Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 51

(२४-३३) दस पन्नयसुत्तेसु ५ मरणसमाहि [४०]
फ्र
फ
पाणवहाऽलिय-चोरिय-अब्बंभ-परिग्गहनियत्तो ॥ ४१४।। १२६४. राग-द्दोसनियत्तो छट्ठक्खमणस्स पारणे ताहे । असिऊण पंडुपत्ते आयवतत्तं जलं पासी ॥५१५॥ १२६५. खमगत्तणनिम्मंसो धवणि-सिरोजालसंतयसरीरो । विहरिय अप्पप्पाणो मुणिउवएसं विचिंततो ||१६|| १२६६. सो अन्नया णिदाहे पंकोसन्नो घणं निरुच्छाहो। चिरवेरिएण दट्ठो कुक्कुडसप्पेण घोरेण ॥ ५१७।। १२६७. जिणवयणमणुगुणितो ताहे सव्वं चउव्विहाहारं । वोसिरिऊण गइंदो भावेण जिणे नमंसी य ॥५१८|| १२६८. तत्थ य वणयर- सुरवरविम्हियकीरंतपूय-सक्कारो । मज्झत्थो आसी किर कलहेसु य जज्जरिज्जतो || ५१९ ॥ १२६९. सम्मं सहिऊण तओ कालगओ सत्तमम्मि कप्पम्मि । सिरितिलयम्मि विमाणे उक्कोसठिई सुरो जाओ ।। ५२० ।। १२७०. सुयदिट्ठिवायकहियं एयं अक्खाणयं निसामेत्ता । पंडियमरणम्मि मइं दढं निवेसेज्ज भावेणं ॥ ५२१ ॥ १२७१. जिणवयणमणुस्सट्ठा दो वि भुयंगा महाविसा घोरा । कासी य कोसियासयतणूसु भत्तं मुइंगाणं || ५२२|| १२७२. एगो विमाणवासी जाओ वरविज्जपंजरसरीरो। बीओ उ नंदणकुले बलो त्ति जक्खो महिडीओ || ५२३|| १२७३. हिमचूलसुरुप्पत्ती भद्दगमहिसो य थूलभद्दो य । वेरोवसमे कहणा सुरभावे दंसणे खमणा || ५२४ || [गा. ५२५-२६. तिविहोसग्गाहियासणविसइयं इंगिणिपाओवगमणपडिवण्णसाहुनिरूवणं ] १२७४. बावीस माणुपुव्विं तिरिक्ख मणुया वि भेसणट्ठाए। विसयाणुकंपरक्खण करेज्ज देवा उ उवसग्गं ॥ ५२५ || १२७५. संघयण धिईजुत्तो नव-दसपुव्वी सुएण अंगा वा । इंगिणि-पाओवगमं पडिवज्जइ एरिसो साहू || ५२६ || [गा. ५२७. पाओवगमणमरणस्स भेयजुयं १२७६. निच्चलनिप्प डिकम्मो निक्खिवए जं जहिं जहा अंगं । एवं पाओवगमं, सनिहारिं१वा अनीहारिं२ || ५२७|| [गा. ५२८ ५० पाओवगमणमरणसरूवनिरूवणं] १२७७ पाओवगमं भणियं, सम-विसमे पायवो व्व जह पडिओ | नवरं परप्पओगा कंपेज्ज जहा फल तरु व्व ॥ ५२८।। १२७८. तस-पाण- बीयरहिए वित्थिण्णवियार थंडिलविसुद्धे । एते निद्दोसे उवेति अब्भुज्जयं मरणं ||५२९|| १२७९. पुव्वभवियवेरेणं देवो साहरइ को वि पायाले । मा सो चरिमसरीरो न वेयणं किंचि पाविज्जा || ५३०|| १२८०. उप्पन्ने उवसग्गे दिव्वे माणुस्सए तिरिक्खे य । सव्वे पराजिणित्ता पाओवगया पविहरंति || ५३१|| १२८१. जह नाम असी कोसो अन्नो कोसो असी वि खलु अन्नो । इय मे अन्नो जीवो अन्नो देहो ि मन्नेज्जा ।।५३२।। १२८२. पुव्वाऽवर - दाहिण- उत्तरेण वाएहिं आवडंतेहिं । जह न वि कंपइ मेरू तह झाणाओ न वि चलंति || ५३३ ।। १२८३. पढमम्मि य संघयणे वट्टंते सेलकुड्डसामणे । तेसिं पि य वोच्छेओ चोद्दसपुव्वीण वोच्छेए || ५३४|| १२८४. पुवि - दग अगणि मारुय तरुमाइ तसेसु कोइ साहरइ । वोस - चत्तदेह अयं तं परिक्खिज्जा ।। ५३५।। १२८५. देवो नेहेण णए देवागमणं व इंदगमणं वा । जहियं इट्ठा कंता सव्वसुहा होति सुहभावा ॥ ५३६ ।। १२८६. उवसग्गे तिविहे वि अणुकूले चेव तह य पडिकूले । सम्मं अहियासेंतो कम्मक्खयकारओ होइ ॥ ५३७|| १२८७. एयं पाओवगमं इंगिणि पडिकम्म वण्णियं सुत्ते । तित्थयरगणहरेहि य साहूहि य सेवियमुयारं ॥ ५३८ ॥ १२८८. सव्वे सव्वद्धाए सव्वन्नू सव्वकम्मभूमीसु । सव्वगुरू सव्वहिया सव्वे मेरूसु अहिसित्ता ॥ ५३९ ॥ १२८९. 'सव्वाहि विलीहिं सव्वे वि परीसहे पराइत्ता । सव्वे वि य तित्थयरा पाओवगया उ सिद्धिगया || ५४०|| १२९०. अवसेसा अणगारा तीय- पडुप्पन्न - Sणागया सव्वे । केई पाओवगया पच्चक्खाणिगिणिं केई || ५४१ ।। १२९१. सव्वा वि य अज्जाओ सव्वे वि य पढमसंघयणवज्जा। सव्वे य देसविरया पच्चक्खाणेण य मरंति ॥५४२|| १२९२. सव्वसुहप्पभवाओ जीवियसाराओ सव्वजणगाओ। आहाराओ रयणं न विज्जए उत्तमं लोए ।। ५४२।। १२९३. विग्गहगए य सिद्धे मुत्तुं लोगम्मि जत्तिया जीवा । सव्वे सव्वावत्थं आहारे होति आउत्ता ||५४४ ॥ १२९४. तं तारिसगं रयणं सारं जं सव्वलोयरयणाणं । सव्वं परिच्चइत्ता पाओवगया विहरंति ।।५४५।। १२९५. एयं पाओवगमं निप्पडिकम्मं जिणेहिं पन्नत्तं । तं सोऊणं खमओ ववसायपरक्कमं कुणइ || ५४६ || १२९६. धीरपुरिसपण्णत्ते सप्पुरिसनिसेविए परमरम्मे । धण्णा सिलायलगया निरावयक्खा णिवज्जंति || ५४७।। १२९७. सुव्वंति य अणगारा घोरासु भयाणियासु अडवीसुं । गिरिकुहर-कंदरासु य विजणेसु य रुक्खहेद्वेसुं ||५४८|| १२९८. धीधणियबद्धकच्छा भीया जर मरण- जम्मणसयाणं । सेलसिलासयणत्था साहंति य उत्तिमट्ठाई ॥ ५४९ || १२९९. दीवोदहिरण्णेसु य खयरावहियासु पुणरवि य तासु । कमलसिरीमहिलादिसु भत्तपरिन्ना क्या थी || ५५० || [गा. ५५१-५२. विसमट्ठाणट्ठियआराहगमुणिअवेक्खाए
श्री आगमगुणमंजूषा - १३२४