Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 36

(२४-३३) दस पन्नयसुत्तेसु ४ गणिविज्जा, ५ मरणसमाहि
[२५]
१५ । एए दिवसमुहुत्ता, रत्तिमुहुत्ते अओ वुच्छं ।। ५३ । ७१७. हयई विवरीय धणो पमोयणो अज्जमा तहा सीणो । रक्खस पायावच्चा सामा बंभा बहस्सई या ॥५४॥ ७१८. विण्हु तहा पुण रित्तो रत्तिमुहुत्ता वियाहिया । दिवसमुहुत्तगईए छायामाणं मुणेयव्वं ||५५ || ७१९. मित्ते नंदे तह सुट्ठिए य अभिई चंदे तहेव य । वरुणऽग्निवेस साणे आणंदे विजइ ॥ ५६ ॥ ७२०. एतेसु मुहुत्तजोएस सेहनिक्खमणं करे। वओवट्टावणाई च अणुन्ना गणि वायए ।। ५७ ।। ७२१. बंभे वलए वाउम्मि उसभे वरुणे तहा । अणसण पाउवगमणं उत्तिमहं च कारए ||१८|| दारं ६ | [गा. ५९-६४. सत्तमं सउणबलदारं ] ७२२. पुन्नामधेज्जसउणेसुं सेहनिक्खमणं करे । थनामधेज्जसउणेसु समाहिं कारए विऊ ||५९|| ७२३. नपुंसएस सउणेसु सव्वकम्माणि वज्जए । वामिस्सेसु निमित्तेसु सव्वारंभाणि वज्जए ॥ ६० ॥ ७२४. तिरियं वाहरंतेसु अद्धाणागमणं करे। पुप्फिय-फलिए वच्छे सज्झायकरणं करे || ६१|| ७२५. दुमखंधे वाहरंतेसु वओवट्टावणं करे। गयणे वाहरंतेसु उत्तिमद्वं तु कारए ॥६२॥ ७२६. बिलमूले वाहरंतेसु ठाणं तु करिगिण्हए। उप्पायम्मि वयंतेसु सउणेसु मरणं भवे ।। ६३ ।। ७२७. पक्कमंतेसु सउणेसु हरिसं तुट्ठि च वागरे । दारं ७ । [गा. ६४-७२. अट्ठमं लग्गबलदारं] चलरासिविलग्गेसुं सेहनिक्खमणं करे ॥ ६४॥ ७२८. थिररासिविलग्गेसुं वओवट्ठावणं करे। सुयक्खंधाणुन्नाओ उद्दिसे य समुद्दि ||६५|| ७२९. बिसरीरविलग्गेसुं सज्झायकरणं करे। रविहोराविलग्गेसु सेहनिक्खमणं करे ॥६६॥ ७३०. चंदहोराविलग्गेसु सेहीणं संगह करे । सोम्मदिक्कोणलग्गेसु चरण करणं तु कार ॥६७॥ ७३१. कूरदिक्कोणलग्गेसु उत्तमद्वं तु कारए। एवं लग्गाणि जाणिज्जा दिक्कोणेसु ण संसओ ॥ ६८ ।। ७३२. सोमग्गहविलग्गेसु सेहनिक्खमणं करे। कूरग्गहविलग्गेसु उत्तमठ्ठे तु कारए ||६९ || ७३३. । राहु-केउविलग्गेसु सव्वकम्माणि वज्जए ॥ ७० ॥ ७३४. विलग्गेसु पसत्थेसु पसत्थाणि उ आरभे । अप्पसत्थेसु लग्गेसु सव्वकम्माणि वज्जए ।। ७१ ।। ७३५. एवं लग्गाणि जाणिज्जा गहाण जिणभासिए । दारं ८ । [गा. ७२-८५. नवमं निमित्तबलदारं न निमित्ता विवज्जंति, न मिच्छा रिसिभासियं ] || ७२ । ७३६. दुद्दिद्वेणं निमित्तेणं आदेसो वि विणस्सइ । सुदिट्ठेण निमित्तेणं आदेसो न विणस्स ||७३|| ७३७. जा य उप्पाइया भासा, जं च जंपंति बालया । जं चित्थीओ पभासंति, नत्थि तस्स वइकम्मो ॥ ७४ ॥ ७३८. तज्जाएण य तज्जायं, तन्निभेण य तन्निभं । तारूवेण य तारूवं, सरीसं सरिसेण निद्दिसे || ७५ || ७३९. पुंनामेसु निमित्तेसु सेहनिक्खमणं करे ।। ७६ ।। ७४०. नपुंसकनिमित्तेसु सव्वकज्जाणि वज्जए । वामिस्सेसु निमित्तेसु सव्वारंभे विवज्जए || ७७ || ७४१. निमित्ते कित्तिमे नत्थि निमित्ते भावसुज्झए । जेण सिद्धा वियाणंति निमित्तप्पायलक्खणं ॥ ७८ ॥ ७४२. निमित्तेसु पसत्थेसु दढेसु बलिएसु य । सेहनिक्खमणं कुज्जा वओवट्ठावणाणि य ।। ७९ ।। ७४३. गणसंगहणं कुज्जा, गणहरे इत्थ थावए । सुयक्खंधाऽणुन्ना उ, अणुन्ना गणि
||८०|| ७४४. निमित्तेसु [अ] पसत्थेसु सिढिलेसु अबलेसु य । सव्वकज्जाणि वज्जेज्जा अप्पसाहारणं करे || ८१|| ७४५. पसत्थेसु निमित्तेसु पसत्याणि सया(?मा)रभे। अप्पसत्थनिमित्तेसु सव्वकज्जाणि वज्जए ॥ ८२ ॥ ७४६. दिवसाओ तिही बलिया, तिहीओ बलियं तु सुव्वेई रिक्खं । नक्खत्ता करणमाहंसु, करणा गहदिणो बलि(?ली) ||८३|| ७४७. गहदिणाउ मुहुत्तो, मुहुत्ता सउणो बली । सउणा विलग्गमाहंसु, तओ निमित्तं पहाणं तु ॥८४॥ ७४८. विलग्गाओ निमित्ताओ निमित्तबलमुत्तमं । न तं संविज्जए लोए निमित्ता जं बलं भवे ॥ ८५ ॥ [गा. ८६. गणिविआपइन्नओवसंहारो ] ७४९. एसो बलाबलविही समासओ कित्तिओ सुविहिएहिं । अणुओगनाणगज्झो नायव्वो अप्पमत्तेहिं ॥ ८६॥|| 5 || गणिविज्जापइण्णं सम्मत्तं || ४ ||
५ मरणसमाहिपइण्णय' अवरनामं 555 मरणविभत्तिपइण्णयं 555 [गा. १. मंगलमभिधेयं च] ७५०. तिहुयणसरारविंदं सप्पवयणरयणसागरं नमिउं । समणस्स उत्तिमट्टे मरणविहीसंगहं वोच्छं ||१|| [गा. २ ९. मरणविहिविसए सीसस्स पुच्छा ] ७५१. सुणह, सुयसारनिहसं ससमय-परसमयवायनिम्मायं । सीसो समणगुणङ्कं परिपुच्छइ वायगं कंचि ॥२॥ ७५२. अभिजाइ - सत्त - विक्कम- सुय- सील- विमुत्ति खंतिगुणकलियं । आयारविणय-मद्दव - विज्ना चरणागरमुदारं ||३|| ७५३. कित्तीकुणगब्भहरं जसखाणि तवनिहिं सुयसमिद्धं । सीलगुण-नाण- दंसण- चरित्तरयणागरं धीरं ॥४॥ ७५४.
ero
For Private & Personal Lise Only
| Education International 2010_03 MO 45 45 श्री आगमराणसंजा 2300 Y