Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 63

出版
(२४-३३) दस पइन्नयसुत्तेसु ८ संधारण पइण्णयं [५२]
可用555.com
तहाऽऽसि आयरिओ | नामेण उसहसेणो सुयसागरपारगो धीरो ||८१|| १६९४. तस्साऽऽसी य गणहरो नाणासत्यत्थगहियपेयालो । नामेण सीहसेणो वायम्मि पराजिओ रुट्ठो ॥ ८२ ॥ १६९५. अह सो निराणुकंपो अग्गिं दाऊण सुविहियपसंते। सो वि तहडज्झमाणो पडिवन्नो उत्तमं अहं ॥ ८३ ॥ १६९६. कुरुदत्तो वि कुमारो बिलिफालि व्व अग्गिणा दड्ढो । सो वि तहडज्झमाणो पडिवन्नो उत्तमं अहं ॥८४॥। १६९७. आसी चिलोइपुत्तो मूइंगुलियाहिं चालणि व्व कओ । सो वि तहखज्नमाणो पडिवन्नो उत्तमं अहं ॥८५॥। १६९८. आसी गयसुकुमालो अल्लयचम्मं व कीलयसएहिं । धरणियले उव्विद्धो तेण वि आराहिंयं मरणं ॥ ८६ ॥ १६९९. मंखलिणा वि अरहओ सीसा तेयस्स उवगया दड्ढा । ते वि तहडज्झमाणा पडिवन्ना उत्तमं अहं ॥८७॥ [गा. ८८-१२२. पडिवन्नसंथारगस्स खामणा भावणा य ] १७००. परिजाणाई तिगुत्तो जावज्जीवाए सव्वमाहारं । संघसमवायमज्झे सागरं गुरुनिओगेणं ॥ ८८॥ १७०१. अहवा समाहिहेउं करेइ सो पाणगस्स आहारं । तो पागणं पि पच्छा वोसिरइ मुणी जहाकालं ॥८९॥ १७०२. खामेइ सव्वसंघं संवेगं सेसगाण कुणमाणो । मण वइजोगेहिं पुरा कय कारिय- अणुमए वा वि ॥९०॥ १७०३. सव्वे अवराहपए एस खमावेमि अज्ज निस्सल्लो । अम्मा-पिउणो सरिसा सव्वे वि खमंतु मे जीवा ॥ ९१ ॥ १७०४. धीरपुरिसपण्णत्तं सप्पुरिसनिसेवियं परमघोरं । घन्ना सिलायलगया साहंती उत्तमं अहं ॥ ९२ ॥ १७०५. नरयगई- तिरियगई - माणुस - देवत्तणे वसंतेणं । जं पत्तं सुहं- दुक्खं तं अणुचिंते अणन्नमणो ||९३|| १७०६. नरएसु वेयणाओ अणोवमाओ असायबहुलाओ । कायनिमित्तं पत्तो अनंतखुत्तो बहुविहाओ || ९४ || १७०७. देवत्ते मणुयत्ते पराभिओगत्तणं उवगएणं । दुक्खपरिकिलेसकरी अणंतखुत्तो समणुभूओ या? ॥ ९५|| १७०८. तिरिअगईअणुपत्तो भीममहावेयणा अणोरपरा । जम्मण-मरणऽरहट्टे अणंतखुत्तो परिब्भमिओ ॥९६॥ १७०९. सुविहिय! अईयकाले अनंतकालं तु आगय-गएणं । जम्मण-मरणमणंतं अनंतखुत्तो समणुभूयं ॥ ९७ ॥ १७१०. नत्थि भयं मरणसमं, जम्मणसरिसं न विज्जए दुक्खं । जम्मण- मरणायकं छिद ममत्तं सरीराओ ॥९८॥ १७११. अन्नं इमं सरीरं अन्नो जीवो त्ति निच्छयमईओ । दुक्खपरिकिलेसकरं छिंद ममत्तं सरीरओ ॥९९॥ १७१२. जावंति केइ दुक्खा सारीरा माणसा व संसारे । पत्तो अनंतखुत्तो कायस्स ममत्तदोसेणं ॥ १००॥ १७१३. तम्हा सरीरमाई सब्भिंतरबाहिरं निरवसेसं । छिंद ममत्तं सुविहिय ! जइ इच्छसि उत्तिमं अहं ॥ १०१ ॥ १७१४. जगआहारो संघो सव्वो मह खमउ निरवसेसं पि । अहमवि खमामि सुद्धो गुणसंघायस्स संघस्स॥१०२॥ १७१५. आयरिय उवज्झाए सीसे साहम्मिए कुल गणे य । जे मे केइ कसाया सव्वे तिविहेण खामेमि ॥ १०३ ॥ १७१६. सव्वस्स समणसंघस्स भगवओ अंजलि करिय सीसे । सव्वं खमावइत्ता अहमवि खामेमि सव्वस्स || १०४ ॥ १७१७. सव्वस्स जीवरासिस्स भावओ धम्मनिहियनियचित्तो । सव्वं खमावइत्ता अहयं पि खमामि सव्वेसिं ॥ १०५ ॥ १७१८. इय खामियाइयारो अणुत्तरं तवसमाहिमारूढो । पप्फोडिंतो विहरइ बहुभवबाहाकरं कम्मं ॥ १०६॥ १७१९. जं बद्धमसंखिज्जाहिं असुभभवसयसहस्सकोडीहिं । एगसमएण विहुणइ संथारं आरुहंतो उ ॥ १०७॥ १७२०. इय तहविहारिणो से विग्घररी वेयणा समुट्ठेइ । तीसे विज्झवणाए अणुसट्ठि दिंती निज्जवया ॥ १०८ ॥ १७२१. जइ ताव ते मुणिवरा आरोवियवित्थरा अपरिकम्मा । गिरिपब्भारविलग्गा बहुसावयसंकडं भीमं ॥१०९॥ १७२२. धीधणियबद्धकच्छा अणुत्तरविहारिणो समक्खाया। सावयदाढगया वि हु साहंती उत्तमं अट्ठ ॥ ११०॥ १७२३. किं पुण अणगारसहायगेहिं धीरेहिं संगयमणेहिं । न हु नित्थरिज्जइ इमो संथारो उत्तिमट्ठम्मि १ ॥ १११ ॥। १७२४. उच्छूढसरीरघरा अन्नो जीवो सरीरमन्नं ति । धम्मस्स कारणे सुविहिया सरीरं पिछडुंति ||११२|| १७२५. पोराणिय-पच्चुप्पन्निया उ अहियासिऊण वियणाओ । कम्मकलंकलवल्ली विहुणइ संथारमारूढो ॥ ११३ ॥ १७२६. जं अन्नाणी कम्म खवेइ अहुयाहिं वासकोडीहिं । तं नाणी तिहिं गुत्तो खवेइ ऊसासमेत्तेणं ॥ ११४ ॥ १७२७. अट्ठविहकम्ममूलं बहुएहिं भवेहिं संचियं पावं । तं नाणी तिहिं गुत्तो खवे ऊसासमित्तेणं ॥११५|| १७२८. एव मरिऊण धीरा संथारम्मि उ गुरूपसत्थम्मि । तइयभवेण व तेण व सिज्जिज्जा खीणकम्मरया ॥ ११६ ॥ १७२९. गुत्तीसमिइगुणड्डो संजम-तव-नियमकयमउडो । सम्मत्त-नाण- दंसणतिरयणसंपावियमहग्घो ॥११७॥ १७३०. संघो सइंदयाणं सदेव मणुयाऽसुरम्मि लोगम्मि | दुल्लहतरो विसुद्धो, सुविसुद्ध सो महामउडो ॥ ११८ ॥ १७३१. डज्झतेण वि गिम्हे कालसिलाए कवल्लिभ्याए । सूरणे व चंदेण व किरणसहस्सा पयंडेण ॥ ११९॥ १७३२. HONOR श्री आगमगुणमंजूषा १३३६
SOOR