Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 38

TRO A A A A A A 555555.
(२४-३३) दस पनयसुतेसु ५ मरणसमाहि
[२७]
T
********Y ७९२. तह सुकरणो महेसी तिकरणआराहओ धुवं होइ । अह लहइ उत्तमद्वं तं अइलाभत्तणं जाण ॥ ४३ ॥ ७९३. एस समासो भणिओ परिणामवसेण सुविहियजणस्स । इत्तो जह करणिज्जं पंडियमरणं तहा सुणह ॥ ४४ ॥ [गा. ४५-५०. पंडियमरणकरणिज्जनिरूवणं सल्लुद्धरणं च] ७९४. फासेहिं तं चरितं सव्वं सुहसीलयं पयहिऊणं । घोरं परीसहचमुं अहियासितो धिइबलेणं ॥ ४५ ॥ ७९५. सद्दे रूवे गंधे रसे य फासे य निज्जिण धिईए। सव्वेसु कसाएसु य निहंतु परमो सया होहि ||४६|| ७९६. चइऊण कसाए इंदिए य सव्वे य गारवे हंतुं । तो मलियराग-दोसो करेह आराहणासुद्धिं ॥ ४७॥ ७९७. दंसण-नाण- चरित्ते पव्वज्जाईसु जो अईयारो । तं सव्वं आलोएहि निरवसेसं पणिहियप्पा ॥ ४८ ॥ ७९८. जह कंटएण विद्धो सव्वंगे वेयणद्दिओ होइ । तह चेव उद्धियम्मि उ नीसल्लो निव्वुओ होइ ||४९|| ७९९. एवमणुद्धियदोसो माइल्लो तेण दुक्खिओ होइ । सो चेव चत्तदोसो सुविसुद्दो निव्वुओ होई ॥५०॥ [गा. ५१-५२. ससल्लनिस्सल्लमरणाणं दोस - गुणा] ८००. राग-द्दोसाभिहया ससल्लमरणं मरंति जे मूढा । ते दुक्खसल्लबहुला भमंति सासारकंतारे || ५१ ।। ८०१. जे पुण तिगारवजढा निसल्ला दंसणे चरित्ते य। विहरंति मुक्कसंगा खवेति ते सव्वदुक्खाई ॥ ५२॥ [ गा. ५३-५८. नाण- चरित्त - दंसणमाहप्पं] ८०२. सुचिरमवि संकिलिट्टं विहरंति झाण- संवरविहीणं । नाणी संवरजुत्तो जिणइ अहोरत्तमित्तेणं ॥ ५३॥ ८०३. जं निज्जरेइ कम्मं असंवुडो सुबहुणो वि कालेणं । तं संवुडो तिगुत्तो खवेइ ऊसासमित्तेणं ||५४|| ८०४. सुबहुस्सुया वि संता जे मूढा सील-संजमगुणेहिं । न करेति भावसुद्धि ते दुक्खनिभेलणा होति ॥५५॥। ८०५. जे पुण सुयसंपन्ना चरित्तदोसेहिं नोवलिप्पति । ते सुविसुद्धचरित्ता करंति दुक्खक्खयं साहू ॥५६॥ ८०६. पुव्वमकारियजोगो समाहिकामो वि मरणकालम्मि। न भवइ परीसहसहो विसयसुहपराइओ जीवो ॥५७॥। ८०७. तं एवं जाणंतो महंतरं लाहगं सुविहिएसुं । दंसण चरित्तसुद्धीइ निम्मलो विहर तं धीर ! ॥५८॥ [ गा. ५९-६५. संकिलिट्टभावणाए निसेहो पंचभेयनिरूवणं च ] ८०८. एत्थ पुण भावणाओ पंच इमा होति संकिलिट्ठाओ । आराहएण सुविहिय ! जा निच्चं वज्जणिज्जाओ || ५९ ।। ८०९. कंदप्प १ देवकिब्बिस २ अभिओगा ३ आसुरी ४ य सम्मोहा ५ । एयाओ संकिलिट्ठा, असंकिलिट्ठा हवइ छट्टा ६ || ६० ।। ८१०. कंदप्प कुक्कुयाइय दवसीलो निच्चहासणकहो उ । विम्हाविंतो य परं कंदप्पं भावणं कुणइ || ६१ ॥। ८११. नाणस्स केवलीणं धम्मायरियस्स संघ- साहूणं । माई अवण्णवाई किब्बिसियं भावणं कुणइ ||६२|| ८१२. मंताभिओग कोउग भूईकम्मं च जो जणो कुणइ । साय-रस- इड्डिहेउं अभिओगं भावणं कुणइ ||६३|| ८१३. अणुबद्धरोस - वुग्गह संसत्त तहा निमित्त डिसेवी । एएहिं कारणेहिं आसुरियं भावणं कुणइ ||६४ || ८१४. उम्मग्गदेसणा नाणदूसणा मग्गविप्पणासो य। मोहेण मोहयंतंसि भावणं जाण सम्मोह ॥६५॥ [गा. ६६-६७. असंकिलिट्टभावणासेवणानिद्देसो ] ८१५. एयाउ पंच वज्जिय इणमो छट्ठीइ विहर तं धीर ! | पंचसमिओ तिगुत्तो निस्संगो सव्वसंगे हिं ॥६६॥ ८१६. एयाए भावणाए विहर विसुद्ध दीहकालम्मि । काऊण अत्तसुद्धिं दंसण-नाणे चरित्ते य ॥६७॥ [गा. ६८-६९. पंचविहसुद्धि-विविगे पडुच्च समाहिनिरूवणं)] ८१७. पंचविहं जे सुद्धिं पंचविहविवेगसंजुयमकाउं । इह उवणमंति मरणं ते उ समाहिं न पावेति ॥ ६८ ।। ८१८. पंचविहं जे सुद्धिं पत्ता निखिलेण निच्छियमईया | पंचविहं जे सुद्धिं पत्ता निखिलेण निच्छियमईया । पंचविहं च विवेगं ते हु समाहिं परं पत्ता || ६९ || [गा. ७० ७७. बालमरणसरूवनिरूवणं] ८१९. लहिऊण वि संसारे सुदुल्लहं कह वि माणुस जम्मं । न लहंति मरणदुहलं जीवा धम्मं जिणक्खायं ॥७०॥ ८२०. किच्छा हि पावियम्मि विस कम्मसत्तिओसन्ना । सीयंति सायदुलहा पंकोसन्नो जहा नागो ॥ ७१ ॥ ८२१. जह कागणीइ हेउं मणि-रयाणाणं तु हारए कोडिं । तह सिद्धसुहपरोक्खा सज्जंति कामेसुं ।।७२।। ८२२. चोरो रक्खसपहओ अत्थत्थी हणइ पंथियं मूढो । इय लिंगी सुहरक्खसपहओ विसयाउरो धम्मं ॥ ७३॥ ८२३. तेसु वि अलपसरा अवियण्हा दुक्खिया गयमईया । समुवेति मरणकाले पगामभय-भैरवं नरयं ॥७४॥ ८२४. धम्मो न कओ साहू, न जेमिओ, न य नियंसियं सण्हं । इण्हिं परं परारु त्ति नेव पत्ताई सुक्खाई ॥ ७५॥। ८२५. साहूणं नोवकयं, परलोयत्थे य संजमो न कओ । दुहओ वि तओ विहलो अह जम्मो धम्मरुक्खाणं ॥ ७६॥ ८२६. दिक्खं मइलेमाणा मोहमहावत्तसागराभिहया । तस्स अपडिक्कमंता मरंति ते बालमरणाई ।। ७७ ।। [गा. ७८-१२४. अब्भुज्जयमरण आलोयणा-सल्लुद्धरणाइणं निरुवणं]
T
श्री आगमगुणमंजूषा - १३११
फफफफफफफफफफ