Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 10

(२४-३३) दस पहनयसत्तेसु १ देविंदत्थओ
फ्र
सिरि सहदेव सामिस्स णमो । सिरि गोडी- जिराउला सव्वोदयपासणाहाणं णमो । नमोऽत्थुणं समणस्स भगवओ महइ महावीर वज्रमाण सामिस्स । सिरि गोयम - सोहम्माइ सव्व गणहराणं णमो । सिरि सुगुरु देवाणं णमो 555१ सिरिइसिवालियथेरविरइओ देविंदत्थओ [गा. १-३ पत्थावणा] १. अमर-नरवंदिए वंदिऊण उसभाइए जिणवरिंदे। वीरवरपच्छिमंते तेलोक्कगुरु गुणाइने ॥१॥ २. कोइ पढमे पओसम्मि सावओ समयनिच्छयविहिण्णू । वन्नेइ थयमुयारं जियमाणे वद्धमाणम्मि ||२|| ३. तस्स थुणंतस्स जिणं सामइयकडा पिया सुहनिसन्ना। पंजलिउडा अभिमुही सुणइ थयं वद्धमाणस्स ॥ ३॥ [गा. ४-६. वद्धमाणजित्थवो] ४. इंदविलयाहिं तिलयरयणंकिए लक्खणंकिए सिरसा। पाए अवगयमाणस्स वंदिमो वद्धमाणस्स || ४ || ५. विणयपणएहि सिढिलमउडेहिं अपडिय(?म) जसस्स देवेहिं । पाया पसंतरोसस्स वंदिया वद्धमाणस्स || ५ || ६. बत्तीस देविंदा जस्स गुणेहिं उवहम्मिया बाढं । तो तस्स चिय च्छेयं पायच्छायं उवेहामो।।६।। [गा. ७-११. बत्तीसदेविंदसरूवाइविसया पुच्छा] ७. 'बत्तीसं देविंद' त्ति भणियमित्तम्मि सा पियं भणइ । अंतरभासं ताहे (?ता हं) काहामी कोउहल्लेणं ॥७॥ ८. कयरे ते बत्तीसे देविंदा ? को व कत्थ परिवसइ ? । केवइया कस्स ठिई ? को भवणपरिग्गहो कस्स ? ॥८॥ ९. केवइया व विमाणा ? भवणा ? नगरा व हुंति केवइया ? | पुढवीण व बाहल्लं ? उच्चत्त ? विमाणवन्नो वा ? || ९ || १०. के केणाऽऽहारंति व कालेणुक्कोस मज्झिम जहण्णं ? । उस्सासो निस्सासो ओहीविसओ व को केसि ? ।।१०।। ११. विणओवयारउवहम्मियाइ हासरसमुव्वहंतीए । पडिपुच्छिओ पियाए भाइ, सुयणु ! तं निसामेह ॥ ११॥ [ गा. १२-३०९. बत्तीसदेविंदसरूवाइविसयं उत्तरं ] १२. सुयणाणसागराओ सुणिउं पडिपुच्छणीइ जं लद्धं । सुण वागरणावलियं नामावलियाई इंदाणं ॥ १२ ॥ १३. सुण वागरणावलियं रयणं व पणामियं च वीरेहिं । तारावलि व्व धवलं हियएण पसन्नचित्तेणं ॥ १३॥ [ गा. १४-६६. भवणवइदेवाहिगारो ] १४. रयणप्पभापुढवीनिकुडवासी सुतणु ! तेउलेसागा। वीसं विकसियनयणा भवणवई मे निसामेह ॥ १४ ॥ [ गा. १५-२०. वीस भवणवइइंदा] १५. दो भवणवईइंदा चमरे १ वइरोयणे २ य असुराणं १ । दो नागकुमारिंदा धरणे ३ तह भूयणंदे ४ य २ || १५|| १६. दो सुयणु ! सुवण्णिंदा वेणूदेवे ५ य वेणुदाली ६ य ३ । दो दीव कुमारिंदा पुण्णे ७ य तहा वसिट्ठे ८ य ४ ॥ १६ ॥ १७. दो उदहिकुमारिंदा जलकंते ९ जलपभे १० य नामेणं ५ | अमियगइ ११ अमियवाहण १२ दिसाकुमाराण दो इंदा ६ || १७|| १८. दो वाउकुमारिंदा वेलंब १३ पभंजणे १४ य नामेणं ७ । दो थणियकुमारिंदा घोसे १५ य तहा महाघोसे १६ |८||१८|| १९. दो विज्जुकुमारिंदा हरिकंत १७ हरिस्सहे १८ य नामेणं ९ । अग्गिसिह १९ अग्गिमाणव २० हुयासणवई वि दो इंदा १० ||१९|| २०. एए वियसियनयणे ! वीसं वियसियजसा मए कहिया । भवणवरसुहनिसन्ने, सुण भवणपरिग्गहमिमेसिं ।।२०।। [गा. २१-२७. भवणवइइंदाणं भवणसंखा ] २१. चमर - वइरोययाणं असुरिंदाणं महाणुभागाणं । तेसिं भवणवराणं चउसट्ठिमहे सयसहस्सा ॥२१॥ २२. नागकुमारिंदाणं भूयाणंद- धरणाण दोण्हं पि । तेसिं भवणवराणं चुलसीइमहे सयसहस्सा ॥ २२॥ २३. दो सयणु ! सुवण्णिंदा वेणूदेवे य वेणुदालीय । तेसिं भवणवराणं बावर मो सयसहस्सा ||२३|| २४. वाउकुमारिंदाणं वेलंब - पभंजणाण दोण्हं पि । तेसिं भवणवराणं छन्नवइमहे सयसहस्सा ||२४|| २५. चोवट्ठी असुराणं, चुलसीई चेव होइ नागाणं। बावत्तरी सुवण्णाण, वाउकुमराण छन्नउई ||२५|| २६. दीव - दिसा - उदहीणं विज्जुकुमारिंद धणिय- मग्गीणं । छण्हं पि जुवलयाणं छावत्तरि मो सयसहस्सा ||२६|| २७. एक्क्कम्मि य जुयले नियमा छावत्तरिं सयसहस्सा। सुंदरि ! लीलाए ठिए ! ठिईविसेसं निसामेहि ॥ २७॥ [ गा. २८-३१. भवणवईइंदाणं ठिई आउयं च ] २८. चमरस्स सागरोवम सुंदरि ! उक्कोसिया ठिई भणिया । साहीया बोद्धव्वा बलिस्स वइरोयणिंदस्स ॥२८॥ २९. जे दाहिणाण इंदा चमरं मोत्तूण सेसया भणिया । पलिओवमं दिवङ्कं ठिई उ उक्कोसिया तेसिं ॥ २९ ॥ ३०. जे उत्तरेण इंदा बलिं पमोत्तूण सेसया भणिया । पलिओवमाई दोण्णि उ सूणाई ठिई तेसिं ||३०|| ३१. एसो वि ठिइविसेसो सुंदररूवे ! विसिहरूवाणं । भोमिज्जसुरवराणं सुण अणुभागे सुनयराणं ||३१|| [गा. ३२-३८. भवणवईणं
सौन्य :- अं. सौ. हीयाजेन प्रहीपलाई खेल. गडा नाना लाडीया (६२छ) ह. गुएापंतीजेन विशन - घाटकोपर
KO卐卐卐卐卐卐
in Education International 2010_03 COLE LE LE LE LE LE LELELELELELELTETI
[3]
www.jainelibrary.