Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 45

(२४-३३) दस पइन्नयसुत्तेसु ५ मरणसमाहि [३४]
सुयं च धम्मो य । तेसिं सरणोवगओ सावज्जं वोसिरामि त्ति ॥ ३०२ ॥ ★★★ इति सिरिमरणविभत्तिसुए संलेहणा सुयं समत्तं ॥ २॥ अथ आराहणासुयं लिख्यते ।
2 RO5555555555
[गा. ३०३. आराहणं पइ सिद्ध-अरहंत-केवलिपयाणं माहप्पं ] १०५२. सिद्धे उवसंपन्नो अरिहंते केवली य भावेण । एत्तो एगतरेण वि पण आराहओ होइ ||३०३|| [गा. ३०४-७. वेयणाहियासणोवएसो] १०५३. समुइन्नवेयणो पुण समणो हिययम्मि किं निवेसिज्जा ? | आलंबणवक्काई झाऊण मुणी दुहं सह ॥३०४|| १०५४. नरएसऽणुत्तरेसु य अणुत्तरा वेयणाओ पत्ताओ । वट्टंतेण पमाए ताओ वि अनंतसो पत्ता ॥ ३०५ ॥ १०५५. एयं सयं कयं मे रिणं व कम्मं पुरा असायं तु । तमहं एस धुणामी मणम्मि सत्तं निवेसिज्जा || ३०६ || १०५६. नाणाविहदुक्खेहि य समुइन्नेहिं तु सम्म सहणिज्जं । न य जीवो उ अजीवो कयपुव्वो वेयणाईहिं ||३०७|| [गा. ३०८ - ९. अब्भुज्जयविहार-मरणं परुवणं ] १०५७. अब्भुज्जयं विहारं इच्छं जिणदेसियं विउपसत्थं । नाउं महापुरिससेवियं जमब्भुज्जयं मरणं ||३०८ || १०५८. जह पच्छिमम्मि काले पच्छिमत्थियरदेसियमुयारं । पच्छा निच्छयपत्थं उवेइ अब्भुज्जयं मरणं ॥ ३०९ ॥ [गा. ३१०-१७. आराहणापडागाहरणाइउवएसो ] १०५९. छत्तीसमट्टियाहि (?) य कडजोगी जोगसंगहबलेणं । उज्जमिऊणं बारसविहेण तवनियमठाणेणं ॥३१०॥ १०६०. संसाररंगमज्झे धिइबलसन्नद्धबद्धकच्छाओ । हंतूण मोहमल्लं हराहि आराणहपडागं || ३११ ॥ १०६१. पोराणयं च कम्मं खवेइ, अन्नं न बंधणाऽऽइयइ । कम्मकलंकलवल्लिं छिंदइ संथारमारूढो ॥ ३१२।। १०६२. धीरपुरिसेहिं कहियं सप्पुरिसनिसेवियं परमघोरं । उत्तिष्णो मि हु रंग हरामि आराहणपडागं ॥ ३१३॥ १०६३. धीर ! पडागाहरणं करेहि जह तम्मि देसकालम्मि । सुत्त ऽत्थमणुगुणितो धिइनिच्चलबद्धकच्छाओ || ३१४ ॥ १०६४. चत्तारि कसाए तिन्नि गारवे पंच इंदियग्गमे । जिणिउं परीसहे वि य हराहि आराहणपडागं ॥३१५॥ १०६५. न य मणसा चितिज्ज, जीवामि चिरं, मरामि व लहुं ति । जइ इच्छसि तरिउं जे संसारमहोयहिमपारं ॥ ३१६|| १०६६. जइ इच्छसि नीसरिडं सव्वेसिं चेव पावकम्माणं । जिणवयण-नाण- दंसण चरित्त-भावुज्जुओ जग्ग ॥३१७॥ [गा. ३१८२४. आराहणाए भेय-पमेया फलं च] १०७६. दंसण १ नाण २ चरित्ते ३ तवे ४ य आराहणा चउक्खधा । सा चेव होइ तिविहा उक्कोसा १ मज्झिम २ जहण्णा ३ ॥३१८॥ १०६८. आराहेऊण विऊ उक्कोसाराहणं चउक्खंधं । कम्मरयविप्पमुक्को तेणेव भवेण सिज्झेज्जा ॥ ३१९ || १०६९. आराहेऊण विऊ मज्झिमआराहणं चउक्खंधं । उक्कोसेण य चउरो भवे उ गंतूण सिज्झेज्जा ॥ ३२० ॥ १०७०. आराहेऊणविऊ जहन्नमाराहणं चउक्खंधं । सत्तऽट्टभवग्गहणे परिणामेऊण सिज्झेज्जा ॥३२१|| १०७१. धीरेण वि मरियव्वं, काउरिसेण वि अवस्स मरियव्वं । तम्हा अवस्समरणे वरं खु धीरत्तणे मरिउं ॥ ३२२ ॥ १०७२. एयं पच्चक्खाणं अणुपालेऊण सुविहिओ सम्मं । वेमाणिओ व देवो हविज्न अहवा वि सिज्झेज्जा ॥ ३२३ ॥ १०७३. एसो सवियारकओ उवक्कमो उत्तिमट्टकालम्मि । इत्तो उ पुणो वोच्छं जो उ कमो होइ अवियारे ॥३२४॥ [गा. ३२५-३४. निज्जवयाणं सरूवाइ] १०७४. साहू कयसंलेहो विजियपरीसह कसोयसंताणो । निज्जवए मग्गेज्जा सुयरयणसहस्सनिम्माए ॥३२५॥ १०७५. पंचसमिए तिगुत्ते अणिस्सिए राग-दोस-मयरहिए। कडजोगी कालण्णू नाण-चरण-दंसणसमिद्धे || ३२६|| १०७६. मरणसमाहीकुसले इंगियपत्थियसमभाववेत्तारे । ववहारविहिविष्णू अब्भुज्जयमरणसारहिणो ॥ ३२७॥ १०७७. उवएस हेऊ- कारणगुनिसढा णायकारणविहण्णू । विण्णाण-नाण-कारणोवयारसुयधारणसमत्थे ॥३२८॥ १०७८. एगंतगुणेऽरहिया बुद्धीइ चउव्विंहाइ उववेया । छंदण्णू पच्चइया पच्चक्खाणम्मि य विहण्णू || ३२९|| १०७९. दोण्हं आयरियाणं दो वेयावच्चकरणनिज्जुत्ता । पाणगवेयावच्चे तवस्सिणो व त्ति दो पत्ता ||३३०|| १०८०. उव्वत्तण- परिवत्तण-उच्चारुस्साव- करणजोगेसुं । दो वायग त्ति णिज्जा असुन्नकरणे जहनेणं ॥ ३३१|| १०८१. अस्सद्दह वियणाए पायच्छित्ते पडिक्कमणए य । जोगाऽऽयकहाजोगे पच्चक्खाणे य आयरिओ (आ) ||३३२ ।। १०८२. कप्पाsकप्पविहन्नू दुवालसंगसुयसारही सव्वं (?) । छत्तीसगुणोवेया पच्छित्तविया (सा) रया धीरा ।। ३३३ ।। १०८३. एए ते निज्जवया परिकहिया अट्ठ उत्तत्तिमम्मि । जेसिं कुणसंखाणं न समत्था पायया वोत्तुं ॥ ३३४ ॥ [गा. ३३५-६५. कसायाइखामणा सल्लुद्धरणाइनिरूवणं च] १०८४. एरिसयाण समासे
YOYORY
फ्र
श्री आगमगुणमजूषा १३१८