Dasa Prakirnaka Sutra Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 37

(२४-३३) दस पइन्नयसुत्तेसु ५ मरणसमाहि
[२६]
तिविहं तिकरणसुद्धं मयरहियं दुविहठाणपुणरुत्तं । विणएण कमविसुद्धं चउस्सिरं बारसावत्तं ||५|| ७५५. दुओणयं अहाजायं एवं काऊण तस्स किइकम्मं । भत्तीइ भरियहियओ हरिसवसुभिन्नरोमंचो ||६|| ७५६. उवएस हेउकुसलं तं पवयणरयणसिरिघरं भणइ । इच्छामि जाणिउं जे मरणसमाहिं समासेणं ||७|| ७५७. अब्भुज्जयं विहारं इच्छं जिणदेसियं विउपसत्थं । नाउं महापुरिसदेसियं तु अब्भुज्जयं मरणं ॥ ८ ॥ ७५८. तुब्भित्थ सामि ! सुयजलहिपारगा समणसंघनिज्जवया । तुज्झं खु पायमूले सामन्नं उज्जमिस्सामि ||९|| [गा. १०-६६१. वायगपरुविया मरणविही ] ७५९. सो भरियमहुरजलहरगंभीरसरो निसन्नओ भइ । सुण दाि धम्मवच्छल ! मरणसमाहिं समासेणं ॥ १० ॥ ७६०. सुण जह पच्छिमकाले पच्छिमतित्थयरदेसियमुयारं । पच्छा निच्छियपत्थं उवेति अब्भुज्जयं मरणं ॥११॥ ७६१. पव्वज्जाई सव्वं काऊणाऽऽलोयणं च सुविसुद्धं । दंसण-नाण- चरित्ते निस्सल्लो विहर चिरकालं ॥ १२ ॥ ७६२. आउव्वेयसमत्ती तिमिच्छए जह विसारओ विज्जो । रोगाऽऽयंका गहिउं सो निरुयं आउरं कुणइ ||१३|| [गा. १४-१५. आराहणाए भेयतिगं ] ७६३. एवं पवयण- सुयसारपारगो सो चरित्तसुद्धीए । पायच्छित्तविहिन्नू तं अणगारं विसोहेउ || १४ || ७६४. भणइ य-तिविहा भणिया सुविहिया ! आराहणा जिर्णेदेहिं । समत्तम्मि य पढमा-नाणचरित्तेहिं २-३ दो अणे ॥१५॥ [गा. १६-२०. समत्ताराहणानिरूवणं ] ७६५. सद्दहगा पत्तियगा य रोयगा जे य वीरवयणस्स । सम्मत्तमणुसरंता दंसणआराहगा होति ||१६|| ७६६. संसारसमावण्णे य छव्विहे मोक्खमस्सिए चेव । एए दुविहे जीवे आणाए सद्दहे निच्छं ||१७|| ७६७. धम्माऽधम्माऽऽगासं च पोग्गले जीवमत्थिकायं च । आणाए सद्दहंता सम्मत्ताराहगा भणिया ।। १८ । ७६८. अरहंत - सिद्ध-चेइय-गुरूसु सुय- धम्म- साहुवग्गे य । आयरिय उवज्झाए य पवयणे सव्वसंघे य ॥ १९ ॥ ७६९. एएसु भत्तित्ता पूयंता अहरुहं अणण्णमणा । सम्मत्तमणुसरंता परित्तसंसारिया होति ॥ २०॥ [गा. २१. असद्दहंतस्स बालमरणनिरूवणं ] ७७० सुविहिय ! इमं प असद्दहंतेहिं णेगजीवेहिं । बालमरणाणि तीए मयाइं काले अणंताई ॥२१॥ [ गा. २२-४४. समासओ पंडियमरणनिरूवणं ] ७७१. एगं पंडियमरणं मरिऊण पुणो बहूण मरणाणि । नमरंति अप्पमत्ता, चरित्तमाराहियं जेहिं ॥ २२॥ ७७२. दुविहम्मि अहक्खाए सुसंबुडा पुव्वसंगओमुक्का । जे उ चयंति सरीरं पंडियमरणं मयं तेहिं ।।२३।। ७७३. एयं पंडियमरणं जे धीरा उवगया उवाएणं । तस्स उवाए उ इमा परिकम्मविही उ जुंजीया ॥ २४ ॥ ७७४. जे कंस संख-ताडण - मारुय-जिय-गगणपंकय-तरुणं । सरिकप्पा, सुयकप्पियआहार-विहार- चिट्ठागा ॥२५॥ ७७५. निच्चं तिदंडविरया निगुत्तिगुत्ता तिसल्लनिसल्ला। तिविहेण अप्पमत्ता जगजीवदयावरा समणा ||२६|| ७७६. पंचमहव्वयसुत्थियसंपुण्णचरित सीलसंजुत्ता । जह, तह, मया महेसी हवंति आराहमा समणा ||२७|| इक्कं अप्पणं जाणिऊण काऊण अत्तहिययं च । तो पवरनाण- दंसण-चरित- तवसुद्विया होति ॥ २८ ॥ ७७८. परिणाम - जोगसुद्धा दोसु य दो दो निरासयं पत्ता । इहलोए परलोए जीविय - मरणासए चेव ॥२९॥ ७७९. संसारबंधणाणि य राग-दोसनियलाणि छित्तूण । सम्मदंसणसुनिसियसुतिक्खधिइमंडलग्गेणं ॥ ३० ॥ ७८०. दुप्पणिहिए य पिहिऊण तिन्नि तिहिं चेव गारवविमुक्का । कायं मणं च वायं मण वयसा कायसा चैव ॥३१॥ ७८१. तवपरसुणा य छेत्तूण तिण्णि उजुखंतिविहियनिसिएणं । दोग्गइमग्गा तरिएण मण-वयसा-कायए दंडे ||३२|| ७८२. तं नाऊण कसाए चउरो पंचहिं य पंच हंतूणं । पंचाऽऽसवे उदिण्णे पंचहि य महव्वयगुणेहिं ॥ ३३ ॥ ७८३. छज्जवनिकाए रक्खिऊण छलदोसवज्जिया जइणो । तिगलेसापरिहीणा पच्छिमलेसातिगजुया य ॥१३४॥ ७८४. इग- दुग-तिग-चउ-पण- छग-सत्त-ऽट्ठग-नवग- दसग़ठाणेसुं । असुहेसु विप्पहीणा, सुभेसु सय संठिया जे उ ॥ ३५ ॥ ७८५. वेयण१ क्याबच्चे २ इरियट्ठाए ३ य संजमट्ठाए४ । तह पाणवत्तियाए५ छट्टं पुण धम्मचिंताए६ || ३६ || ७८६. छसु ठाणेसु इमेसु उ अण्णतरे कारणे समुप्पण्णे । कडजोगी आहारं करेति जयणानिमित्तं तु ॥ ३७॥ ७८७. जोएस किलायंता सरीरसंकप्प वोढुमचयंता । अविकंथऽवज्जभीरू उवेति अब्भुज्जयं मरणं ॥ ३८ ॥ ७८८. आयंके उवसग्गे तितिक्खया बंभचेर-गुत्तीसु। पाणिदया-तवहेउं सरीरपरिहारवोच्छेओ ॥ ३९ ॥ ७८९. पडिमासु सीहनिक्कीलियासु घोरेसऽभिग्गहाईसु । छव्विह अब्भिंतरए बज्झे य तवे समणुरत्ता ॥४०॥ ७९०. अविकलसीलाऽऽयारा पडिवन्ना जे उ उत्तमं अहं । पुव्विल्लाण इमाण य भणिया आराहणा चेव ॥४१॥ ७९१. जह पुव्वद्ध्यगमणो करणविहीणो वि सागरे पोओ। तीरासन्नं पावइ रहिओ वि अवल्लागाईहिं ॥ ४२ ॥ श्री आगमणमंजूषा १३१० ॐ ॐ ॐ
1
NORO
Zoo
原666666666