವುದೇ?
ಪ್ರಶ್ನಕರ್ತ: ಇಲ್ಲ ಹಾಗೆ ಮಾಡಲಾಗುವುದಿಲ್ಲ.
ದಾದಾಶ್ರೀ: ಯಾಕೆ ಹಾಗೆ ಆಗುವುದಿಲ್ಲ?
ಪ್ರಶ್ಯಕರ್ತ: ಅದರಲ್ಲಿ ಇಡೀ ವರ್ಷದ್ದೆಲ್ಲಾ ಬರುತ್ತದೆಯಲ್ಲವೇ!
ದಾದಾಶ್ರೀ: ಹಾಗೆಯೇ ಇಲ್ಲಿಯೂ ಮೊದಲಿನಿಂದ ಇಡೀ ಜೀವನದ ಸರಾಸರಿ (ಬ್ಯಾಲೆನ್ಸ್ ಶೀಟ್) ಬರುತ್ತದೆ. ಕೊನೆಗಳಿಗೆಯ ಸುಧಾರಣೆಯನ್ನು ಮಾಡಿದರೆ ಒಳ್ಳೆಯದಾಗುತ್ತದೆ ಎಂದೆಲ್ಲಾ ತಿಳಿದು ಜನರು ಮೋಸ ಹೋಗುತ್ತಿದ್ದಾರೆ, ಮತ್ತು ಜನರನ್ನು ಮೂರ್ಖರನ್ನಾಗಿ ಮಾಡಲಾಗುತ್ತಿದೆ.
ಪ್ರಶ್ಯಕರ್ತ: ದಾದಾ, ಅಂತಿಮ ಗಳಿಗೆಯಲ್ಲಿ ಎಚ್ಚರದ ಅವಸ್ಥೆಯಲ್ಲಿದ್ದರೆ ಅಂಥವರಿಗೆ, ಆ ಸಮಯದಲ್ಲಿ ಭಗವತ್-ಗೀತೆಯನ್ನು ಕೇಳುವಂತೆ ಅಥವಾ ಬೇರೆ ಯಾವುದಾದರೂ ಶಾಸ್ತ್ರವನ್ನು ಆಲಿಸುವಂತೆ, ಅವರ ಕಿವಿಯಲ್ಲಿ ಏನಾದರು ಹೇಳಬಹುದೇ?
ದಾದಾಶ್ರೀ ಅವರಾಗಿಯೇ ಕೇಳಿದರೆ, ಅದರ ಇಚ್ಛೆ ಅವರಿಗಿದ್ದರೆ, ಆಗ ಆಲಿಸುವಂತೆ
ಮಾಡಬಹುದು.
ಮರ್ಸಿ ಕಿಲ್ಲಿಂಗ್ !
ಪ್ರಶ್ಯಕರ್ತ: ಹೆಚ್ಚು ವೇದನೆಯಿಂದ ನರಳುತ್ತಿರುವವರನ್ನು ಹಾಗೆಯೇ ನರಳುವಂತೆ ಬಿಡುವ ಬದಲಿಗೆ ಮರಣ ಹೊಂದುವಂತೆ ಮಾಡಿದರೆ, ಮತ್ತೆ ಮುಂದಿನ ಜನ್ಮದಲ್ಲಿ ಆ ನರಳುವಿಕೆಯನ್ನು ಅನುಭವಿಸುವುದು ಬಾಕಿ ಉಳಿದಿರುತ್ತದೆ ಎಂದು ಹೇಳುವ ಮಾತು ಸರಿಯೆಂದು ಅನ್ನಿಸುವುದಿಲ್ಲ. ಸಹಿಸಲಾಗದೆ ಬಳಲುತ್ತಿರುವವರಿಗೆ ಅದರಿಂದ ಬಿಡುಗಡೆ ತರುವುದೇ ಯೋಗ್ಯವಲ್ಲವೇ, ಇದರಲ್ಲಿ ತಪ್ಪೇನಿದೆ?
