Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 20

XOXOKKKKKK
(२४-३३) दस पन्नयस॒त्तेसु १ देविंदत्थओ २ तंदुलवेयालिय
[९]
२८३. ईसीपब्भाराए उवरिं खलु जोयणम्मि लोगंतो । तस्सुवरिमम्मि भाए सोलसमे सिद्धमोगाढे ॥ २८३।। २८४. तत्थेते निच्चयणा अवेयणा निम्ममा असंगा य । असरा जीवघेणा पएसनिव्वत्तसंठाणा ॥ २८४ ॥ २८५. कहिं पडिहया सिद्धा ? कहिं सिद्धा पइट्टिया ? । कहिं बोदि चइत्ताणं कत्थं गंतूण सिज्झई ? || २८५ || २८६. अलोए पडिहया सिद्धा, लोयऽग्गे य पट्टिया । इहं बोदिं चइत्ताणं तत्थ गंतूण सिज्झई || २८६ ॥ २८७. जं संठाणं तु इहं भवं चयंतस्स चरिमसमयम्मि । आसीय पएसघणं तं संठाणं तहिं तस्स ॥ २८७॥ २८८. दीहं वा हुस्सं वा जं संठाणं हवेज्ज चरिमभवे । तत्तो तिभागहीणा सिद्धाणोगाहणा भणिया ॥२८८॥ २८९. तिन्नि सया तेत्तीसा धणुत्तिभागो य होइ बोद्धव्वा । एसा खलु सिद्धाणं उक्कोसोगाहणा भणिया ||२८९ ।। २९० चत्तारि य रयणीओ रयणितिभागूणिया य बोद्धव्वा । एसा खलु सिद्धाणं मज्झिमओगाहणा भणिया ॥ २९०॥ २९१. एक्का य होइ रयणी अट्ठेव य अंगुलाई साहीया। एसा खलु सिद्धाणं जहण्ण ओगाहणा भणिया ||२९१ || २९२. ओगाहणाइ सिद्धा भवत्तिभागेण हुंति परिहीणा । संठाणमणित्थंत्थं जरा-मरणविप्पमुक्काणं ॥ २९२ ॥ २९३. जत्थ य एगो सिद्धो तत्थ अणंता भवक्खयविमुक्का । अन्नोन्नसमोगाढा पुट्ठा सव्वे अलोगंते ॥ २९३॥। २९४. असरीरा जीवघणा उवउत्ता दंसणे य नाणे य । सागरमणागारं लक्खणमेयं तु सिद्धाणं ||२९४।। २९५. फुसइ अनंते सिद्धे सव्वपएसेहिं णियमसो सिद्धो । ते वि असंखेज्जगुणा देस-पएसेहिं जे पुट्ठा ॥ २९५ ॥ [गा. २९६-९७. सिद्धाणं उवओगो ] २९६. केवलनाणुवउत्ता जाणंती सव्वभावगुण भावे । पासंति सव्वओ खलु केवलदिट्ठिहऽणंताहिं ॥ २९६ ॥ २९७. नाणम्मि दंसणम्मि य इत्तो एगयरयम्मि उवउत्ता । सव्वस्स केवलिस्सा जुगवं दो नत्थि उवओगा ॥ २९७ ॥ [गा. २९८-३०६. सिद्धाणं सुहं उवमा य ] २९८. सुरगणसुहं समत्तं सव्वद्धापिंडियं तगुणं । न वि पावइ मुत्तिसुहं णंताहिं वग्गवग्गूहिं ॥२९८॥। २९९. न वि अत्थि माणुसाणं तं सोक्खं न वि य सव्वदेवाणं । जं सिद्धाणं सोक्खं अव्वाबाह उवगयाणं ||२९९|| ३००. सिद्धस्स सुहो रासी सव्वद्धापिंडिओ जइ हविज्जा । णंतगुणवग्गुभइओ सव्वागासे न माएजा || ३००|| ३०१. जह नाम कोइ मिच्छो
गुणे बहुविवियाणंतो। न चएइ परिकहेउं उवमाए तहिं असंती ॥ ३०१ ।। ३०२. इअ सिद्धाणं सोक्खं अणोवमं, नत्थि तस्स ओवम्मं । किंचि विसेसेणित्तो सरिक्खमिणं सुणह वोच्छं ॥ ३०२ ॥ ३०३. जह सव्वकामगुणियं पुरिसो भोत्तूण भोयणं कोई । तण्हा-छुहाविमुक्का अच्छिज्ज जहा अमियतित्तो ॥ ३०३ ॥ ३०४. इय सव्वकालतित्ता अउलं निव्वाणमुवगया सिद्धा । सासयमव्वाबाहं चिद्वंति सुही सुहं पत्ता ॥ ३०४॥ ३०५ सिद्ध त्ति य बुद्ध त्ति य पारगय त्ति य परंपरगय त्ति । उम्मुक्ककम्मकवया अंजरा अमरा असंगा य || ३०५ || ३०६ निच्छिन्नसव्वदुक्खा जाव जरा मरण-बंधणविमुक्का सासयमव्वाबाहं अणुहुंति सुहं सयाकालं ||३०६|| [गा. ३०७-९.जिणवरीणं इड्डी] ३०७. सुरगणइड्डिसमग्गा सव्वद्धापिडिया अणंतगुणा । न वि पावे जिणइङ्किं णंतेहिं वि वग्गवग्गूहिं ||३०७ || ३०८. भवणवइ वाणमंतर जोइसवासी विमाणवासी य । सव्विह्वीपरियारो अरहंतो वंदया होति ॥ ३०८ ॥ ३०९. भवणवइ वाणमंतर जोइसवासी विमाणवासी य । इसिवालियमइमहिया करेति महिमं जिणवराणं ॥ ३०९ ॥ [गा. ३१०-११. देविंदत्थओवसंहारो तक्कारगा य] ३१०. इसिवालियस्स भदं सुरवरथयकारयस्स वी(?धी) रस्स । जेहिं सया धुव्वंता सव्वे इंदा य पवरकित्तीया । तेसिं सुराऽसुरगुरू सिद्धा सिद्धिं उवविहिंतु ॥ ३९०॥ ३११. भोमेज्ज वणयराणं जोइसियाणं विमाणवासीणं । देवनिकायाण थओ इह समत्तो अपरिसेसो ||३११ || || [देविदत्थओ समत्तो] || १ || २ तंदुलवेयालियपइण्णयं [गा. १. मंगलमभिधेयं च] ३१२. निज्जरियजरा-मरणं वंदित्ता जिणवरं महावीरं । वोच्छं पन्नगमिणं तंदुलवेयालियं नाम ॥ १॥ [गा. २-३ दाराणि] ३१३. सुणह गणिए दस दसा वासस्याउस्स जह विभज्जति । संकलिए वोगसिए जं चाऽऽउं सेसयं होइ ||२|| ३१४. जत्तियमेत्ते दिवसे जत्तिय राई मुहुत्त ऊसासे। गब्भम्मि वसइ जीवो आहारविहिं च वोच्छामि ||३|| द्वारगाथा ॥ [ गा. ४-८. गब्भवासकालपमाणं ] ३१५. दोन्नि अहोरत्तसए संपुण्णे सत्तसत्तरिं चेव । गब्भम्मि वसइ जीवो, अद्धमहोरत्तमन्नं च ॥ ४ ॥ ३१६. एए उ अहोरत्ता नियमा जीवस्स गब्भवासम्मि । हीणाऽहिया उ एत्तो उवघायवसेण जायंति ॥ ५ ॥ ३१७. अट्ठ सहस्सा तिनि उ सया मुहुत्ताण पण्णविसा य । गब्भगओ
VALLELE LELE फफफफफफफफफ श्री आगमगुणमंजूषा - १२०३